士林台灣麵

營業中

休息中

已經食過三四次，之後同幾個大西北friend傾先知個個都幫襯過😂逐個點評下先:1️⃣香酥雞排肉燥飯 (5分滿分，雞排推薦程度: 🌕🌕🌕🌕🌗; 肉燥飯推薦程度: 🌕🌕🌕🌗)呢間最出名應該係香酥雞排，外層真係炸得好脆，而裡面唔乾，質感一流，但我覺得唔夠鹹。不過好彩今次係配有味嘅肉燥飯，中和返就啱啱好2️⃣香酥排骨干拌麵(5分滿分，排骨推薦程度: 🌕🌕🌕🌕) 外層同樣香脆，而相比雞排，排骨有味得多，但略嫌肉質硬左啲，大家自行抉擇雞排定排骨啦😎(干拌麵推薦程度: ❤️❤️❤️❤️❤️)另外我個人超級鍾意干拌麵!! 麵同肉燥嘅乾濕度調教得好好，仲帶有丁咁多醋嘅酸味，好開胃😭3️⃣鹽酥魷魚鬚 (5分滿分，推薦程度: 🌕🌕🌕)香到傻左，捧緊過嚟已經聞到陣味🤯但個人覺得炸粉厚左啲😭4️⃣珍珠奶茶(5分滿分，推薦程度: 🌕🌕🌕🌕🌗)5️⃣胚芽奶茶(5分滿分，推薦程度: 🌕🌕🌕)

西菁街即係元朗千色後面嗰條街，一到夜晚就好多人，吸引左好多黎食嘢的朋友。以往叫湯面，近日天熱都不得了，今日黎士林試下撈面先。台灣豬腳撈面，湯面定撈面都係同一款面，呢度的面係四方型，唔算特別粗或幼，面質厚度同軟硬適中，撈面用的係肉燥碎同汁，連埋少少青瓜絲，撈面更加可以掛到啲肉汁，原來比食湯面更加濃郁. 豬腳用鹵水汁煮成，有3件大大件，幾夠入味，而家夠腍，又未會散哂好滯咁。香酥雞扒撈定係湯，份雞扒都係分開上，唔會整到份雞扒腍左。雞扒好大塊，炸得好鬆脆，而調味簡單但帶到鮮味，咸香得宜。其實食湯面好多時係好想飲嗰湯底，如果食撈面可以送一碗仔就正喇。飲品相對舊式的台灣食店貨色，好正路，大大杯。

一條短短的西菁街隱藏着各個地方美食，元朗人真是幸福了。今晚想吃台灣菜,自然來士林。我們點了牛肉麵,台式豬脚麵，酥炸尤魚鬚，台式拼盤等。牛肉麵湯底濃濃，牛肉味入湯，牛肉淋，份量夠大，水準之作。三件豬腳大大舊，炆得夠淋又入味，鍾意食豬手的我舉腳贊好。胚芽奶茶，獨特口味，好似加咗好立克咁，幾野味好飲。其余尤魚鬚和拼盆唔算特別好味，屬大路之作。地方較窄，食完就拿拿聲埋單去附近吃糖水啦！

星期一的休閒，當然要食啲平時要排隊既!!2人叫左炸魷魚酥，炸雞扒湯麵，牛腩干撈麵，珍珠奶茶，胚芽奶茶。首先牛腩好入味又唔會太肥，配埋個干撈麵好夾，個麵係有啲彈性個種，唔會太淋。雞扒同鱿鱼因為炸的關係等得比較耐，但睇得出唔係用萬年油。炸完魷魚仲juice, 雞扒都唔錯，但雞扒湯麵個湯係清湯，所以比較啖味。最後講下野飲，本身唔多中意甜所以叫左少甜，但佢本身飲品原來唔係好甜，唔叫小甜應該都接受到。 下次試下正常先總括牛腩好值得試，其次係炸物，會再去，如果唔使點等，哈哈值得一讚係廚房好似好乾淨，環境就逼啲，抵唔抵食見人見智 40 蚊個麵，飲品另加12蚊。