士林台灣麵

營業中

休息中

西菁街即係元朗千色後面嗰條街，一到夜晚就好多人，吸引左好多黎食嘢的朋友。以往叫湯面，近日天熱都不得了，今日黎士林試下撈面先。台灣豬腳撈面，湯面定撈面都係同一款面，呢度的面係四方型，唔算特別粗或幼，面質厚度同軟硬適中，撈面用的係肉燥碎同汁，連埋少少青瓜絲，撈面更加可以掛到啲肉汁，原來比食湯面更加濃郁. 豬腳用鹵水汁煮成，有3件大大件，幾夠入味，而家夠腍，又未會散哂好滯咁。香酥雞扒撈定係湯，份雞扒都係分開上，唔會整到份雞扒腍左。雞扒好大塊，炸得好鬆脆，而調味簡單但帶到鮮味，咸香得宜。其實食湯面好多時係好想飲嗰湯底，如果食撈面可以送一碗仔就正喇。飲品相對舊式的台灣食店貨色，好正路，大大杯。