火狐爐端燒 (已結業)

早前聽朋友講話荃灣有間新開的爐端燒唔錯，作為食藥嘅我冇理由唔來試下啦，入到呢個幾有特色的小店，小店約有8-9張枱，所以來食飯最好早少少來book 位, 一入門口就放左果結他及內裹擺設都幾型格，好啱同朋友食下野吹水的地方。我地就叫左1個小食，6串串燒及一個飯。蒲燒鰻魚飯 - 鰻魚燒得好香口直頭外脆內軟， 加埋D醬汁好夾，份量剛剛好。牛舌  - 食落好濃牛味加埋少許黑椒及海鹽，真係好正厚燒玉子 -  食落有少少味醂的調味甜甜地加埋蘿蔔蓉幾清新汁燒雞肝 -  雞肝燒得香口，配埋自家製醬汁真係幾好食胡麻秋葵 -  本身我好怕食秋葵因佢滑滑潺潺汁液，但呢個秋葵入口幾爽脆，加埋胡麻醬汁同本魚碎幾特別豚大腸山葵燒 - 呢個係我覺得食落好有驚喜，大腸燒得外皮勁香脆，內裹就好軟滑，加埋少少秘製山葵汁，食落一D都唔會好油膩

是晚為結婚周年補足，嚟咗荃灣一間小店食爐端燒，裝修簡潔帶點和風味，牆上寫着各款美食選擇，店裏播放着日本音樂。喝着茶等待前菜送上，先有一份胡麻秋葵，秋葵上放有一些木魚絲加上胡麻汁，味道不錯。豆腐唐揚好好味，表面炸得脆脆但裏面仍保持豆腐的軟滑，加上醬汁好味，十分欣賞。還有燒茄子，一碟有三件，茄子夠腍身，還附上蘿蔔蓉，都是開胃之選。另外一串黑豚五花豚有4-5片，醃得相當入味，帶點蒜鹽在上面，加上檸檬汁，感覺並不肥膩，而且香口好味。一串雞翼由兩隻開邊變4份，燒得香口而且入味，正！雞軟骨黃金燒也很不錯，用了「黃金蝦」的做法，外面滿佈鹹蛋黃碎，雞軟骨脆卜卜很有咬感，都值得推介。番薯條伴雪糕相當吸引，雖然番薯條不算炸得很趣，但甜味十足，加上雪糕更滋味。鹽燒油甘魚鮫，估不到有這麼多魚肉好吃，魚肉本身有味道，再點附屬嘅燒汁更加提升一層，還可以加檸檬汁和蘿蔔蓉一起吃，好味。蟹膏海鮮炒飯有蝦、帶子、魷魚、蛋碎及蔥花，炒飯帶點濕氣，味道還可以。

今日約左個朋友食飯由於大家都咁岩係荃灣, 所以決定係荃灣食野本身諗住食隔離果間米線, 但見到咁多人排緊, 望一望呢度既MENU都唔錯所以決定轉場去左火狐爐端燒入到餐廳好有去日本居酒屋既感覺, 餐廳主要食串燒為主除左串燒都會有主食例如烏冬及炒飯, 餐牌分開UPLOAD首先就叫左個胡麻秋葵, 個麻醬好好食, 再加埋木魚絲, 好味!跟住就開始食串燒, 串燒我地叫左1.雞翼 $25 - 燒得好香口, 調味岩岩好, 雞皮脆卜卜2.雞軟骨 $20 - 軟骨位帶小小雞肉, 食落去口感好好唔好硬3.牛舌 $40 - 都算幾厚身, 牛味香4.豚大腸山葵燒 $28 - 少少脆身, 唔會有臭腸味, 同個山葵醬味道都幾夾5.豚肉荔枝$30 - 燒到有少少脆既豚肉包住清甜既荔枝, 一咸一甜, 配合得幾好好鍾意食啡菇, 見到有大啡菇芝士燒$38, 又點可以錯過個菇燒得好香好好味, 又唔會燒到太乾, 岩岩好最後就叫左個蟹膏海鮮炒飯 $108個人覺得呢個係必點, 蟹膏味好香但又唔會腥, 而且好足料有3-4隻大蝦, 魷魚片, 帶子粒, 連朋友都讚個炒飯出色餐廳仲會有酒類供應, 好適合放工黎飲返杯食下串燒傾下計!!

加班後帶住疲倦身軀返到屋企附近, 經過呢間居酒屋被吸引了, 門口細細真係好有和風 feel!餐廳佈置以4人柗為主,  所以我一支公都可以坐4人位, 好闊落!侍應推介這個大啡芝士菇, 本身我喜歡吃芝士亦喜歡菇類, 上枱時見到芝士好足料, 加上燒香了既大蘑菇, 非常惹味!其它串燒類亦燒得很有火喉!炒飯等了較長時間, 米身好細粒, 乾身,雖然有點偏咸, 但和牛跟露荀都很多, 份量夠, 一個人吃不了, 還外帶呢!餐廳佈置都有日本感覺, 播放著日文既音樂, 玷知道老闆有無刻意去選歌, 播著既音樂都係有尹編為中文既歌曲, 令我更加投入!

剛搬來荃灣，就係要穿插橫街窄巷去搵野食兼熟習環境，"火狐爐端燒"就喺千色匯後街附近既四坡坊，今晚就黎食下日式串燒。日式小店裝修帶點情調，頭上既一盞燈吸引咗我～ 哈～🔸胡麻秋葵🔸 ⭐⭐⭐平時我同秋葵實在唔係朋友，男人極力推介我試下，第一次配胡麻醬原來又幾好食，胡麻醬反而令到秋葵少咗平時不太喜歡既滑捋捋。 🔸豚大腸山葵燒🔸 ⭐⭐⭐⭐外皮燒得脆卜卜，內裡還有少少油脂，燒得剛剛好，加埋芥茉醬口感豐富。🔸牛舌🔸 ⭐⭐⭐⭐⭐男人至愛，要知道好食既牛舌唔係咁容易，不會燒過火，調味實在係加咗分，我覺得好好味。🔸雞翼🔸 ⭐⭐⭐⭐每次食串燒都會點，雞皮燒得脆口但肉汁還在，雞肉仲好嫩滑。🔸大啡菇芝士燒🔸 ⭐⭐⭐⭐⭐一上枱都聞到香到不得了，芝士燒到半溶狀態舖喺大啡菇，而大啡菇仲有好多汁添，食完一隻又想食第二隻。🔸和牛露荀炒飯🔸 ⭐⭐⭐⭐⭐除咗主角和牛同露荀，有大量炸蒜片，加埋一齊炒令到炒飯多咗脆脆口感, 和牛既油脂味好夠香, 好快就清哂成碟炒飯。

荃灣真係美食之都，今次去咗德華公園附近搵食，食嘅係爐端燒，呢間比較特別，師傅唔會係你面前燒起啲嘢食，雖然冇得欣賞師傅嘅功架，但就少咗一份油煙味。店入面除咗menu之外，亦列出咗本日のおすすめ，為客人推薦當日最新鮮、最優質嘅選擇。黑豚五花腩 $28 用上少量調味，唔會掩蓋豬肉本身嘅味道，五花腩略瘦，肥返啲更正🤣厚燒玉子 $68 玉子好嫩，上枱時熱辣辣，配上旁邊嘅蘿蔔蓉，一冷一熱，冰火嘅感覺，亦都可以中和一下味覺！雞翼 $24 事先已經開邊，所以燒得好均勻，略嫌細隻得滯。胡麻秋葵 $32 第一次食秋葵，黏黏哋，配埋胡麻醬調吓味，都幾特別喔～豚大腸山葵燒 $22 大腸乾淨、夠咬口，配上山葵，夠惹味。蟹膏海鮮炒飯 $98 炒飯有大蝦、帶子等作配料，用料新鮮，蟹膏味唔算重，重味啲會更滿足！需加一服務費，埋單2人約$300。如果你鍾意睇我嘅食評，不妨關注我，支持吓我，謝謝你☺️💕

好耐無去過荃灣四坡坊，本來想帶朋友去食米線，點知佢條人龍排到兩個鋪位外，風又大，怕友人發脾氣，見到旁邊有間日本風小店主打爐端燒，似乎唔錯店舖小小，有日式小店風味，店內有好多日本電影海報。座低冇耐就送上餐前小食，牛蒡漬蒜頭漬及方塊蟹子，配酒一流。先點了胡麻秋葵作為前菜清一清，胡麻醬香濃，配合鰹魚片及清涼水嫩秋葵爐端燒點了大蔥雞肉及豚肉荔枝此為爐端燒必點之選，雞肉份量多而嫩滑，有肉汁，醬汁唔太咸，味道剛好，大蔥外皮焦香，內裏甜嫩。等待係有價值嘅原粒荔枝被五花腩片包裹燒制，香甜荔枝甜度增加，腩片油花被燒走，只留下香少了油膩感。然後就係和牛蘆筍炒飯，估唔到小店炒飯份量有咁多，肉及蘆荀每口都有，日本米粒粒分明。最後係喜知次一夜干喜知次係捕獲後難以存活嘅魚，但一夜干就可以保存到佢口感，食味。這條小小嘅喜知次，成為今晚嘅壓軸確實唔錯。