古今

營業中

休息中

呢餐晚飯食得好開心，全因有個細心的店員叔叔係附近，佢好友善咁同客人傾計，會根據我地的口味推介佢哋嘅特色菜，又會幫我地安排上菜的次序同時間，每碟菜一碟接一碟咁上😇🌈🐟🤤🥑🥗🦀🐂如果唔講，我以為自己食緊Fine dining！前菜：胡麻豆腐沙律 🥗 脆脆的新鮮生菜做底層+爽爽的中華沙律+豆香味濃郁又軟軟的豆腐+胡麻醬，已經夠香、口感好豐富！估唔到，仲有大啖大啖的飛魚子+三文魚子，一碟沙律n重口感！🤩🤩👍👍👍小食：網燒牛舌心🐂 店員叔叔介紹，佢哋只係要左牛舌的1/4，即是牛舌心的部位，因為呢個部位最爽口！果然，比起平時食的牛舌更有口感！加上燒完之後的碳香味🤤🤤🤤主菜：彩虹卷🌈牛油果🥑的成熟程度啱啱好！加上每個卷上面都有唔同品種的刺身..口感豐富🐟吞拿魚的紅、三文魚的粉紅、鯛魚的白、牛油果的綠，不只滿足味蕾，還有視覺的享受🥳🥳蟹膏帶子炒飯 🦀，一碟炒飯裡面內有乾坤，蟹膏味濃而不「嬲」，每一羹飯都有帶子粒、蟹柳粒、雞蛋碎😇😇兩個人份量啱啱好！呢餐飯食得又滿足又開心🥳🥳

餐廳內枱與枱之間有一段距離，完全唔迫，所以唔會有嘈吵嘅感覺而且環境舒適，非常適合情侶/幾個朋友相聚。 一坐底就俾餐具吸引住，碟用嘅對比色好靚，發覺同室內裝修係有夾過👍胡麻豆腐沙律份量好多，不論蔬菜，豆腐，蟹子，三文魚子及胡麻汁嘅份量多，菜嘅口感好好，因為夠新鮮而好爽，蟹子配三文魚子混埋一齊食，口感變得更豐富。 蟹膏帶子炒飯師傅將珍珠米炒到粒粒分明，口感特別，而家個炒飯真係啖啖蟹膏香，仲要愈食愈香濃，中意食蟹膏必選呢個炒飯。雜錦天婦羅天婦羅有大蝦，香菇，茄子，紫薯仔所有都炸得乾身又脆，一啲都唔油膩，紫薯仔同茄子甜甜地好夾天婦羅，香茹外脆內多汁👍彩虹卷彩虹卷同時有幾種口味, 一次過可以試到晒不同味道的慾望而且拌碟很美, 打卡真的一流見到隔離枱既火炙金龍卷同黑龍卷, 好像也很吸引

澳門逸園中心特別多日本餐廳，每次都頗有驚喜的。今天來到二十一樓的古今二，店員有禮，食物選擇頗多的呢！銀鱈魚西京燒定食（$138）包含了小食、麵豉湯及白飯。小食是芥末八爪魚，這裡的芥末不會嗆口，我喜歡吃！銀鱈魚夠肥美滑嫩，好吃喔！定食還可以另外再追加小食，魚生炸物都有，怕不夠飽的可以加。活赤貝刺身（$105）新鮮爽口，真不錯！胡麻豆腐沙律（$78）夠大份，上面有不少的豆腐和三文魚籽。胡麻醬頗多，沙律有點濕，除此之外都不錯。金龍卷（$98）有炸蝦及芝士，外面是三文魚。擺盤精緻，一份八件，食材都很搭配呢！

成日聽人講古今幾好 所以我係銅鑼灣一帶就揀咗佢 佢係澳門逸園中心21樓 細細間 不過位置都幾寬落 幾好坐🤓胡麻豆腐沙律 $78沙律好大份 份量適合三至四人👨‍👩‍👧 原來沙律面頭鋪咗好多蟹好同魚子 下面就有大量芝麻醬 啖啖菜都有唔少醬汁 好夠味😛 入面仲有中華沙律同車厘茄等 幾豐富👍🏻牛肉壽喜燒一人份 $108我幾鍾意呢個壽喜燒🍲 牛肉片質素幾好 而且湯底濃郁 甜甜哋又唔會太鹹 幾啱撈飯😙 加埋生蛋同粉絲都幾飽 (另配白飯一碗🍚）雜錦天婦羅 $58天婦羅有2隻天婦羅蝦🍤 冬菇🍄 紫薯🍠同茄子🍆 炸粉唔會太厚 唔會油冧冧 冇乜油膩感 紫薯外脆內軟 幾特別 因為平時多數係黃心番薯🧐辣妹 $98辣妹係辣味吞拿魚蓉🐟炸蝦🍤芝士🧀 辣味三文魚除咗辣辣地外 仲會有沙律醬味😙 辣妹上仲有唔少沙律醬同燒汁 配上粉紅色吞拿魚蓉 吸引😍 另外 炸蝦好脆同cream cheese幾夾 好快就食晒😋

覺得古今佢有好多特色嘅卷物，所以今次嚟銅鑼灣決定揀佢食。因為我同朋友係中午時段食，就嗌左一個set lunch同埋小食同卷物🍱。胡麻豆腐沙律 ($78)一見到呢個沙律🥗就覺得佢好似一個中式嘅全盒，好大盆。沙律上面就有一磚豆腐片，而豆腐上更鋪滿了蟹籽啦同埋魚籽，令成個豆腐沙律升級咗。豆腐下亦有海草、沙律菜同車厘茄，佢哋都滿佈胡麻醬。每一啖都充滿芝麻醬香味，絕對唔使擔心話唔夠醬汁或者好乾身🤓。牛肉壽喜燒一人鍋配飯 ($108)冬天咁凍，所以就諗住同朋友食返一鍋熱辣辣嘅嘢😚。我哋就揀咗牛肉壽喜燒配珍珠米。壽喜燒嘅牛肉算係靚，上菜時仲未熟晒添，食落去幾嫩滑。鍋內材料中仲包括冬菇、豆腐、粉絲、旺菜等等，材料好入味(特別係粉絲)😋，甜甜地撈飯好食。吉列蠔 ($58)吉列蠔🦪有四隻，炸漿唔會太厚身，而味道都幾好食。新鮮炸起嘅蠔脆卜卜，配上沙律醬好滋味。蜘蛛卷 ($88)蜘蛛卷係佢哋其中一個特色卷物。佢個名叫蜘蛛，到底佢材料係乜嘢呢？！🧐原來有軟殼蟹、牛油果、蟹柳同埋青瓜，佢嘅賣相都幾靚，刻意將軟殼蟹腳露出，好似蜘蛛咁。牛油果同炸脆咗軟殼蟹都幾match，青瓜就帶返啲爽口口感😉。總結，古今嘅卷物真係幾

今晚朋友約了我到古今吃晚飯，位於銅鑼灣軒尼詩道525號澳門逸園中心21樓。 因為太肚餓，所以一入到店內就已經點了胡麻豆腐沙律$78、 雞中翼串$30、 日式炸雞$48、 炸軟殼蟹天婦羅$78、 午夜牛郎$88、 煙肉蘆筍串$28。🔸🔸🔸🔸🔸胡麻豆腐沙律～ 沙律菜新鮮， 酸酸地幾開胃。雞中翼串～ 食串燒必點雞翼， 皮脆好味。日式炸雞～ 炸雞細細粒， 易入口啖啖肉。炸軟殼蟹天婦羅～ 炸軟殼蟹好香口， 好耐冇食炸軟殼蟹了。午夜牛郎～ 外面脆卜卜的， 口感特別。煙肉蘆筍串～ 味道唔錯，唔會好乾。點完菜之後先發覺自己點了太多炸物， 反而沒有試到這裏出名的卷物， 唯有下次再食過。

以前我經常用eatigo 訂位，訂得最多既餐廳應該係古今，因為有五折，另外係餐廳好近媽媽工作地方，當時學生哥嘅我會等阿媽放工，然後開開心心食古今。如今我已經成為社會一份子，媽媽都已經退休。今日同媽媽喺銅鑼灣行完街，忽然諗起古今，所以就上左去。古今最令我念念不忘既係卷物，款式超多，而且名字好有趣，今次叫左兩款之前未食過既卷物，充滿驚喜。- 忘不了你入面有芒果、炸牛肉同芝士。炸牛肉第一次食，估唔到同芝士味道幾夾。不過感覺卷物上面放得太多醬，有少少蓋過芝士既味道。- 午夜牛郎午夜牛郎既初型係費城卷，基本上材料一樣，然後再將費城卷炸一炸。外層有啲似吉烈豬扒，非常香口酥脆，加上牛油果、芝士同三文魚，味道幾夾！- 安格斯牛肉壽喜燒自從上次日本旅行都冇食過壽喜燒，所以叫左關東風既壽喜燒過一過口癮先！安格斯牛肉份量超多，牛味濃郁，蘸上蛋汁後肉質更軟嫩。另外配料有豆腐、金針菇、大量娃娃菜同洋蔥，淨係食配菜都飽飽地🤣- 胡麻豆腐沙律沙律菜加芝麻醬可謂經典組合🤣加上原磚豆腐同魚籽後味道更豐富。卷物一如以往咁好味，期待下次仲有咩新款卷物😙

今晚同男朋友睇《鬼滅之刃劇場版 無限列車》之前，去食晚飯先。呢間卷物幾抵食，我地叫左四樣野食，埋單都係$396，又食得飽。胡麻豆腐沙律幾大碟，生菜新鮮，胡麻醬落得夠多，豆腐嫩滑大舊。火山由青瓜、牛油果、蟹柳、帶子組成。上碟好驚豔，堆積如山高。底層由一個個壽司卷建立，上層鋪滿蟹柳、帶子，仲有蟹籽添，十分足料。辣妹由芝士、炸蝦、辣味吞拿魚組成。味道唔辣，但配搭幾夾，帶脆口既口感，好味。三文魚魚頭湯勁大盤，魚頭超大個，湯好清甜又唔會死鹹，而且落左勁多娃娃菜同豆腐粒，滿足。

小妹最鍾意食🇯🇵日本菜，男朋友梗係識做啦～平時連鎖壽司店食得多，今次就試下以卷物聞名嘅「古今」啦！之前在ig見到啲foodie推薦，bookmarked左好耐～😜餐廳裝潢和日本居酒屋相若，菜式和居酒屋相近，除咗主打嘅壽司🍣卷物外，還有天婦羅、串燒、鍋物等。胡麻豆腐沙律原磚豆腐、沙律菜，配上香甜嘅日式芝麻醬，加上魚籽嘅點綴，簡單又好味😋！雜錦天婦羅🍤（$58）有日本🇯🇵蕃薯仔、茄子、蝦和香菇，炸皮薄而脆，不錯吃！呢到嘅卷物配搭新穎，取名有趣，有鼎鼎大名嘅日本富士山、火山，仲有意想不到嘅忘不了你、午夜牛郎、忍者雙辣等，係咩配搭真係估佢唔到！午夜牛郎以為叫做牛郎就會有牛肉係裏面？完來唔係牛肉，而係牛油果，😂😂呢款係炸左嘅反卷，外層炸得和吉列豬排一樣，相當香口，配上軟滑嘅三文魚和芝士，外脆內軟，作為卷物，都算係幾新穎嘅口感～蜘蛛唔通蜘蛛卷又有蜘蛛係裏面咩？😂原來所謂嘅蜘蛛，裏面有軟殼蟹、青瓜、牛油果和蟹柳，唔通卷物取其名為蜘蛛，係以軟殼蟹作比喻？不過軟殼蟹配牛油果，青瓜配蟹柳，確實係無懈可擊嘅配搭！