佳宝會

營業中

休息中

📍#佳宝會🧭 筲箕灣望隆街5-11號合隆大廈地下限聚令到依家一直都少出去食飯，以前一直去開嘅佳宝會都好一段時間無去！⭐️白灼中蝦好大隻生猛游水蝦！肉厚爽甜，白灼蘸辣椒豉油已經夠晒惹味！💯薑蔥炒花蟹佢哋薑蔥炒蟹真心好味！夠鑊氣夠火喉，個茨汁兜均每舊蟹勁惹味，食到舔舔脷！如果係膏蟹就Perfecto！💯白雪薯角牛柳粒牛柳粒好香好有口感，薯角滿滿蜜糖味，成碟連洋蔥都好好味，鐵三角組合⭐️咸酸菜炒雞雜咸酸菜同雞雜唔係人人都啱，但鍾意嘅人依碟就啱晒！特別喜歡咸酸菜，酸酸咸咸，送飯一流！⭐️蒜蓉蒸班腩如果講蒸魚，佢哋算十分出色！今次食蒜蓉蒸，調味剛好，唔會蓋過魚味！魚香肉滑，骨位必食！⭐️上湯雲吞雜菜煲超過十粒半個拳頭咁大嘅雲吞！雲吞皮薄，個餡咬落爽口多汁，雜菜吸晒啲汁，好味⭐️生炒骨太耐無食生炒骨！個汁好味，唔會太酸，個骨好香口，十分惹味💯脆皮炸豆腐細細粒炸豆腐，個皮薄薄但好脆，豆腐好滑，加個泰式辣醬，正！送酒一流！水準依然無變，依舊出色！#MFJ筲箕灣 #MFJ中菜#mfoodjournal #foodie #hkfoodie #foodblog #hkfoodblog #chinesecuisine

家人約17-12-2021 (Fri) 晚嚟呢喥做冬,上次我哋做中秋節飯,評係2021年9月20日刊登嘅呢篇:https://www.openrice.com/zh/hongkong/review/%E5%BB%9A%E8%97%9D%E5%A5%BD-e4166230,呢晚我遲啲嚟,家人已諗好食咩餸,齊人(今次7個人)就起菜,有:1. 白灼鮮蝦可能收$120.00,因為同上次一樣,有呢項”油料”收費,蝦就應該係我二哥買嚟,啲蝦大大隻又甜,白灼冇難度,不過完全冇剪雷電位.味道:5分2. 豉汁炒蟶子都係二哥買料嚟,佢哋加工,收$180.00?呢喥嘅豉汁偏甜,唔算好惹味; 蟶子爽滑.味道:4分3. $75.00嘅脆皮炸豆腐可以話係必食,同上次一樣咁好食,停唔到口.味道:5分4. 冇計錢嘅豉汁蒸馬友同樣豉汁偏甜,令我食唔到馬友本身嘅味道.味道:3分5. $98.00嘅臘味炒時菜轉芥蘭臘味有雙臘腸同臘肉,芥蘭份量唔多亦唔苦.平時唔食膶腸嘅我,食吓,冇甘苦味,幾好食.味道:4分6. $380.00嘅蔥油走地雞一隻賣相同上次一樣,不過今次係要沙薑雞底,正,好耐冇食沙薑喇.呢人個味道同口感都正常,亦

家人突然想約17-9-2021(Fri)晚食中秋節飯,但由於我老公要打針,講到好似太夜食飯咁,就改約前18-9-2021(Sat)晚食,地點係筲箕灣.我哋全家嚟到,人齊就上菜.1. $75.00嘅脆皮炸豆腐呢個係二哥所講嘅椒鹽炸豆腐,size係一啖一個,炸得外脆內滑,唔太鹹,蘸酸辣醬食好食.味道:5分2. 豉油王煎海中蝦(時價)唔係好知幾錢,即使我睇張單,見到兩項寫”油料”,分別係$120.00同$200.00,都唔知邊樣打邊樣.呢個味道唔錯,不過可能油泡得太耐,蝦肉有少少老,而雷電位唔係完全剪走,要小心食.味道:4.7分3. $380.00嘅蔥油走地雞一隻上枱時見到舖滿蔥花,幾乎睇唔到隻雞,食落,隻雞本身用鹽水煮,但唔太鹹,加上冇落鹽嘅蔥油食,味道啱啱好,好味.而佢墊底都有少少雞雜,如臀,心臟同肝.味道:5分4. 蒜蓉粉絲蒸扇貝(時價)同樣,都係唔知呢個係$120.00定$200.00.有好多粉絲,扇貝鮮甜,不過金蒜太多同苦咗啲.味道:5分5. $58.00嘅清炒時蔬我哋係要蒜蓉炒菜心,價錢一樣.菜心都幾粗,但好彩夠腍.呢個味道正常.味道:4分6.清蒸紅鮋呢個又係唔知幾錢,因為張單冇