八月花 (已搬遷) 新店位置

跟朋友過黎食中餐，聽聞呢間質素唔錯，試完更加令我下次要再黎！1. 前菜坐低左之後，店員隨即奉上前菜一碟。不過不失，下次我會主動話唔要...2. 迷你桶仔飯份量充足，味道香口。好快就ko左一桶！3. 鮮鮑魚黨蔘燉土雞出面食飯啲湯通常都超多味精。如果你係湯精，千祈唔好錯過呢個燉湯。超足料，鮮甜美味，飲完唔會覺得口乾。賣相以茶壺呈現，精緻迷人...店員會附上小茶杯，喝湯就跟喝茶一樣，十分享受！4. 鮮菌翡翠苗蔬菜迷最愛！食落唔會太油，真心推介！5. 叉燒呢度既招牌菜，肉質有肥有瘦，悉隨專便！6. 脆皮牛坑腩食落有咬口，附送兩個醬汁（辣椒油/酸辣醬）。牛魔王至愛！7. 芭菲香蕉三弄黎呢度食，最緊要留肚食甜品。賣相精緻，味道令人試過翻尋味，拍得住酒店水準。香蕉迷一定要試呢道甜品！仲有好多款甜品（如：炸雪糕、楊枝甘露、雙皮奶）都好有名氣架！有ae卡記得用！今日同朋友食飯，兩個加埋有半價優惠...

今日慶祝媽咪生日, 去又一城既八月花食晚飯~~打電話去book 枱, 只可以揀6點 / 8點呢個菜一般, 有d 澀, $7X招牌菜之一, 係ok既~~不過可能期望過高...都唔係想像中咁好食, 同埋唔係好有脆皮既感覺, $9X得6件, 6個人岩岩好一人一件...呢個都唔錯呀, 豆腐幾滑, 6X炒蛋炒得唔錯, 唔會過熟, 都有唔少蝦, 好食~~$8X後加既齋卷, 幾爽口. 不過淡左d, $6X仲叫左個一品鍋飯, 唔記得影相.......個人覺得呢個飯最好食! $10X食完主菜就睇下個甜品menu la~~~~wow, 都幾多選擇! 有中式西式, 花多眼亂, 都揀左好耐呀~~呢個都幾好食, 好香薑味, 但唔會太辣~~~$2X中式甜品, 食一件會覺得好好食, 但食多件就會好漏....$2X最令人期待既拿破倫! 2~3人分量....不過因為食飽左...最後都食唔晒...$5X鮮果感覺幾清新, 不過好多吉士...食到好滯...

四個人....食左:心心相印 - 其實係香片的一種茶...但本人覺得個名同個茶一D關係都冇.....係幾清.....個茶種加左熱水後焗一陣會變成一朵花......好玩成份居多....清燉杞子土雞湯 - 好味....一位 $38...得一碗仔....蝦肉伴素麵 - OK....冇乜特別....爺爺粟子燴雞 - 好清.....如果粟子多番D會開心D.....雞肉本身同椰汁係不錯的配搭.....最好多碗飯撈下咁就 very good金瑤蟹肉脆茄子 - 食唔出係茄子...但係味道唔錯.....個汁都幾多蟹肉...艷影紗窗 - 原本想食D有豆腐的菜...叫左呢個...但完全食唔出邊度有豆腐...好彩本人好鐘意食竹笙...所以我覺得OK.....味不同三色飯 - 有三種唔同的飯....OK啦...冇咩特別蟹肉玉子燒 - 呢個好食....但如果玉子再生少少會變成好好食.....中間的蟹肉厚到令我非常開心.....脆皮牛坑腩 - 呢個不可不吃.....雖說脆皮..但一D都唔熱氣...牛坑腩超腍....成晚最好味的一道菜.....如果有D咖喱汁點下...會更 perfect.....食飽侍應送上一杯不知

昨晚到九龍塘八月花晚膳。餐廳裝潢較trendy，以紅色佈置作主調。也許人客不是太多的關係，我們二人被安排坐在一個四人卡位，座位寬敞舒適。食物方面，點了以下數款小菜：脆皮牛坑腩：外層脆皮鬆化，厚薄恰怡，夾起來亦不會散。牛坑腩肉質OK，不過以味道來說，還是雲吞麵舖嘅牛腩好食D。脆脆麥皮蝦：簡單說是黃金蝦嘅改良板，內層蝦肉爽脆，外層既有鹹蛋黄嘅甘香，亦有麥皮脆片帶來的脆脆口感，味道好得！爺爺栗子雞：用原個椰子盛載。椰汁味道不算太濃，OK；栗子雞普普通通，尤其是雞件，份量雖多，但因是雪藏雞柳的關係，肉質雖腍，但雞味欠奉；反而內裡的椰肉卻帶來驚喜，氣味清香，口感嫩滑，味道甜甜地，好食喎！可惜只有三數片，略為不足。迷你竹筒飯：另一好食之選。竹筒飯洋溢着淡淡荷葉飯嘅清香，飯粒色水不俗，亦夠乾身，內裡混雜乾瑤柱、雞粒及冬菇粒等，味道調配得宜。花旗蔘螺片湯：用紫沙茶壼盛載，份量唔算多，但味道香濃。平時用紫沙茶杯盛載的當然係茶，現在換了湯，感覺也頗特別。