霞飛會館 (已搬遷) 新店位置

以前間中會約同事嚟食晏，雖然要等位，但鍾意坐得舒服食餐好，當係返工做餐死的慰勞。好耐好耐冇嚟，呢日舊地重遊，食晏唔使等位，發現冇再供應午餐，變咗一係食商務套餐，一係散叫，消費升晒級。叫咗幾款大路食品，最冇期望的煎鍋貼，竟然全枱一致讚好。鍋貼底煎得香脆，皮薄餡多，咬開有少少肉汁，餃子收口靚，口感同味道更勝小籠包。口水雞，件數足，皮嫩肉滑，唔會骨多肉少，醬汁屬少辣少麻，冇老掌櫃個汁咁惹味，雞件質素就高過老掌櫃。招牌海皇炒飯加咗蝦醬，材料有瑤柱、帶子、蛋等等，色香俱備，略嫌鹹咗啲。甜品揀咗炸物脆皮腰果湯丸，熱辣辣上枱，要攤一陣先食。佢外脆內軟，煙煙韌韌，餡料屬少甜，腰果味非常低調。少食知味，一人一粒，份量最啱。

屈指一算，2015年又即將過去，這幾年確實相識了不少朋友，就趁年尾的日子，幾位朋友來個飯聚。整個菜單有朋友發辦，自己也樂的清閒。前菜醋椒野生秋耳咬落清新爽脆，微酸的味道，令舌尖生津，而辣度剛剛好，不錯。煙燻蛋核桃其實兩者沒多少相連關係，大可分成兩道小食，燻蛋的香味還可以更濃郁一點，而且未夠流心，反而合桃帶甜香，少許嚼口更吸引。口水雞麻而不辣，雞肉嫩滑可口。湯文思豆腐羹水準極高，整碗湯羹都佈滿了彷如髮絲的豆腐，刀功出神入化，入口細滑如綿，衷心推介的一道菜。主菜焗釀大閘蟹蓋的確真材實料，蟹粉處理的相當細心，找不到碎殼，只是大閘蟹已到尾聲，蟹粉未夠鮮香。其實今次以川菜作主打，朋友是怕辣一族，自己在深圳出入多了，對各省份的辣度都心中有數，所以對水煮龍躉片是欣賞多於怕辣，吃了一片魚片，沾滿了辣油及花椒，舌尖開始有點發麻的感覺，相當對辦，但龍躉片雖然名貴，但食落卻似乎偏韌，也許換回桂花魚之類，效果會更好。陳年花雕蒸龍躉件感覺上太大件，魚肉沾上了酒香，就更加惹味。辣子雞丁夠乾身，爆少得夠香口，用來配啤酒一流。乾鍋雞在味道上有點似辣子雞，只不過是多了點醬汁，還是喜歡前者多些。蟹粉扒豆苗吃了很多，畢竟豆