Coffee Jobs (已結業)

我好少出去食飯，所以問我一個成日周圍食既同事有咩好介紹。同事就介紹我用eatigo APPS，因爲預先定位有折，所以就用左eatigo選擇有興趣既餐廳。最後見到呢間Coffee Jobs價錢又ok，食物都幾得意，就訂左位星期六去食。樓底好高、工業風既簡約設計，不過位置真係比較少，如果唔預先訂位，繁忙時間去應該無位。因爲去到都係得返bar臺同一張雙人臺。我地分別叫左脆脆芝士豬肋骨配薯角、三重芝士漢堡、蘋果梳打、玫瑰朱古力。脆脆芝士豬肋骨：脆脆係薯片碎，但我嫌芝士唔夠多同融，豬肋骨硬左少少。不過薯角好新鮮，好脆蘋果梳打：唔係好甜，好解渴！另外兩樣朋友叫的，但朋友唔係好舒服就無share到，所以唔評價啦！用eatigo訂位，主menu有折，飲品、套餐無折。要先出去order左，俾左錢先，埋位等。所以免收加一。禁啱果段時間有半價，平均$100左右一個人連飲品，都幾抵食。

Coffee Jobs位於廣華醫院的轉角，是一家寧靜咖啡店。裝修偏向簡約北歐風，以木製傢俱為主，色調以藍、白、灰是主要，再配合柔和的燈光，給人一種輕鬆自然的感覺。店舖樓底高，坐位尚算寬敞，環境寧靜平和，加上店內播放輕快音樂，令人心情舒暢。牆上掛著不同的廚具以作裝飾；藍色水滴圖案是Coffee Jobs的Logo。意式磨菇漢堡 ($128)牛肉有點鞋、菜不夠新鮮，但味道尚可。白汁牛脷焗芝士意大利粉 ($138)一上枱香氣撲鼻，椒味很重，牛脷質地軟腍而富口感，味道不錯。脆脆芝士豬肋骨配薯角 ($158)份量大，豬肋骨上面鋪滿了脆脆，一口咬下去有脆卜卜的口感之餘，還吃到啖啖肉，層次豐富。但味道方面屬於中規中矩。

假期周圍都勁多人，想食個D通常都有排等位！今日行街經過一間餐廳！人流不算多！可能位置問題同埋門口不太起眼的關係！？我同朋友太肚餓了，所以就入左去！店員就俾左個餐牌我們！呢到是要行去櫃枱到點餐的！我們叫左三個餐，跟餐有個湯或沙律，同埋有杯飲品的！甘筍湯，湯底好稠身，味道濃郁！沙律，沙律菜都幾新鮮，配上黑醋，勁開胃！挪威三文魚蕃茄闊條麵，厚厚的三文魚，外皮煎得好香，配上三文鮮籽，啖啖肉，蕃茄味好濃郁！溫泉蛋煙肉忌廉意大利粉，充滿蛋香的忌廉同煙肉味，煙肉勁多，意粉彈牙！好味！脆脆芝士豬肕骨配薯角，豬肋骨上滿滿芝士，加上粟米片，食落好特別，而薯角即炸起，勁香脆！十分足料！餐廳俾的碗，全部都係唔同公仔！一見到，人都開心D係好得意，好靚既！唔錯唔錯

coffee Job 位於廣華街轉角位，餐廳外面裝潢特別，唔難見到牆上掛滿裝飾用品，相當精緻餐具好cute cute,朋友仔要左貓頭鷹，她話見到都開心😃餐廳提供多款set dinner, 價格相對便宜意式蘑菇漢堡用一層沙律菜，一層牛肉及大傘菇而成漢堡，賣相精緻，旁邊有新鮮蔬菜及厚身暮條，賣相吸引菇味道好香又juicy, 漢堡幼嫰，好昧道脆脆豬肋骨配薯角上枱時，嚇左一跳，份量好大上面擺滿芝士，焗起來好香，而且重脆卜卜，相當惹味，𥚃面肉質好腍又唔乾，豬肋骨香味出哂來

拖左好耐終於啲起心肝打依篇食評，睇番圖已經流曬口水依間餐廳啲碟好靚呀~~是日餐湯: 南瓜濃湯嘩！我估唔到依個跟餐嘅南瓜濃湯竟然係咁好飲！南瓜味勁香濃又十分清甜，仲要勁濃稠，感覺成隻南瓜係入面，配上香脆嘅面包粒，讚讚讚！是日沙律: 哈蜜瓜沙律跟餐沙律咁足料大份真係第一次見！味道方面亦唔差，哈蜜瓜爽甜，沙律菜新鮮爽口，配上沙律醋，十分開胃。溫泉蛋煙肉忌廉意大利粉 $138忌廉意大利粉食落好CREAMMY，麵質煮得剛剛好，唔會過腍亦無未熟透嘅。整體味道不過不失。脆脆芝士豬肋骨配薯角 $168芝士豬肋骨份量勁多而且肉質偏軟，微辣嘅豬肋骨本身已經好入味，再加上大量芝士覆蓋，真係好好好惹味。另外配有爽脆沙律菜中和油膩感。薯角炸到外脆內軟，十分香可。必食之選！！蒜香牛油雞翼 $78香脆外皮加上嫩滑嘅雞肉，熱辣辣新鮮炸出爐，真係無得輸！不過價錢就偏貴左少少。GREEN TEA LATTE抹茶味淡而奶味重，上面嘅CREAM好滑。ICED MINT CHOCOLATE一樣都係偏重奶味，不過不失。依間餐廳份量好大，最啱一班朋友share食，最重要係餐廳唔會趕人走。我地3個女仔由7點半傾到10點，真係好啱朋友

偶爾會來旺角閒逛，總是人流不息，有時候，覺得實在太多人，所以，也不是太喜歡這地區。然而，想起要購物，卻又很愛逛這裡，因為，選擇多，價錢平。這晚獨個兒來此，購物後，找了一家一直頗有興趣一試的咖啡店，除風評不俗，就是小店位處廣華街一邊，環境較靜。走進咖啡店內，地方不大，但裝修頗有趣味，牆上掛了很多做菜器具、廚具、餐具。食物選擇除散點菜式，就直往晚巿套餐看看，包了是日餐湯或是日沙律、主菜及飲品，主菜選擇共8款，定價為$118-$188，免加一服務費，招呼亦不俗。餐湯、沙律，我選了前者，因為詢問過店員是日餐湯是野菌忌廉湯，極喜歡野菌的幽香味。而湯品送來，十分幽香，皆因在湯面更加入數滴黑松露油，又怎可能不幽香呢！此外，質感綿密，菇香突出，可謂用料十足。主菜最後選了新品的脆脆芝士豬肋骨配薯角（$168），送來時有點驚喜，因為十分重量級，除兩大件豬肋骨外，還堆滿了炸薯角，而豬肋骨面層舖滿的「脆脆」是蝦條、薯片碎所弄成，雖很有創意，但個人覺得不是太討好。豬肋骨燒得頗甘香，唯可惜未夠鬆化，而且，加放一片芝士在「脆脆」與豬肋骨之間，變得整體味道有過鹹情況。結尾，一杯鮮奶咖啡作結，不單拉花漂亮細緻，味道、口

"無飯"夫妻今晚去咗油麻地搵食，本來一心想去旁邊嗰間韓式烤肉店，不過經過Coffee Jobs見到入面非常熱鬧，於是就入黎試吓啦。入到去餐廳全場滿坐，好彩咁啱坐窗口位嘅一張二人枱嘅食客埋單走人，我哋先有位坐咋！睇吓餐牌，發現選擇都唔少，可以散叫又可以食Set dinner。侍應推介我哋試吓啲新菜式，於是我哋就揀咗個脆脆芝士豬肋骨配薯角嘅set dinner, 再加一個牛油果軟殼蟹雜菜沙律，同埋焗芝士肉醬意大利粉。落單嘅時候侍應已經講咗個pasta會比較油，不過我哋一於無理佢跟餐嘅蘑菇忌廉湯好大碗，食到好多碎碎嘅菇粒，非常足料，而且個湯好creamy，如果成碗飲晒都幾飽架。散叫嘅沙律好快上枱，好大碟菜啊沙律菜非常新鮮爽口，鋪喺面嘅牛油果就好香好熟，而且件件都係厚切的，口感一流。軟殼蟹size都唔細，炸得香脆又唔會好油膩之後豬肋骨就嚟啦！食肉獸見到咁大碟肉梗係開心啦豬肋骨面頭鋪左啲脆脆嘢（有啲似旺旺小小酥嘅碎碎）同埋好多芝士，口感豐富又好味。西餐食過咁多次ribs，呢度一定係最有創意嘅整法，值得一試呀！然後即叫即焗嘅意粉都到咗，份量十足，而且好多芝士同肉醬，味道濃郁，食到尾都唔會無餸！不過

最喜歡跟這位識飲識食的友人餐聚, 每次交流心得總是得益不少, 今次帶他來到我挺喜歡的咖啡室, 再一嚐這裏咖啡, 也想聽聽他的品評, 亦向他學習如何品咖啡。咖啡店開在轉角位置, 門口正中央掛上搶眼的水滴光管招牌, 在黑漆漆的街角中挺搶眼。裝潢跟之前沒有大改變, 牆上仍掛滿多款廚房用具作為裝飾, 如叉羹、湯舀、打蛋器、篩粉器、刨皮器、鬆肉泵、鑊剷、焗盤等等, 愛下廚的我見到也滿心歡喜。內有兩行向着人來人往街路的高枱座位, 正中間設有一張約十人的長木枱, 再入一點有四人枱和二人枱各兩張, 全店可容納約二三十人, 地方不大, 位與位之間空間不多, 要坐得親密, 舒適度一般。食品選擇不算很多, 夠集中, 只有晚巿套餐和一些散點菜式。散點菜式分別有前菜、新菜式、意大利粉、意大利飯、小食、漢堡和全日早餐, 每項有三四個選擇, 另外還有一份飲品餐牌。而晚巿套餐幾抵食, 包了是日餐湯/是日沙律、主菜及飲品, 價格由$118-$188, 而飲品不包新品, 要奶昔或沙冰就加$20。套餐的確幾划算, 一於揀兩客吧!*****************先上是日餐湯 Soup of the Day , 為蘑菇湯，上