米走雞 (太子藍馬之城)

營業中

休息中

秋風起，打邊爐是常識吧！太子開左我喜愛嘅雞煲店，黎食個火焰麻辣雞煲都好方便。點火令香味更撲鼻，呢度自己調製嘅雞煲醬好正，而且有別一般雞煲嘅雞肉，仲保留嫩口口感，簡直係色香味俱全！不可不吃呢個哈哈蝦中寶，誠意之作，蝦滑當中藏有鮮蝦，夠特別，蝦爽，彈牙都彈得有唔同層次。仲有新鮮脆鯇片，確係夠脆，亦夠鮮。清新嘅翡翠苗亦係火鍋好材料。下雞湯後整個魚片頭加稻庭烏冬，飽哂啦！火鍋不能沒有汽水吧！Zero可樂、咸檸七都有，坐得舒服，整體算幾高質。

今日朋友約左我去試我想去食好耐既米走雞,六點幾上去去已經見到有人要排隊入座了,好彩有預先訂位,好快店員就帶我地入去座好了. 叫得米走雞,當然最出名就是芝士雞煲或者麻辣雞煲. 今次就叫左個BB辣既麻辣雞煲同埋一些配料去試下.火焰麻辣雞煲佢加左d酒精係煲內,店員要著火炒鍋,很有特色的. 裡面既雞淡淡肉,非常入味,配以辣辣的香料,特色推介,下次要試下芝士煲先得.五香鮮牛肉有牛味,無味精,十分上鮮味,份量亦不少.鮮製四拼鮫可以樣樣都試下,鮫皮皮薄,很不錯的,健康之選.脆鯇片另外叫了脆鯇片,少骨有魚味,加埋湯底辣辣地幾好的.

呢間食店已經聽咗好耐，正好朋友也想食雞煲，所以book咗佢放假齊齊去happy下。朋友不能夜歸，所以Book 左六點，我哋一入到黎己經見到有幾台客。其實過左唔夠1小時，佢啲枱到差不多full 了，勁。一入座佢就送黎左6款醬料自己混。Menu佢得兩張，一張鍋底，另一張就係配菜紙啦。黎得呢度，一定係叫雞煲米走雞。見芝士雞煲好似好特別，所以就叫左佢啦！因為得兩個人，係我哋仲諗緊啲咩嘅時候，隔離枱嘅芝士雞煲已經上咗枱啦，望咗一眼，勁大煲裏面好多雞，我哋即刻改變加點一啲輕can啲嘅嘢。因為怕食唔晒，所以只加叫咗脆鯇片，蘿蔔同埋響鈴，加多一壼竹借茅根。食到最後，咩都清晒，所以叫埋甜品先。佢得兩款甜品，綠豆同埋楊枝甘露，可惜楊枝甘露已賣灑，所以叫多個檸樂食住甜品飲住檸樂嘆多一陣。享受一下。

今日落雨而且有少少轉涼，最啱就係去食雞煲，見米走雞好多好評兼入選《 優秀開飯熱店大賞》2017，就一於同老公去試一試。店內都幾大，店員見我們二人也給了我們一張四人坐位，枱與枱之間亦都唔會太迫，坐得舒服。似乎米走雞有兩大雞煲，黃金芝士雞煲及火焰麻辣雞煲，兩樣都想試，魚與熊掌下選了火焰麻辣雞煲(細)小辣。店員在我們等候鍋滾途中放上調味架給我們自行調味，鍋底滾起的時候店員就用火槍燃點煲內的酒精造成火焰效果，真係又睇得又食得。雖然係細雞煲，但份量也不少，煲內全部都係雞脾肉，食落啖啖都係肉，很滿足。食完雞煲就開始打邊爐，米走雞好正丫可以加麻辣湯或清湯，為保持麻辣味我緊係揀加麻辣湯。五香駝鳥肉很滑，味道香濃，與鮮牛肉味道很相似，唔講都分唔到是牛肉定是駝鳥肉。脆鯇片新鮮爽口，無草腥味，與麻辣湯底也好夾。手打五寶拼盤，包括墨丸、蝦丸、鯪魚丸、豬肉丸、牛丸。手打丸足料，墨丸內有墨魚粒，蝦丸內有蝦粒，而且爽口彈牙，推介。最後叫了稻庭烏冬吸盡麻辣湯底，鳥冬又滑又吸味，非常滋味。米走雞的火焰麻辣雞煲唔錯，下次再幫襯可以試埋黃金芝士雞煲。

朋友仔生日，知佢係芝士控，又鍾意食火鍋喎，一於去食芝士雞煲啦! 黃金芝士雞煲 - 有別於一般雞煲，呢款芝士雞連唔食得辣嘅朋友都食到，上枱一邊興住，一邊睇住啲芝士溶，已經流晒口水，再試吓啲雞，又滑又有芝士濃香，果然係招牌，正呀! 食完啲雞就可以加湯，keep 住啲芝味打邊爐。日本廣島蠔 - 好肥美，食落好 juicy，唔錯。日本鮮帶子 - 帶子好鮮，一啲都唔韌，好味。手打五寶丸拼盤 - 啱啱晒心多多嘅我哋，可以試多幾款丸，我自己就最鍾意食彈牙嘅蝦丸。翡翠苖 - 好新鮮，爽脆又清甜，仲索咗啲芝士味。油麥菜 - 食返啲菜平衡返，又可以再繼續食落去。脆鯇片 - 脆鯇片好彈牙結實，好有魚味。西班牙黑豚肉 - 黑豚肉嘅脂肪分佈平均，一睇就知係靚貨，食落甘香無渣，仲要好有肉味，好味。鮮炸響鈴 - 每次打邊爐必叫，因為可以吸盡湯底精華，香口得嚟又帶有陣陣芝士味。竹蔗茅根 - 食打邊爐咁熱氣，飲涼水下下火就最啱，味道唔會過甜。最後每人請埋朋友埋單都係三百幾，好味又抵食呀!

有朋自遠方來,朋友由台灣黎咁帶佢食下好野今日黎到旺角既米走雞食佢個芝士邊爐因為朋友特愛今晚叫左以下食物黃金芝士雞煲,竹蔗茅根,西班牙黑豚肉,日本廣島蠔,日本鮮帶子,手打五寶丸拼盤,油麥菜,翡翠苗,鮮炸響鈴,脆鯇片黃金芝士雞煲---打邊爐最緊要係咩,緊係湯底啦,先黎過芝士雞先,好香口既芝士加埋雞混起黎食,超正呀西班牙黑豚肉--好香既豚肉味,食落好有豬的味道呀日本廣島蠔--滾黎食,香口,好有蠔味日本鮮帶子--帶子仲有金菇,粉絲,一碟滿足3個願望啦,帶子都算厚身,都好鮮味,正呀手打五寶丸拼盤--5星戰隊咁,5隻口味....D丸唔會好粉咁,係好足料真係好好食,各有特色,鮮味油麥菜--好新鮮,落入芝士湯底黎打邊爐吸一吸味好正呀翡翠苗--加入去一起打邊爐離奇咁夾咁好食,新鮮就基本野仲有夾味鮮炸響鈴--拳頭咁大既鮮炸響鈴,好正呀,吸埋芝士底,COOL啦啦,爽呀脆鯇片--新鮮既鮮味,爽口竹蔗茅根--5餅2魚咁,飲極都仲有,夠晒4人一起飲,好過飲汽水呀,又清熱,正呀

本身酷愛打邊爐，所以不論天氣，我耐唔耐就會去吃一次火鍋，而說到吃火鍋的心得，我覺得【米走雞】是我數一數二的選擇。其他的火鍋店都可以有超水準的食材，但要講到食材靚之餘，坐得又要舒適，環境通爽，打完邊爐不會一陣火鍋味的話，【米走雞】確實是首選。其本上這裡的座位大部份都是卡位，卡位是可容納四人，枱面非常大，枱和櫈之間都好闊落。今次我和妹妹兩人來，所以被安排到二人枱，枱上有電磁爐。基本上點餐紙上已經有齊平時打邊爐會食的食材，由海鮮、肉類、丸、蔬菜至各種粉麵，應有盡有。坐下先要決定要那款鍋。來得【米走雞】就當然要食他們的雞煲，這裡雞煲出名大鍋和好吃的了。共有兩款雞鍋，黃金芝士和火焰麻辣。其實米走雞我食過好幾次，都是跟一大班人來的，所以兩個雞煲我都吃過。我建議就是，如果你喜歡有少少甜味的湯底和濃濃芝士味的話，就要黃金芝士雞煲;如果你喜歡吃惹味的話，就選麻辣雞煲。如果你怕吃辣的，它有BB辣可選，BB辣的煲是麻而不辣，既香口又不太刺激。火焰麻辣雞煲（小）＄148叫得做火焰麻辣雞煲，就當然真的有火。職員端上雞煲之後，隨即為煲點火，之得手起夾落的不停把煲內的雞和其他材料炒了一回。紫藍色的火焰就在煲內不停閃

小編一直都是無雞🐓不歡之人，常常被朋友笑說前世與雞有仇。🙈 食米線要雞肉，BBQ又係食雞扒雞翼，總之就係要「雞，全部都係雞。」😂 所以雞煲，可說是小編最愛的美食其中之一。 因為小編在太子學あいうえお，知道同一棟大廈有一雞煲專門店一直廣受同學好評，所以有次就帶家人一同來試試。 米走雞有兩種主打雞煲🍲：「黃金芝士雞煲」和「火焰麻辣雞煲」。 除此之外，還有其他湯底可選擇，例如香濃豬骨湯、惹味沙嗲湯、四川麻辣湯、粟米蕃茄豬骨湯等。 雖知道「黃金芝士雞煲」是獨家首創， 但家人比較喜歡吃香辣雞煲，所以我們一家四口便叫了火焰麻辣雞煲（大）（$178） 雞煲除了有雞🐓作為主角之外， 還有多種配料如芹菜、洋蔥、芫荽等，令雞煲味道都生色不少。 先把雞煲焗一焗，然後店員隨即把它點起火焰🔥來，嘩很有睇頭呢！😎 火焰炙燒食材，將麻辣香逼入雞件，令味道更突出更有層次感。 雞件的份量也非常多，整個煲都差不多滿了， 而且所有雞件都是厚肉的雞腿斬件。 小編是食肉獸，雞的部位中最愛吃的就是雞腿，因為雞腿肉質最嫩滑，而且必定是啖啖肉。😋 所以當我一見到這個雞煲，當然是心心眼啦！😍 雖然小編食開譚仔中辣， 但由於家

之前聽朋友說，「米走雞」的芝士雞煲超正，雖然我對雞煲不是特別熱愛，不過食完之後真的覺得她沒介紹錯！這個芝士雞煲真的「冇得彈」！*黃金芝士雞煲(小)($148)這裡的雞煲有兩款，一款是芝士，另一款就是麻辣。不太吃得辣的我，二話不說點了芝士。等了一會兒，雞煲終於上枱。用電磁爐加熱至芝士熔化，我們就正式起筷！雞件比想像中切得大件，二人吃的話，其實都已經飽飽地；芝士味很香，但不會太濃太漏；雞肉很嫩滑，而且吃得出用酒醃過，除了芝士味之餘，亦帶有酒味。吃完雞之後，就可以加芝士湯，十下十下！低估了雞煲的份量，又高估了大家的食量之下，點了很多配料。*蜂巢冰豆腐(半)($18)以為寫著半的份量，不會太多，但是一上枱，真的嚇一跳！蜂巢冰豆腐是結冰的，烚熟之後變軟，質感有點爽爽的，而且吸了湯汁，很快入味，但是不能煮太久。*手切新鮮牛頸脊(小)($208)打邊爐又怎能少了牛肉呢！？因為和牛實在太肥，所以點了牛頸脊。雪花可能不及和牛多，雖說不上入口即溶，但是牛味很濃郁，而且不會有根。雖然是點了小，但是份量比想像中多。*手打五寶丸拼盤($88)打邊爐的另一寶就是丸類了，不過如果是冰鮮的丸，我當然不感興趣，所以點了

現在新派菜的確百花齊放，1月4號晚我就和家人試了位於太子的「米走雞」芝士雞煲專門店。「米走雞」自創黃金芝士雞煲獨家火熖麻辣雞煲因為家人是喜歡吃芝士，我們選擇黃金芝士雞煲，細雞煲來了！煲裏的雞件被濃密的芝士醬汁覆蓋，芝士醬汁上灑遍碎芝士和紫洋蔥，心暗想：自己不喜愛芝士？吃得下嗎？！既來之，則安之，芝士雞煲在枱上平面電磁爐慢慢滾起，我們也起筷吧！我避開碎芝士，淺嘗芝士醬汁，發覺醬汁味道濃郁可口，把之前的疑慮一掃而空，而家人則吃得津津有味，雞件很快也被吃得清光，侍應也為我們添加免費湯水凖備火煱了！如果加$48可以選擇皮蛋芫茜、惹味沙爹、四川麻辣、番茄粟米湯。牛頸脊一定不少得。（牛頸脊是牛頸至牛膊中間的一段肉，這個部位由於郁動較多，肉質因而細緻、結實、肥瘦適中，質感和味道都優勝。）火煱最佳拍檔：鮮炸響鈴、手打鮮牛丸、鯪魚丸、豬肉丸、鮮墨丸、竹笙墨魚滑都非常鮮味爽口彈牙！脆鯇片又脆又鮮甜！再來稻庭烏冬，兩碗大大份量三人分享，爽滑烏冬跟火煱湯一齊很美味！嘆咗咁鮮美肉食，要一壺冰凍竹蔗茅根粟米水滋潤吓！廣告都話打邊爐最重要個爐安全，材料夠新鮮，這裏已經做到了！還有服務也挺好的！星期一晚的生意不俗，座