田記魚蛋牛腩專門店 (塘尾道)

營業中

休息中

當提到塘尾道,很少會記起這一段.但吃過了這裏的牛坑腩,我相信大家唔記得街名,都會記得這裏的牛坑腩,牛味夠濃,那份咬下去的口感和那份油香,會令人心感滿足,麵吸了腩汁~掂,在腕底的生菜份量不少,再沾上碗內的蠔油,自制成蠔油生菜,可能年紀漸長,對吃蔬菜需求漸多,再來個腐乳通菜.有上湯怎小得炸魚皮,這裏的魚皮比較厚身,浸耐少少,會令你有意外驚喜.小成員喜歡肉肉,又不喜肥膏,普通牛腩最適合,牛味夠濃,她差不多喝晒成碗湯.魚蛋及魚角夠彈牙,魚皮餃咬下油香滿滿,再沾辣椒油,在口中混合~~如果不是食了之前的食物,應該會再添~再添~~

今日早左放工但見有D攰，收工即刻出左太子按摩😂按完又見餓就順便係附近食埋野先返屋企😎雖然呢度主打牛腩，不過竟然都有我好中意既酸酸甜甜炸醬麵😍即刻忍唔住叫左個炸醬撈粗加蘿蔔，雲吞同魚蛋，另外叫左碟腐乳通菜同埋一杯熱柑桔蜜～炸醬麵肉絲幾滑，個汁濃稠適中好開胃，岩晒呢D天時食😋粗麵口感爽彈，但略嫌乾左少少所以唔太撈到啲醬😅雲吞薄皮足料，蘿蔔清甜同超夠淋😋魚蛋係店家每日用全魚肉新鮮製造，食落都幾彈牙，而且超濃既魚味，食得出非常真材實料👏👏每樣配料都只係加$6，魚蛋同雲吞各有兩粒，蘿蔔有成碗咁多，勁抵食！👍因為男友唔食腐乳所以我已經好一段日子無機會食🙈今晚自己食飯即刻品嚐返呢種久違了的味道🤣幾時都覺得腐乳配通菜係最夾最好食既！柑桔蜜聞落好香不過飲落就有啲啲淡～最近食過幾次炸醬麵都要＄３Ｘ起，而呢度竟然仲只係賣緊＄２８，性價比實在太太太高！！🎉下次經過都要再黎幫襯！😝

好久冇去食牛腩粉，今日路過太子塘尾道，發現呢邊都有間田記魚蛋牛腩面分店。晚餐就決定食佢啦！😆首先嗌左份牛三寶河粉：三寶有牛腩，牛肚和牛筋，牛腩燜得好淋，好入味。牛肚好爽口，牛筋軟硬適中，煙煙韌韌。湯底有好香濃啲牛肉味。性價比好高，好抵食。加$8元可嗌份腐乳通菜。通菜新嫩爽口，冇有渣！還嗌左淨金牌牛腩：牛腩份量好多，疊成一層層，底層係蘿蔔。牛腩肥瘦適中，燜得好軟腍，肉香味一樣好正。蘿蔔都好淋有好濃郁嘅牛肉味。

之前喺油麻地試過田記，覺得性價比好高又好食，今日喺太子都順道再嚟食多次。呢間粉面店嘅價錢都幾相宜，鮮蝦雲吞麵都只係$28，不過最吸引到我嘅都係上次試過好難忘嘅崩沙腩。崩沙腩牛丸湯河 ($49)崩沙腩份量都幾多，牛丸就有兩粒，仲有蘿蔔。雖然蘿蔔係配角，但係蘿蔔都非常之林同入味。重點係崩沙腩超級鬆化，食落完全唔會有渣，加上好重牛味！牛丸都好高質素，咬落係有少少汁。崩沙腩牛肚湯河 ($63)崩沙腩湯河係$43，雙拼牛肚就要加$20。一上枱，可以見到崩沙腩同牛肚嘅份量都幾多，尤其是牛肚非常之入味同非常之林。腐乳通菜 (+$8)呢個價錢真係好抵食，自己一個嚟食嘅話加碟菜都唔錯。炸魚皮 ($18)呢度嘅魚皮係比較硬身啲，啱晒鍾意食脆卜卜魚皮嘅人，我自己就鍾意擺落去牛腩湯度浸一兩下再食，覺得更加滋味。黑芝麻豆漿 (+$6)加$6有一支，價錢相當之合理。總括黎講，我覺得呢間舖頭嘅粉面都幾高水準，份量又多，價錢都相當之抵，性價比好高。

搭親巴士經過都會見到「田記魚蛋牛腩專門店」好多人幫襯，之前有次專登早一個站落車試試佢。估唔到又真係幾好食喎😳！自始，中午時份如果想食魚蛋粉加天氣許可，我都會同同事行遠少少嚟食晏。以粉麵舖嚟講，田記算係光光猛猛，乾淨企理。每枱除咗有調味醬油辣椒醬外，仲有提供紙巾，實在難得👍。我哋叫咗兩碗粉同一碗淨餸加一碟油菜，埋單都係一百蚊多啲，今時今日都唔算貴㗎喇😝。鮮蝦雲呑拼爽口牛丸麵($37)，雙拼會以貴嗰碗做底價再加$6，雙拼係貴咗😖，但幸好呢度扣嘅份量唔會太誇張，拼完後雲呑同牛丸分別仲有四粒同三粒。牛丸好出色，牛味濃，口感又夠爽口；雲吞就正正常常，唔算特別大粒🥟。麵底我要咗幼麵，麵條無鹼水味，軟硬度適中，條條分明。金牌牛腩拼墨魚丸麵($38)，🐮牛腩好入味，夠鹹，而且炆得夠淋。雖然冇鋪得好靚仔，但其實有好多件呢。反而墨丸就得兩粒🦑，有啲少，性價比低，但佢好搞笑，係似墨丸口感嘅魚蛋。麵底方面，同事要咗米線，估唔到用佢嚟代替河粉生麵都幾夾喎，我下次都試試先。淨魚三寶($31)，三寶包括四粒魚蛋、三粒魚片頭同兩隻魚皮餃，店員話淨餸比起麵食多兩粒👀。魚蛋同魚片頭不愧為招牌，真係好好食，特別係魚蛋，嗰種