K2 Kitchen (已結業)

變幻原是永恆。當得悉這裡餐牌的套餐轉換了配搭亦應作如是觀。只是，一直很想把那記憶中的味道記錄下來，偶爾回味一下總算聊勝於無。還記得當晚與佳人撐枱腳，Set Dinner頭盤是Homemade巴馬火腿豬手凍批。口感和外形都令人想起水晶肴肉，豬手肉嫩滑不帶筋，加上豬手本身的膠質，食完感覺幾清新。接著的鮮蟹肉粟米茸湯勝在煮得夠濃，啖啖鮮味，又是我很喜愛。主菜是鹿兒島有骨黑豚豬鞍伴楓糖芥末籽，青蘋果茸。厚切不在話下，肉質軟腍且很juicy，感覺似一道慢煮菜式。搭配楓糖芥末籽雖不至提鮮，卻巧妙地解膩，頃刻連帶罪咎感也暫且消除，令人更盡情享受眼前美食。甜品是我喜愛的心太軟。坦白說，望見碟上士多啤梨醬所拉出的花紋已教人心花怒放，更何況有愛人相伴分享香濃的心太軟，甜入心的感覺非筆墨可形容…….

工廈餐廳在觀塘區開到成行成市，當然是因為舖租平，不過水準參差， 今次就試到一間高水準的工廈餐廳。 整座工廈非常乾淨企理，而餐廳格調給人華麗優雅感覺，實在想像不到 原來置身在工廈裏。 熱誠殷勤的侍應生耐心的為我們介紹食物， 加上可以自攜酒水，免開瓶費，確是值得一讚！ 點了兩客套餐，頭盤分別是:香芒鮮果蝦沙律配青檸泡沫 ~ 青檸泡沫令一道 平平無奇的鮮果沙律賣相特別, 有畫龍點睛之效。 新鮮水果沙律令人胃口大開，食慾大增。自家製巴馬火腿豬手凍批 ~ 清爽惹味，入口即溶，配上新鮮野菜及酸甜沙律醋，為味蕾帶來清新感覺！廚師餐湯"南瓜薑汁湯" ~ 賣相較一般餐湯來得特別，南瓜味道濃郁，不過出奇地一點也不辣。Slow cooked beef rib $248 ~ 牛肉肉質鬆軟而肉汁豐腴， 肉眼扒以慢火燴煮而成，把肉汁完美鎖起，讓人齒頰留香！鹿兒島有骨黑豚豬鞍芥末蘋果茸 $248 ~ 厚切豬鞍肉腍入味，油脂均勻，甫切開可見肉汁豐盈， 厚切仍能保持嫩滑口感， 實屬非常難得！這裏也有手工啤酒 $49 , 味道也很適合女士們 。最後是外形非常美麗精緻的甜品，廚師一定花了不少心思，實在有點不忍心吃掉呢。總

這陣子都比較多機會來到觀塘區覓食，全靠我的哥哥返新工剛好在這區，所以捐窿捐罅他最在行了。 若沒有熟人介紹，我相信我也不會盲中中的走進工廈，呀哥熟路的直上13樓，來到一間名叫K2 Kitchen的西餐廳。 餐牌上有Set Dinner，亦可以單點主菜再加錢upgrade做套餐。 先來三款頭盤 自家製巴馬火腿豬手凍批 單看外貌的確極似王國興最愛食的午餐肉，不過其實是切碎了的豬手，豬手肉質彈牙，而且免卻了一般豬手會出現的油膩感，骨膠原是女士的最愛吧。 香芒鮮果蝦沙律配青檸泡沫 很漂亮的presentation，上面的泡泡味道新奇特別，入口真的有青檸味~ 沙律的酸度平衡得很好，芒果汁香滑，配合蜜瓜及新鮮菠蘿多汁又開胃，大蝦在沙律當中反而成了配角。 自家煙三文魚配血橙汁 加了$20多點了一款頭盤，平日吃到的煙三文魚都是薄薄的一塊，但這個卻是如像三文魚刺身般厚切，這$20俾得抵。 鮮蟹肉粟米蓉湯 以粟米打成的粟米蓉湯果然十分香甜，不像其他餐廳的忌廉味大於一切，鮮蟹肉亦令整體味道更為豐富。 鹿兒島有骨黑豚豬鞍 賣相非常吸引，一旁的蔬菜泥顏色鮮艷奪目，味道亦不錯不會虛有其表。豬扒看令立立的表面已知內

大概年初曾到訪過觀塘工廈嘅K2食飯，記得當時嘅總結喺食物稱心，服務貼心，價錢合心，喺一家平易近人嘅歐陸餐廳，所以，今晚同朋友嚟食飯聚舊就絕對唔使擔心。由於之前嚟過，所以，環境方面就唔多描述，睇番小弟之前嘅寫評就清楚晒，放番一兩張當晚環境相交待吓就清楚晒。可能閒日關係，是夜客人唔太多，加上被安排坐晌餐廳一角，更靜局方便我哋傾偈。翻一翻餐牌，應該跟之前嘅差唔多，頭盤、湯品、小食、主菜、甜品及飲品。上次嚟，就揀晚市套餐，因為最划算。但喺，今回則晌主菜類當中揀，因為凡惠顧主菜，可以+$48轉套餐（頭盤、湯、甜品、餐飲），而頭盤、湯都喺晌番晚市套餐度揀，更為吸引。香芒鮮果蝦沙律配青檸泡沫無諗過份頭盤竟然咁大份，定價單賣收$48都唔止啦，而家仲只喺加$48就變成套，抵到無朋友。更甚嘅喺個沙律無hea做，生果好鮮甜，凍蝦又爽口，整道沙律夠晒冰涼清新，至於啲青檸泡沫確嗒到青檸味，不過，用作加添賣相靚仔啲多過增加食味，哈哈！自家製巴馬火腿豬手凍批另一道頭盤同樣估唔到份量咁足，個自家製凍批好唔錯，形式有啲似滬菜嘅肴肉，不過，加入巴馬火腿，多添幾分鹹香，而且，佐以煮過嘅黑醋，配搭起上嚟確喺好食。鮮蟹肉粟米茸

今次再去觀塘工廈餐廳, 因為朋友就快結婚, 另外一個朋友拎左D紅,白酒出來俾佢地試下, 友人之前生日已經食過一次,所以揀左呢度, 我地一共7個人, 因為預先訂左位所以都唔洗等位!! 我地約左8點,但和太太因為早到左所以先上去坐下,當時係7:15PM, 由於係OPENRICE睇到好多朋友都讚呢度既甜品,既然早到左就同太太叫個甜品試下先,食住等嘛!!入正題, 先來門面然後唔少得既餐牌我地食住等既甜品, 賣相整得幾靚,味道不過不失啦!食完朋友到喇, 就開酒同叫野食喇, 因為大家SHARE食所以都叫左好多!頭盤: 沙律好味,好香芒果味,份量就多左D, 個自家製火腿都好味餐湯: OK啦另外ORDER左個小食: 呢個豬手非常好食,芥末味香,豬手唔硬,皮仲好彈牙!!主菜喇! 由我覺得最好味順序排:黑豬,燒得好香,加埋個蘋果茸,正威靈頓牛,其實都好味,但可能厚薄唔平均,令都有部份太熟,所以變成排第三最後甜品: 賣相好靚,好有心機,但味道普通,同埋雪得太冰總結: 食物質素好好, 只係甜品唔係網上講得咁正但係賣相就滿分!另外服務我覺得好好, 侍應有禮貌, 最值得讚係當我地飲完紅酒後,要飲白酒時會幫我地換杯