影片
更多
2016-10-28
1025 瀏覽
大概年初曾到訪過觀塘工廈嘅K2食飯，記得當時嘅總結喺食物稱心，服務貼心，價錢合心，喺一家平易近人嘅歐陸餐廳，所以，今晚同朋友嚟食飯聚舊就絕對唔使擔心。由於之前嚟過，所以，環境方面就唔多描述，睇番小弟之前嘅寫評就清楚晒，放番一兩張當晚環境相交待吓就清楚晒。可能閒日關係，是夜客人唔太多，加上被安排坐晌餐廳一角，更靜局方便我哋傾偈。翻一翻餐牌，應該跟之前嘅差唔多，頭盤、湯品、小食、主菜、甜品及飲品。上次嚟，就揀晚市套餐，因為最划算。但喺，今回則晌主菜類當中揀，因為凡惠顧主菜，可以+$48轉套餐（頭盤、湯、甜品、餐飲），而頭盤、湯都喺晌番晚市套餐度揀，更為吸引。香芒鮮果蝦沙律配青檸泡沫無諗過份頭盤竟然咁大份，定價單賣收$48都唔止啦，而家仲只喺加$48就變成套，抵到無朋友。更甚嘅喺個沙律無hea做，生果好鮮甜，凍蝦又爽口，整道沙律夠晒冰涼清新，至於啲青檸泡沫確嗒到青檸味，不過，用作加添賣相靚仔啲多過增加食味，哈哈！自家製巴馬火腿豬手凍批另一道頭盤同樣估唔到份量咁足，個自家製凍批好唔錯，形式有啲似滬菜嘅肴肉，不過，加入巴馬火腿，多添幾分鹹香，而且，佐以煮過嘅黑醋，配搭起上嚟確喺好食。鮮蟹肉粟米茸
由於之前嚟過，所以，環境方面就唔多描述，睇番小弟之前嘅寫評就清楚晒，放番一兩張當晚環境相交待吓就清楚晒。可能閒日關係，是夜客人唔太多，加上被安排坐晌餐廳一角，更靜局方便我哋傾偈。
翻一翻餐牌，應該跟之前嘅差唔多，頭盤、湯品、小食、主菜、甜品及飲品。上次嚟，就揀晚市套餐，因為最划算。但喺，今回則晌主菜類當中揀，因為凡惠顧主菜，可以+$48轉套餐（頭盤、湯、甜品、餐飲），而頭盤、湯都喺晌番晚市套餐度揀，更為吸引。
香芒鮮果蝦沙律配青檸泡沫無諗過份頭盤竟然咁大份，定價單賣收$48都唔止啦，而家仲只喺加$48就變成套，抵到無朋友。更甚嘅喺個沙律無hea做，生果好鮮甜，凍蝦又爽口，整道沙律夠晒冰涼清新，至於啲青檸泡沫確嗒到青檸味，不過，用作加添賣相靚仔啲多過增加食味，哈哈！
香芒鮮果蝦沙律配青檸泡沫
35 瀏覽
2 讚好
0 留言
自家製巴馬火腿豬手凍批另一道頭盤同樣估唔到份量咁足，個自家製凍批好唔錯，形式有啲似滬菜嘅肴肉，不過，加入巴馬火腿，多添幾分鹹香，而且，佐以煮過嘅黑醋，配搭起上嚟確喺好食。
自家製巴馬火腿豬手凍批
25 瀏覽
2 讚好
0 留言
鮮蟹肉粟米茸湯雖然蟹肉唔喺好多，但味道勝在食得出幾鮮，而且，個湯嘅粟米味好濃郁，好香，兼且好柔滑，非常有水準嘅出品。
鮮蟹肉粟米茸湯
23 瀏覽
1 讚好
0 留言
上次嚟嘅廚師餐湯又喺南瓜湯，南瓜湯個口感同樣做到滑溜細緻，又好香南瓜味，簡簡單單配條脆餅乾條，一樣稱心。
澳洲和牛伴獨子黑蒜及喜瑪拉雅山礦物鹽 $298（優惠價$198）主菜有廿款選擇之多，各種肉類、魚類，以及意大利飯及扁意粉……等等一應俱全，定價由$98-$298，正所謂豐儉由人。原打算叫羊仔鞍，不過，店長話個澳洲和牛做緊推廣，只要晌官方FB俾個讚，就可以以優惠價$198享用，貪小便宜嘅香港人好受依套。一客和牛估計應有8安士重，要咗五乘熟，切開一睇，粉嫩色透，入口可以講嫩滑無渣，沾少少礦物鹽吊味已好足夠，外層又帶焦香。伴菜亦做得好精緻，木耳、車厘茄、白蘿蔔、西蘭花，配上一啲青豆蓉、南瓜蓉。
澳洲和牛伴獨子黑蒜及喜瑪拉雅山礦物鹽
$198
31 瀏覽
1 讚好
0 留言
香煎原條龍脷 $138叫得原條龍脷，就梗唔喺平常嗰啲雪藏雪到「硬堀堀」嘅魚柳啦，條龍脷有成隻碟咁大，而且，煎得色澤金黃，夠晒霸氣。魚肉煎得非常甘香，做到皮脆肉嫩，沾少少檸檬醬，清新味鮮。
香煎原條龍脷
19 瀏覽
2 讚好
0 留言
跟套餐所送嘅甜品，雖然普通啲，只喺一般慕絲蛋糕，但賣相砌得咁靚，加兩粒花形棉花糖，變得好萌，而蛋糕嘅味道本身都唔錯，只嫌雪得有少少硬咗。
最後一邊飲住奶蓋紅茶，一邊繼續談天說地，過咗一個愉快晚上！
順帶一提，晌度食飯免開瓶費、免切餅費，但需加一服務費，更歡迎包場。與朋友嚟慶祝一下，又或為朋友慶生，K2絕對喺一個不錯的選擇。
臨走時仲拎咗張單張睇睇，晚餐有早鳥優惠，不過，要8:00pm前結帳離座先享用到9折優惠，較適合晌附近做嘢嘅「工友」！
張貼
