豪門小菜火鍋

營業中

休息中

這間中菜館位於九龍城衙前塱道，鄰近宋皇臺站，主打廣東鑊氣小炒及火鍋，價錢親民貼地，無加一服務費及茶芥，而且份量好充足！店內環境寬敞舒適，裝潢以傳統的懷舊港式為主，適合多人聚會。自家製豪門卷 - $98類似蝦多士，酥脆的多士毫不油膩，卷著爽滑彈牙的鮮蝦膠，可蘸上泰式酸辣醬。蟶子生菜包 - $168泰式生菜包改良版，一粒粒炒豬肉碎加入鮮甜脆嫩的蟶子，還有爽脆的馬蹄、香滑的冬菇及洋蔥等，味道酸酸辣辣，用清爽的生菜卷著好開胃。蒜茸粉絲蒸開邊蝦 - $148一隻隻新鮮游水生蝦特別爽滑彈牙，帶陣陣蒜香，粉絲吸飽肉汁的鮮味。蒜茸粉絲蒸扇貝 - $45/隻肥美飽滿的扇貝鮮美不腥，鮮嫩而不老，裙邊好爽脆。芝士龍蝦伊麵 - $480肥美壯碩的西澳龍蝦特別滑脆細膩，龍蝦肉嫩滑彈牙又有豐富香甜的肉汁，龍蝦頭還有少許甘香的膏；伊麵充滿了彈性和口感，掛滿濃稠順滑的芝士汁帶點鹹香，份量足夠三至四位食用。

龍蝦伊麵可以話係酒樓飲宴必備菜式，不過就唔係間間都整得咁好食。今次專誠黎到位於九龍城嘅豪門小菜火鍋一嚐好多人都大讚足料嘅龍蝦伊麵！佢地小菜選擇都幾多，仲有唔少特色菜，例如：豪門卷、咕嚕苦瓜、油浸筍殼魚。估唔到黃金鮮魷又幾有驚喜▪️芝士龍蝦伊麵 $480呢道招牌菜份量十足！餐廳選用西澳龍蝦，足足比波士頓龍蝦大2.5倍，厚肉爽彈。伊麵唔會黐埋一餅，麵質軟硬適中，兼且超掛汁。醬汁用上四式芝士，滑溜香濃，走一貫港式路線，奶香較重，但又無想像中咁膩。▪️自家製豪門卷 $98/8件以麵包糠卷住手打蝦膠墨魚膠再炸！外層香口薄身酥脆，內𥚃彈牙幾有蝦味，食落唔會好油~▪️黃金焗鮮魷 $118鮮魷淋滿醬汁，入口超濃鹹蛋黃味！炸皮唔會太厚，即使裹滿醬汁都keep到微脆，軟彈唔韌。鍾意鹹蛋黃嘅大家不妨一嚐佢地嘅黃金系列！▪️蒜茸粉絲蒸蟶子皇 $45/只 (4只起)蟶子彈牙，蒜蓉粉絲夠味得黎唔會搶左鮮味~▪️鮮果咕嚕肉 $98咕嚕肉相對失色，炸皮唔脆偏粉▪️啫啫唐生菜 $98唐生菜好香好爽脆，加左唔少肉碎，微辣唔會太鹹。整體嚟講，小炒款式夠晒多，質素都ok，私心推薦黃金焗鮮魷同豪門卷。環境乾淨企理，都坐得幾舒服，唔會太迫夾