大自然素食

營業中

休息中

一早約好了當晚和魚媽媽一家, 魚家姐+姐夫一齊吃新年飯, 吃飯之前2晚, 魚媽媽打比本魚話喉嚨唔多舒服想食清D食物, 於是本魚係openrice search 素食店, 見食評都幾高評價, 於是訂了位去吃也~上到去, 嘩~ 好彩有訂位, 基本上地方唔算大, 而且已一早fully booked, 如果無訂位, 人多既話-可能要等比較耐囉~ 當晚我地有7位, 都係唔叫半席菜, 散叫好D~~於是叫了如下: 粟米魚翅羹 - 侍應姐姐幫我地分好一碗碗, 粟米清甜加上爽口素翅, 好好飲呢~ 可惜一窩夠6-7人既份量..多返DD就好了... 招牌乳豬連自製掛包 - 掛包連蒸籠一起上枱, 掛包熱辣辣, 軟棉棉, 夾上脆脆既乳豬件+乳豬用既醬, 真係好似食緊真乳豬, 不過少了一分油膩, 本魚鐘意呢樣呢. 五彩芋頭魚 - 芋頭魚鬆化軟淋, 點上甜甜酸酸既汁, 很開胃, 而且店很有心思地汁分開上, 可以食到脆脆既芋頭魚, 最怕連汁一起上..因為好快令芋頭魚變淋呀~ 薑蓉有機豆苗, 一上枱, 我地有點點奇怪..唔似出面街市賣既豆苗, 一條條....仲聞到有青菜味..本魚好擔心唔好食...但好彩, 吃一口, 估

最近覺得自己有點熱氣,所以來吃齋清下腸胃。星期日午飯時間不算多人。入座先端來茶和餐食小食(日本毛豆)。呷一口茶,原來是玄米菜,我們還以為到了日本餐廳。毛豆幾好味,鹹鹹地,愈食愈想食,停唔到口。招牌乳豬連自製掛包($98)外貌同口感都似乳豬,有皮有肉,連肉紋都有,真有趣。自製掛包很軟身,配搭甜醫及青瓜。芒果魚生壽司($18)芒果和三文魚都切成一粒粒,感覺同真的三文魚有幾份似,雖則附上wasabi,但.........又不是真的吃魚生,哈哈,沒有試過。雜果米紙卷($36)內類包著一些西芹之類的蔬菜,不過太多沙律醬了,米紙也比想像中厚,像在吃軟的沙律卷。潮式糖醋麵($48)哈哈,心思思想多點一道菜,吃飽一點,見到糖醋麵以為是主食類,到上菜才覺得怪怪的,就當是甜品吃。味道算是普通得非常。

自從王經理話要食百日齋後，幾乎每個星期，我地兩個都會四處找尋好味嘅齋菜館。是日又o黎到銅鑼灣，今次決定唔去我地近期嘅飯堂～紫來坊，一於試吓第二間，有比較先有進步嘛！但今次呢間，其實王經理已經o黎過好多次，响未發掘紫來坊之前，佢話呢間係佢覺得最好味嘅齋菜館！王經理平時o黎呢間一定會叫金瓜飯同芝士鮪魚多士，佢話好好味。但今次我地決定試新嘢：美極燒豆腐～講真就唔係點食得出係美極汁，但味道甜甜地，都幾得意！不得不讚佢地個炸豆腐，皮脆內軟，個皮厚薄適中，炸得香脆而不油膩，裡面嘅豆腐依然滑到不得了，真係好想知佢地點將舊咁滑嘅豆腐攞去炸大紅乳豬件（跟自製掛包）～呢道菜係我見Openrice有好多人讚，所以堅持要試嘅！果然無揀錯，簡直係超級好食！素乳豬嘅皮竟然可以整到同真乳豬嘅有八九成似，加埋乳豬醬同爽脆嘅青瓜，夾响件好軟滑嘅掛包裡面，真係唔講都唔知係食緊齋！瑤柱福建炒飯～味道同真嘅福建炒飯無分別，瑤柱絲以金菇代替，素蝦一樣做到有彈性，素肉有午餐肉嘅味道，好味！木瓜雪耳糖水（免費）～不太甜，不錯！整體o黎講，幾樣菜嘅味道都好好！相比之下，反而覺得紫來坊好似較多味精，食完會好口渴！不過兩間其實都好味，各