聚來車仔麵

營業中

休息中

間唔中就想食吓港式車仔麵，之前睇介紹呢間位於深水埗的車仔麵店除了有提供車仔麵外，仲有餃子同好特別嘅阿華田西多士，作為甜品控嘅我當然要去試吓啦<自選車仔麵> (米線牛筋冬菇魚腐沙爹汁小辣) $45車仔麵唔少配料可以揀，牛筋呈啫喱狀，冬菇同魚腐幾索汁，米線略嫌偏淋沙嗲汁叫咗小辣，都有咁上下辣度，薑味偏重<爆漿阿華田西多士 配奶茶>  $33估唔到車仔麵點都有西多士可以點，除咗阿華田款，見到仲另外一款士多啤梨口味。阿華田西多士嘅內餡亦都可以揀係花生醬或者榛子醬，我哋揀咗榛子醬，一上枱中間非常流心，好似瀑布咁樣，非常打卡able<招牌鮮炸肉丸> $30呢個炸肉丸食得出用洋蔥作為主要嘅配料，炸得香脆內嫩，洋蔥嘅甜味突出，喜歡<招牌鮮煎餃子> (韭菜餃|芝士粟米餃) $42煎餃有三款可以揀，我哋就揀咗韭菜餃同埋芝士粟米餃，餃子煎得香脆，芝士粟米餃嘅芝士係半流質狀態；韭菜餃就肉汁多，韭菜獨香氣四溢

我比較少食車仔麵，月初約咗個好鍾意食車仔麵嘅朋友食但最後食唔到，今餐補返數，哈哈！睇Openrice揀咗呢間喺深水埗嘅試吓。【招牌鮮煎餃子（韭菜餃/椰菜餃）】一心嚟買車仔麵，但俾佢哋寫住「招牌」嘅小食吸引到，一於叫埋嚟食吓！可以叫韭菜餃、椰菜餃各半，咁就可以每樣都試啲。煎餃即叫即煎，上枱時熱辣辣出晒煙，個皮一面煎到微焦好香口，麵粉香味重面啲餡料仲好Juicy，韭菜或者椰菜兩款都好食，點醋或者豆瓣醬食都好夾！【招牌鮮炸肉丸】又係即叫即炸！呢個比相像中特別，原本以為係就咁免治豬肉丸，不過原來入面仲有蘿蔔同豆腐，所以唔會食到好膩，又炸到脆卜卜好正！見呢道菜式咁特別就問下老闆啦，原來係老闆嘅家鄉菜，真係唔係度度都食到。【自選車仔麵】車仔麵啲餸每款由9至13蚊不等，好多款都好想食，我又選擇困難症喇，哈哈！最後我揀咗牛腩、豬紅、蘿蔔、魚片頭，揀咗腩汁同粗麵，辣度分大中小我揀咗少。湯底清甜飲落冇落味精，辣醬係放喺羹上邊，撈晒落去都唔算太辣。我另外再加咗辣椒菜脯，好惹味！餸來講比較出色係好入味嘅豬紅同鮮甜嘅蘿蔔！朋友個碗我淨係食咗魚腐，大大舊索晒湯汁好食。碗麵份量都好多，我哋食完都好飽好滿足！我最推介