MangoChaCha (已結業)

是日喺尖沙咀食完晚飯 雖然都飽飽地，但作為一班女仔 面對賣相靚靚嘅甜品總會有第二個胃可以收容佢地咁就行過兩條街嘅Mango Cha Cha~~可能時間尚早 九點幾竟然唔使排隊！哈哈 so lucky!! 店鋪裝修以黃色為主，真係好芒果！入到去就見到隔離份糖品都好大份 所以決定share!! 咁我地快定叫兩份四個人share!! 首先點左香港限定＂甜蜜夾心＂，再加多個"舊情人"甜蜜夾心係芒果窩夫！中間係cream 同芒果雪糕！ 我覺得想比起舊情人 呢個好味啲！ 窩夫外脆內軟 而且仲係有啲溫暖配合內裡係雪糕 真係有啲冰火感覺！ 一啖咬落去窩夫好有口感！相比起有啲甜品店嘅窩夫只係軟 呢個就比較有水準有層次啲！伴碟嘅新鮮芒果都係甜嘅 唔會話酸到喊。亦都好欣賞窩夫係配黑糖漿 甜度可以自己調教~~r舊情人係雪花冰＋挫冰＋雪糕！雪花冰芒果味濃嘅亦都好幼細，食落去比較舒服！而挫冰係配合黑糖 黑糖味剛好 但因為冰溶會愈食愈淡 有雪糕撈埋就好味d 如果淨食挫冰味道會淡左d!但餐廳冷氣比較大，一路食一路凍到震 ！

食完韓式晚餐，行過一條街去mango cha cha食台式愛文芒果甜品，９點本應是食甜品的高峰時段，但店內只有一枱客人。我們兩人點了一客流心芒果蛋糕和舊情人(店家為不同combination嘅沙冰改了很多有趣的名字)舊情人，棉花冰充滿芒果的甜味，甜而不漏，但底下的黑糖沙冰就稍為差少少，冰磨得較粗糙，口感一般。芒果流心蛋糕就真的不太好吃，很普通的蛋糕，流心部分太重牛油味。依家咁多甜品店，下次寧願試其他店都唔再浪費quota食呢間啦～

尖沙咀食完飯一行5個人緊係要食埋糖水先心足，揀下揀下有人提議不如試下MANGOCHACHA見到咁多好評。滿70蚊有個印仔,齊5個有冰送熱情果雪糕加芒果心太軟，雪糕緊係無問題啦來貨，心太軟就出事啦=.=。其實個外皮OK架幾好味，不過個餡就出事個味似香精搞出黎少少似之前M記出芒果脆新地筒陣味。芒果饀桂花糖水唔太特別黑糖芒果冰，上面雪糕某大牌子既味道，下面黑糖外面好甜裡面白雪雪，總知一係甜到嘔一係無乜味。同上面一樣多左層芒果綿綿冰就貴10蚊雖則我地都知圖片只供參考，但你都唔好差咁遠呀。睇下左右比較:酥皮又焗唔起、芒果又少、貌相又差，一黎到同行四人都話唔係咁離譜塌既

尖沙咀有著各式各樣的甜品店 每家都各有特色 所以很少會吃到重覆的這次來到這家從台灣來的芒果甜品專門店 吃甜甜的芒果去!!各式各樣芒果做的甜品 每1樣都好想放進肚子裡 來吃之前1定不能把正餐吃太飽 不然那麼多的款式還真的不知道要怎麼挑呢如果只點1款的話就會心癢癢的想試更多然後如果點太多的話就會吃不下 還真揪結啊!!CHA CHA最特色的地方就是希望客人吃芒果的時候可以沾點海鹽試試這是第1次的嘗試 吃下口的時候感覺好新鮮喔 咸咸甜甜的結合能中和各方面的滋味下次在家也可以試著用這個方法吃芒果囉這次來點的是舊情人 最上層的是芒果口味的冰淇淋再來是芒果冰 底部還有黑糖冰和芒果肉的搭配 建議可以每層都先試1口把口味都試清楚之後 再把最喜歡的那個多搖幾口 免得被人家搶光光了哈哈這裡的冰有分幾種SIZE的 所以可以按人數來定到底是要大的還是小的芒果冰綿綿的 黑糖冰甜甜的 2種不同的滋味再加上芒果肉的口感絕對是芒果控要來1試的!!當然不能忘記鎮店之寶用海鹽沾著吃喔!!

朋友之前食過，佢知道我鍾意食芒果，即刻介紹我黎試下！佢話舊情人同窩夫好味，所以我好聽話咁叫左呢兩樣野~首先講下個窩夫先，入面係夾住ｄ cream同雪糕既，因為個窩夫好厚好大舊，所以黎到我都諗左陣應該要點樣食，我同男朋友share食，口感好好，因為入面好凍，而個窩夫又脆脆的，好夾，好好味！另外仲有個舊情人，本身我唔係太鍾意食冰，不過見佢有黑糖味幾得意，而我朋友又咁推介，所以又試下，個冰都ｏｋ，唔會太甜，宜家天氣咁熱其實食下冰都唔錯，不過印像最深刻都係冰上面個雪糕，因為個雪糕係有好多芒果肉，又夠凍，口感好好，朋友無介紹錯~其實整體黎講都幾好味，環境都唔錯，我諗下次都可以再黎試下其他甜品~

上星期同我做記者既哥哥去左尖沙咀行街,佢話佢有張MANGOCHACHA既優惠劵所以好豪咁論請左我去HIGH TEA我地入到去可能因為下午所以人唔係太多,都算坐得幾舒服,店面以橙白色為主,梳化都算闊我地之後點左一個舊情人,半價既烏梅黑糖荼同芒果茶-OVERALL價錢都算可以接受舊情人-個日天氣超熱,最岩食冰,呢個舊情人有兩層一層係芒果雪花冰一層係黑糖冰,食落去超夾,雪花冰一入口就溶好綿加埋甜甜既黑糖冰,一個字-爽,最頂仲有球大雪糕-有點普通,但食完雪糕再食芒果就知,原本係咁既,呢種愛文入口根本就食緊雪糕仲要唔酸-正......即係我地食左十幾球雪糕咁烏梅黑糖荼-阿哥飲佢話好飲,因為入面仲有芒果肉食,但可能因為有烏梅酸野我唔係咁岩,但半價既大家可以試下既芒果茶-呢個我叫既因為好特別,咩茶我都飲過啦,生果茶就未試過,入口香而不太甜-有D似香片既感覺,行得攰HIGH TEA呢個最岩不過,夠哂大壺等我下次帶埋女朋友黎試下佢D港式野先....

看台灣節目介紹過只在台灣出產的愛文芒,想不到竟然在香港有分店出售以爰文芒為主題的雪花冰甜品,本來嗜芒的我當然來一試! 當晚到達大概10點半,可能有點晚所以不用等已可入座。我喜歡這類環境舒適的甜品店, 吃起來也特別好味道! 跟朋友點了一款名叫..."舊情人"及"甜蜜夾心","舊情人" 以愛文芒制的雪花冰及剉冰加黑糖糖漿合併為一的甜品,當然加上主角愛文芒果粒粒及愛文芒制雪糕球!!! 他們店的雪花冰跟在其他吃的有點不同,比起來更鬆軟及入口立化的感覺很特別! 黑糖糖漿剉冰加上爰文芒果粒粒一併放入口的口感很爽!! "甜蜜夾心"是即制窩夫缾加上我最愛的忌廉和愛文芒制雪糕球做夾心餡,淋上黑糖糖漿,他們的窩夫餅是我吃過最最最好吃!!!! 亦是香港分店限定款之一!! 那窩夫餅吃起來鬆鬆軟軟,烤到剛好外面不會太硬裡面又熱熱軟軟的口感,真的太好吃!!!!!!! 加上冰冰的雪糕球及忌廉,是最好的搭配! 我決定每一次來也要點這個!! 總括來講,這新來的台灣甜品店很好!

在FB見到好多朋友Po, 上個禮拜終於有機會試到。點左一個舊情人，係有刨冰 + 雪花冰2合1，仲有雪糕，都幾豐富30幾度高溫情況底下，食冰真係無得頂。我特別鍾意個雪花冰，因為芒果味好香。底果d係黑糖冰，侍應好細心，同我講話唔夠黑糖可以再加。不過我覺得ok，唔會話多到浸住哂。佢隻黑糖幾特別，唔太甜，所以都值得encore的。綜合黎講我覺得番check指數都達4粒星，下次會試試其他甜品!

order咗一個舊情人, 即係雪花冰+挫冰+雪糕球. 店員放下樽鹽, 好讓客人自行調味, 帶出愛文芒的鮮甜味. 可惜第一口愛文芒, 完全食唔出芒果味, 即使加鹽, 也沒大幫助. 是太凍的關係? 芒果切得太細粒? 還是個芒果唔靚? 整件事都好淡, 直至一口挫冰, 才有點黑糖味. 睇嚟舊情人還是舊情人, 忘記吧啦

返左成日工，響尖沙咀食完晚飯就上openrice係附近搵甜品食，最後決定去mangochacha試試！舖頭用芒果做主打，聽落有啲寡，但食落原來又幾正喎！首先舖頭裝修好簡單舒服，以素色為主，環境感覺上好乾淨整理，位置都幾易搵，燈光暗暗地幾適合情侶一齊黎食甜品，夠哂浪漫。一個人黎食既我，就叫左個舊情人（$68）試試，入面有芒果刨冰、黑糖刨冰、芒果雪糕同芒果肉，一次過滿足哂我四個願望！首先芒果刨冰好有芒果味、甜度都岩岩好，因為黑糖刨冰都幾甜，芒果刨冰岩岩好既甜味無令到整個舊情人變哂「糖水」咁既款。另外，芒果果肉都十分特別！同平時食開既芒果唔同，餐牌話佢地用既芒果叫愛文芒果，食落並無平時食開既芒果咁甜，個種味道好難去形容，總之就好特別啦，一句講哂好味！舊情人頂部仲有個芒果雪糕，比起平時係超級市場買既真係好食得多，芒果味好突出，最正既係雪糕裏面仲有類似芒果定芒果乾既野，仲有得咬下添！雖然一條友黎嗌個68蚊既甜品有啲肉赤。但係坦白講，平時食開都係普通糖水舖，甜品種類都係差唔多，香港好似比較少有呢類特色甜品舖，既真係做到咁多款甜品之餘、又幾好食，如果遲下香港可以有多啲呢類型既糖水舖，就好喇！

當Mangochacha強勢登陸香港之際,團購網也掀起一股搶購其$30作$70元的現金券的熱潮可惜手腳慢的我未能成功買到因此來這裡品嘗愛文芒果甜品的計畫也就擱置至今這天在尖沙咀唱K既然一場來到這區就扯着友人來這裡HIGH TEA一番餐廳比我想像中小我們三人坐在近門口的一張半梳化位正好對着那趣緻的油畫畫中的芒果甜品異想逼真呢這裡的甜品名稱都是與愛情有關我們三人分吃了舊情人和香港限定的LOVE IS AIR芒果梳乎厘舊情人 8.5/10: 舊情人算是冰品之中比較豐富的選擇, 有一球芒果雪糕, 芒果雪花冰, 以及黑糖挫冰; 芒果雪花冰十分綿密, 而黑糖挫冰雖然比較粗粒, 但也不會有像咀嚼碎冰的違和感, 黑糖糖漿的味道也為挫冰加了不少分數此外, 加上少許海鹽一起食用中和了甜味, 亦令冰品感覺更為清新除了雪糕和冰品本身, 伴碟的愛文芒果粒水準也是超讚, 質感比平常我們吃到的較為結實, 而且粒粒香甜Love is air 8/10: 這個名字也取得太好了吧, 眾所周知梳乎厘最吸引的就是那輕盈鬆軟的口感, 將把一陣難以捉摸的風放進口中可惜的是, 愛情像風一樣稍縱即逝, 這個甜品亦然, 手腳稍為慢一點

星期六 6:30pm 黎到, 客人唔算多, 所以不用等位. 店子空間感大, 唔局促. 座位寬鬆, 但多人時, 2人位就會答枱, 同比較嘈.食物等了15分鐘左右, 因為有個梳夫里. 另外點了 雪花冰+挫冰的話, 店員會附上一小瓶海鹽, 可以灑上雪花冰+挫冰, 更能提升甜味. (類似食西瓜灑上話梅粉的作用).- 舊情人 ($68) : 材料包括 芒果雪糕+芒果雪花冰+黑糖挫冰+芒果粒. 芒果雪糕唔會太甜但味道不見突出. 不過芒果雪花冰就食得出芒果既香甜, 而且又綿又滑, 口感輕盈. 配上黑糖挫冰更為清爽涼快, 黑糖較甜味道濃, 跟挫冰食就剛剛好. 芒果粒平衡整個甜品, 唔會一肚水, 有d實質口感, 唔會食膩. 食到一半灑點海鹽, 更會提升味道.用上愛文芒果, 但唔合我口味, 雖然不酸, 但也不甜, 芒果味又唔重. 整個甜品分量也比台灣的細, 但係香港黎講就分量合格. 值得一讚, 就係碟子係凍的, 令雪花冰+挫冰不易溶, 食到最尾雪糕也沒溶, 非常用心. - love is air (芒果梳夫里) ($58) : 梳夫里焗到好高身, 聞到好香芒果味, 個面有點脆口, 又有d芒果粒裝飾.口感輕

最近的我的 Facebook 被 Mangochacha 瘋狂洗板, 適逢昨晚無雨, 內子終於忍不住要我跟她來試一下。果然名不虛傳, 人來人往, 還好等了不久便有位了。店肉裝潢精緻, 雖然舖位不大, 但座位至少比那大型芒果甜品店寬敞, 令客人食得舒適! 遺憾哋沒有影店內環境, 因為我都把心思放到餐牌上!結果於我的初戀情人點了一個舊情人 (很有創意的名字) 和一個芒果窩夫。這個舊情人是個棉花冰, 入口即溶, 味道清爽, 吃多兩啖都不會覺得很膩。店員還很親切地教我們落點海鹽, 可以令芒果的味道更出, 口感更豐富! 芒果窩夫, 外熱內冷, 而窩夫很鬆脆, 而且不是太甜, 令不嗜甜的我都大口大口的吃起來。如果怕甜味不夠的話, 他們還跟了一瓶好像是蜜糖 (我沒試過, 不敢肯定。) 的伴碟。的確很細心的烹調方式和伴碟, 去照料不同客人的需要。

五月二日 (星期五)我倆一直是台灣的粉絲，幾乎每年也會到台灣吃喝一番較早前，從友人得悉當地甜品店MangoChaCha於香港開業，真的十分期待甜品店用上由台灣生產,在日本暢銷的愛文芒果做主題，炮製多款不同款式的甜品糕點店員先送上芒果汁，清甜可口，芒果味清香自然，也挺解渴喔~枱上還放有海鹽，讓食客隨喜好添加，以帶出芒果鮮味店不算大，約可容納廿多三十人，橙黃色的主色就是配合芒果的主題吧，給人精神一振的感覺 打開餐牌，各款甜品俱加入芒果元素，如台灣雪花冰，還有窩夫和梳乎厘，以及冬日限定的芒果湯圓，除此，更有幾款香港店限定的甜品先試招牌芒果雪花冰，芒果與黑糖的配搭叫舊情人頂層是香甜的芒果雪糕，中間則是芒果雪花冰拼黑糖剉冰芒果與黑糖，最底則是粒粒芒果果肉賣相鮮艷奪目，十分搶眼醒神黑糖味加進芒果雪花冰，個人挺受落的，因兩者味道也挺配合黑糖份量恰到好處，味不會過甜，也不會蓋過芒果的鮮甜另一款招牌當然是窩夫，這個甜蜜夾心也是我倆心水之選兩塊質地鬆軟的窩夫夾著芒果雪糕，配以黑糖醬及芒果粒伴碟放上芒果粒，再沾少許黑糖，味道新鮮芳香，味道不俗除了以上兩款，也試了MangoChaCha香港分店特有的限定甜品先

上次一家人到台灣旅行，已經知道當地的盛產水果，機緣之下，買了幾個愛文芒果試試，個人認知，香港入口的多數是菲律賓芒果，味道偏濃郁而甜膩，當日愛文芒果留下清香鮮甜的感覺，至今仍記憶猶新。而以愛文芒果作主打的MangoChaCha，亦已經登陸香港，在尖沙咀駐紮。店內可說是窗明几淨，以柔和的色調，簡潔的裝潢為主，毫不花巧。翻開黃皮Menu，愛文芒果是用上不同的處理手法，十分之令人期待。先來一杯芒果汁吧！用的當然是新鮮貨，呷一口很芳香，入喉順滑，馥郁鮮甜，如果可以更冰一點就更好！再來一份舊情人，原來是雪花冰、挫冰及雪糕球的合成體，店主介紹過刨冰機是從台灣入口，冰粒會細碎得多，先踫踫碟邊，沒太冰凍的感覺，已心知不妙，果然一放入自己的碟時，溶化速度加快，可以說是與時間競賽，否則好快便只會是一灘水，而且用碟食亦令人非常狼狽，建議店主快點換過餐具；置頂的雪糕固然香滑，中間的雪花冰澆上了黑糖漿，令甜味更具層次。然後是甜蜜夾心(配黑糖醬) ，其實即是窩夫，表層灑上糖霜，令賣相不至於單調，很平穩的處理手法，想要甜膩一點，可以蘸點一下黑糖醬，用來消磨時間，未嘗不是一個好主意。單看冷熱激情 (Mango Puff