茶理史 (已結業)

假日全日都想留喺屋企🤣🤣 所以就嗌外賣返嚟飲啦 嘆番個下午茶都好呀🫢 我哋嗌咗茶理史嘅飲品返嚟 芋香鮮乳地瓜小芋圓少冰 正常甜 本身以為芋香會係有啲芋頭粒喺入邊 點知原來係一啲紫色嘅芋香 一飲落口奶味好重 用飲管輕輕攪拌 芋頭味就好出喇 地瓜小芋圓味道有啲似奶黃 個人就覺得佢唔夠煙韌🥲腐竹白玉奶茶無糖 其實嗌無糖都有少少甜味㗎 對比起地瓜小芋圓 白玉口感較佳 飲肥仔水最緊要有珍珠呢啲煙煙韌韌嘅嘢吖嘛🧋 飲落口呢個腐竹白玉真係有一片片腐竹喺入面㗎竹炭鐵觀音白玉奶茶半糖 竹炭嘅味道我就形容唔到喇 但係呢杯鐵觀音奶茶茶味都好香濃 啲杯都叫特別啲嘅嘢飲嚟㗎🥰 就咁望佢嘅顏色似墨水 茉莉白玉奶綠半糖 啲杯就比較普通 飲落都好飲嘅 但係就比較似其他舖頭都飲到嘅貨色😺飲完之後 個人最鍾意就係腐竹白玉奶茶 可能係因為入面有腐竹做配料 感覺比較特別啦😋

而家同朋友講起葵涌廣場（葵廣），就會諗到小食。食肆多到百花齊放，種類多至百款，由魚蛋燒賣到中西糕點、湯麵，飲料一應俱全。真係餓住嚟飽住走！店舖多自然龍蛇混雜，汰弱留強係龍係蛇，就要睇佢有冇本事喇！茶理史位置响二樓嘅角落位，非常唔顯眼兼隱世。見佢已經响葵廣多年，可見佢有真本領，今日就試吓啦！芋香鮮乳地瓜小芋圓（熱）甜度：半糖因為之前飲過幾次同類飲品，覺得佢似甜品多過飲品。如果做成熱飲應該會更夾，所以今次就第一次飲熱嘅台式飲料！先講包裝個人覺得佢個杯好型，黑底金字，有種低調奢華嘅感覺。飲品方面話係熱飲，其實唔會太熱，只係微溫，暖暖地飲落去好舒服。芋頭蓉唔算好滑，飲到芋圓粒，芋頭味香濃，同鮮奶好夾！好似飲緊芋頭露咁！地瓜＋小芋圓味道偏淡，唔係好分得出佢哋嘅分別，但勝在口感Q彈，比珍珠出色，容易消化。飲完飽晒！味道、服務、環境方面雖然唔係最好，但行過路過可以一試！

行葵廣掃街，梗係要買杯野飲喇。想試下未試過嘅店舖，所以就試下未飲過嘅茶理史。今次試咗杯叫芋香鮮乳地瓜小芋圓（$26），都幾大杯，第一啖飲落去有好香既牛乳味，而且仲真係有新鮮既芋頭粒，有顆粒感而又唔會太大粒。芋圓為咗配合飲管既size，特別係整細粒咗，唔算太有咬口，但都有味道，芋圓份量都幾多，同飲品既比例都幾好。整杯飲品奶味都算香濃，但略嫌芋味唔太夠，飲品偏甜，建議可以叫小甜。飲品算大杯，一個人飲會太飽，可以share。 以芋圓加入飲品算幾特別，鋪頭仲有好多其他類型既特色飲品。