Pheromone Dessert (已結業)

為左阻止大家中伏而寫第一篇食評。大家如果去開呢頭食甜品，周圍冇位都唔好亂入呢間野 長話短說，真係得個睇字，裝修都幾令，但野食唔太得。一行四人其實都食飽飯，只係想吹多陣水先搵甜品食，Hesheeat太多人等，去左呢間食。(本身朋友話想食Hesheeat我唔知係咪行內舖頭都要每人最少叫一樣野，我入果時有留意，坐低先知要計人頭落單⋯飽死都要叫4樣野曲奇雪糕無曲奇味，燉蛋其實我以前冇點食過，但呢個口感似硬身既mousse。冇朱古力味，朋友話食到水味。大boss係呢個一口酥，我打呢篇野之前都睇其他人既食評，我再補充下，酥皮係酒樓d海鮮卷既皮  ，好大陣油"益"味，外皮微溫。四人一放入口都你眼望我眼，似中式食品多過甜品，同埋d皮甩甩地，包得唔好。仲有一個心太軟，我又係平時好少食，朋友話食開係外面脆脆地，呢個係軟身d，配既3.6牛奶雪糕又係硬，冇奶味，比曲奇雪糕更差。 題外話，d黃色點點我覺得似羅拔臣哩喱粉開出嚟，唔知芒果雪花冰上面d芒果汁係咪呢d⋯總結:冇下次。

我都係第一次打食評, 本來上開飯啦睇到hesheeat....但去到見到間好令既餐廳, 原來係新開既甜品鋪, 兩間都要等位...當然簡間吸引到我地同行既女仔嫁啦!!!! 一望pheromone dessert鋪面高貴, 甜品又令, 一於試下.....我地一班5個(4女1男), 叫左4個甜品, 分別有火陷雪山  士多啤梨熱香餅  baileys梳乎里  芒果一口酥  窩心一刻係咪好出奇有5樣呢... 個熱香餅係店長送既 (因為岩岩影完相多左比埋我地wo)先黎個芒果一口酥, 美女1 : 嘩, 冰火一樣感覺。我心諗..你一定玩過啦...哈哈芒果甜又好食, 外面暖又脆口, 入面超凍又甜...不一樣的感覺...(ps: 我係9龍城都食過一次一口酥, 不過好唔同...個皮香好多...凍熱相差大好多, 講唔出既好食...呢間一定會返轉頭食)士多啤梨熱香餅, 個樣都夠睇了... 食落重好特別...同M記好唔同餅夠蛋香....士多啤梨汁同楓糖加埋Cream...食出一種新感覺...樣樣味都食到...勁回味 ...ps: 係遲少少出既甜品黎...店長重話有好多特別野連下午茶出  本人十分期待!!!!!火陷

旺角是年青人的聚腳地，熱情、喧鬧、熱血…..感覺有點錯綜複雜。而旺角入夜後，又添了神秘感，充滿了未知。但是，走進黑布街和白布街，又是另一個截然不同的世界。近日，很喜歡在這街上流連，尋找與別不同的食店，感受不一樣的旺角。隨着黑布街逐漸為人認識，白布街也開始熱鬧起來，這一帶有不少咖啡店、甜品店、餐廳，給人不一樣的感覺。HeShEeat、元祖奶奶雞、拉麵來、Captian Tong、Next Station Dessert、Knockbox Coffee……而當中HeSheeat、拉麵來、Knockbox Coffee都令人驚喜。時值晚上，想找一間店，靜靜地處理一些事情，本屬意HeSheEat，這時卻發現Pheromone Dessert。淡藍的店面給人恬靜的感覺，新店的關係，也就是讓我獨佔的好時機。店以淡藍、淡粉紅、象牙白為主色，襯托歐風的水晶燈，很美，很舒適。坐在落地玻璃窗前，看着寧靜的街，難以想像這兒是旺角呢。看看餐牌，選擇不少，款款都十分精緻。有大熱的窩夫、吐司、慕絲綿花堡、芭菲、疏乎里、蛋糕、pancake、拿破崙、沙冰、奶昔......還有法式雪糕撈麵 ?總之就是有很多選擇，不怕

首先, 我要講返點解我會黎而間甜品店先話說前晚我係一名女友人facebook上睇到一張所謂芒果一口酥既相對於芒果一只酥而5個字,, 我相信好多喜歡食甜品既朋友都聽過由其一班喜歡去沙田某著名大排檔食晚飯既朋友因為而個芒果一口酥既出名度應該可以同該大排檔齊名第一, 而個芒果一個酥上過TBB既飲食節目第二, 相信有去過該排檔既朋友都知道根本一酥難求.如果你唔係7點前去到食飯前預留定先又或者一早打定電話去預訂根本無咩機會食到, 因為佢既售罊速度快到無人敢相信.所以對上兩個月我去過三次該大排檔. 我亦都只有一次食到但係竟然比我竟然係facebook睇到第二度都有得食.我心諗該甜品檔終於開分店喇. 終於唔駛同人搶喇我當然二話不說, 問我個女友人該分店既地址啦晚上, 一食完晚飯, 就叫老公車我同仔仔出去食啦去到. 可能係平日既關係. 客人都多, 不過都唔洗等. 一到就有位而間甜品店既甜品店既甜品類都多, 不過我地無叫其他.因為我今日既目的只有一個!!! 芒果一口酥!!於是, 我就叫左兩份.等左無耐就黎到. 睇落而份一口酥擺設得好靚用長長既甜品碟, 加上杏仁片做裝飾.所以我就拿拿聲影完相就急不及待開餐