Cambo ขุนทอง (The ONE)

營業中

休息中

The ONE呢間泰菜開咗超過十年，我都係第一次嚟幫襯原來真係幾好食服務又好，難怪平日都好full，建議預先book枱✨青咖喱軟殼蟹鍋 配法包而家做緊優惠價只需$118青咖喱以小火鍋上菜，炸軟殼蟹同法包另上青咖喱椰汁味香濃，辣度適中，裡面有茄子、豆角同翠玉瓜軟殼蟹炸得酥脆唔油膩，配菜仲有炸薯仔法包有足足半條，麵包鬆軟好啱蘸咖喱汁食✨菠蘿焗飯一上枱已經聞到好香蝦味，賣相好靚蝦已去殼好貼心薑黃飯底有新鮮菠蘿粒幾清新份量好大夠2-3人share✨泰式豬頸肉乾炒河豬頸肉口感爽脆醃得入味好香口，而且份量都唔少炒河粉有鑊氣得嚟唔會太油膩✨芒果糯米飯雙色糯米飯口感煙靭黏糯而且仲暖撈埋椰汁好好味芒果新鮮又夠甜

在The One商場内的餐廳都比較細間，有些老闆為咗做生意會加多幾張枱。當晚我哋被安排一張細圓枱，兩個人還可以，可能因為客人多，我身後的四個人也是細枱！我哋差不多背貼背豬頸肉爽口，燒得夠香，但冇香茅味。青咖喱味道正常，配料多；炸軟殼蟹雖然份量唔少，但食落一口油；最好食就係法包，熱辣辣，外脆內軟。因為青咖喱太大鍋，我哋再叫多一客法包打包回家吃！四款小食，以蝦春卷最好，蝦肉爽口，皮脆唔太油膩；炸蝦餅、魚餅、香葉包雞就普普通通。甜品一份兩個人食糯米飯的甜度啱啱好，芒果夠甜飯後甜品不可缺少

以往每年都至少過一次泰國做massage順便relax食下嘢，今年通返關仲未去住，心中念念不忘泰國美食... 上次喺呢間商場食完飯見到旁邊原來有另一間泰菜館，今次過嚟食個晏飯，餐廳幾位員工都客氣有禮貌Pad Thai with Soup (Cambo Set)泰式炒貴刁 連餐湯/凍檸茶> 貴刁即是河粉/粿條，加上雞蛋、芽菜、韭菜、雞肉等原料用酸甜醬汁去炒確實幾香，伴以3隻搶眼蝦球和花生，唧啲青檸汁令味道清新啲無咁膩Charcoal Grilled Grey Mullet in Thai Style泰式燒烏頭 > 製作需時約20～30分鐘，燒烏頭幾大條聞落幾香，見啲魚皮燒得較為黑炭色，夾開啲皮見到魚肉色澤仍算白，魚味清淡口感紮實、點醬汁食更好Mango Sticky Rice芒果糯米飯> 兩球糯米超好食：紫米有卜卜脆口感、白糯米煙韌Q彈有嚼勁，兩款糯米飯趁暖暖哋時食超有口感，配芒果和甜滑椰漿、yum!

今日難得平日放假同屋企人去尖沙咀The One搵嘢食。想搵一間坐得舒舒服服嘅餐廳。見到呢間泰國餐廳環境好好，而且好有風味，見到入面座位仲有落地玻璃，好開陽，就一於入去試吓。去骨海南雞飯，好有雞味，油飯好正。去親泰國餐廳，我哋都會嗌拼盤。呢個拼盤非常豐富，而且熱辣辣好吸引。配埋醬汁好好味。生菜包，份量都好多。肉碎帶少少辣，食到好開胃。椰汁綠豆冰，當你食到口腔辣辣地既時候，喝一啖，真係好舒暢！最後加埋個芒果糯米飯，椰香滿滿，芒果又多，糯米有好軟熟，簡直大滿足😍

以為可以解放一下，誰知道新增本地個案又重現。口罩除不了，唯有口罩常伴我臉兒。-晚上想去尖沙咀購物貯糧，便選擇The One。這裡餐廳種類多但今次目標是4樓的泰國菜。餐廳菜式多真令人心大心細。-是日本店推介有三款，我們點了其中二款：-HK$96青咖喱軟殼蟹～青咖哩先甜後辣，真的令人腎上腺上升。軟熟的法包蘸著青咖喱汁，令我停不了口。廚師細心地將軟殼蟹一件件切好，只要用筷子夾起再蘸著咖哩汁吃好方便又不用弄污雙手。青咖哩內有大量蔬菜，可做到均衡營養。-HK$106豬手豬脾煲～軟滑又Q彈的豬皮，充滿膠原蛋白。配搭微酸開胃的酸菜，沒有讓我失望。-HK$115泰式拼盤～4款小食每款3件，荷葉香氣撲鼻的荷葉包雞、外脆內彈牙的炸蝦春卷、煎至金黃色的炸魚餅及絕不油膩的炸蝦餅。-HK$55香芒糯米飯～新鮮又清甜的芒果加上充滿椰香的雙色糯米飯，令我置身泰國一樣的感覺😆。-HK$45椰青～用來解辣一流👍🏻如果椰青再大一點更好🤪

睇戲前先簡單食個晚飯，時間尚早，不用排隊等位，限時一個半小時。環境比九龍城的金寶好，雖然地方不大，但樓底高，還有個大大的落地玻璃，感覺開揚。餐牌選擇都頗多，價錢方面，在這個商場中算是親民吧。點了個高級版生菜包，除了豬肉碎，還多了蟹肉，所以在微辣的泰式肉碎中多了一份鮮甜味，這裡的生菜包除了有新鮮生菜，還附上幾片青瓜，原來青瓜配肉碎都不錯啊。之後有個泰式炒飯，份量足夠兩人食，賣相似冬蔭功炒飯，有著肉碎，青豆，紅椒一齊炒，口感不錯，沒有冬蔭功炒飯般辣，重點炒得不油不咸。另外點了個比較少食的蒜蓉炒椰菜苗，很嫩身。最後當然要甜個芒果糯米飯作甜品，白糯米及黑糯米煮得軟糯，沾滿椰汁，配上甜甜的芒果，很滿足。

見咁多好評終於黎試下係唔錯既泰國菜 價錢中等😋我地唔係咁肚餓 兩個人叫左一份三串豬牛雞串燒 一份軟殼蟹咖哩 同一份芒果糯米飯串燒好一般 五十幾蚊三串個汁唔錯既但燒得好燶 d肉有小小un😣不推薦🙈🙈呢個軟殼蟹咖哩係鍋黎既下面有個火爐熱住!!!冬天食真係暖笠笠啊😚😚咖哩個汁好好食 軟殼蟹都還好加埋佢有一條法包 性價比幾高👍👍👍食完都飽飽地食泰國野唔小得既緊係芒果糯米飯😋芒果幾甜 好食有白糯米同紫糯米😚椰漿對我嚟講甜左小小但整體唔錯的😛

今日去The One 睇戲，時間尚早，又有點肚餓，一於喺商場搵啲嘢食醫下肚啦。响4樓見到Cambo依間泰國餐廳，諗落又好似好耐無食泰國菜喇🤔。諗住唔好食太飽，一陣可以買個爆谷食住睇戲，點知食完都好飽添😅😅。生菜包（豬肉）：食泰國嘢當然要叫返個生菜包啦。Cambo有兩個選擇：豬肉/ 蟹肉+豬肉。我就揀返最傳統嘅豬肉喇。味道好好，肉好juice，微微嘅辣味，再夾埋清新脆口嘅青瓜同豆角，好食😋😋。冬陰大蝦湯粉：成個粉最重要就係個湯。Cambo嘅冬陰公湯底好好，辣得嚟有甜味同香茅味，唔係出面某啲泰國餐廳咁淨係一味得個辣字。湯底咁好味，自然令成個粉都好好味道。👍🏻👍🏻泰式青咖哩軟殼蟹鍋：青咖哩鍋底有d瓜同茄子，軟殼蟹又跟埋煎香咗嘅薯仔，再跟埋法包，原來本身都好夠食。我就衰為食，諗住叫得咖喱，叫埋個印式薄餅啦，就咁就叫多咗喇😔😔。雖然叫多咗，但個泰式青咖哩軟殼蟹鍋同印式薄餅好好食。一路食，一路拎住法包同薄餅點住甜甜嘅青咖喱，實在太好食嘅關係，唔覺唔覺就食哂成鍋添🤣🤣。芒果糯米飯：最後又叫咗個食泰國菜必點甜品。同個泰式青咖哩軟殼蟹鍋一樣，雖然都食得好飽，但又抗拒唔住芒果糯米飯嘅引誘。糯米飯都有分兩色

今日中午過尖沙咀食飯。朋友想食泰菜，我就提議黎呢間The One 入面既Cambo。呢度菜式真係平靚正。<泰式炒粉>（$69）用甜甜啲既醬炒，落啲青檸，夠曬有泰式風味，最貼近我最鍾意既Pad Thai！<蒜蓉炒椰菜苗>（$66）椰菜苗比較少食就黎食下。同椰菜一樣幾有咬口。有四款炒法，我地揀左蒜蓉炒，好香！<海南雞飯>（$68）雞有四件左右，全部都超嫩滑，配埋個粒粒份明既油飯，正！<串燒三條>（$56）豬、牛、雞各一條。上面用左啲甜甜地既醬燒，旁邊陪一啲唔辣既沙爹醬。份量幾大，滿足！<芒果糯米飯>（$55）呢個芒果糯米飯份量性價比係我近期食過最高既。芒果有好多片，夠鮮甜，糯米飯仲有白糯米同紫糯米兩款，加左椰漿不得了！呢度性價比好高，有幾款套餐$60-80包餐湯同飲品，而且冷熱同價，抵食！

朋友喺美國住得太耐難得返香港一次，但佢竟然話想食泰國菜🤨好啦咁就搵間裝修靚嘅坐得舒服嘅泰式餐廳聚一聚啦。我之前食過一次，印象就一般般，但就勝在地點方便，而且坐得舒服。餓底點菜，當然就兩個人嗌咗三人份量。啲蝦夠爽口，調味足夠，夠晒辣，過足癮👍🏻就咁睇以為得7隻，原來中間仲堆埋左兩三隻👍🏻👍🏻生菜包就一般，而且份量唔算多。椰菜苗，味道夠而且算新鮮，但有啲硬。見佢哋推介個青咖喱軟殼蟹煲$98就試吓啦。一上枱就已經聞到都好香嘅咖喱味😋😋軟殼蟹同啲薯仔炸到好香，外皮夠脆口，就咁食都已經好好味，當然可以點青咖喱食啦，好夾好正。跟埋個法麵用黎點咖喱汁食一流😋好罪惡😈好想叫碗白飯撈晒啲咖喱食😂追加左個芒果糯米飯做甜品，芒果唔酸好甜，而且糯米好香，又軟又煙韌，好味👍🏻👍🏻👥服務方便：唔錯，好樂意幫我地影合照，而且可以慢慢傾計唔會俾人催埋單👍🏻朋友食得開心之餘，我都食得好滿足。因為其實我係一個泰國迷，雖然係餐廳食冇泰國街頭咁有風味，但都可以頂一頂癮先👍🏻👍🏻

Cambo 位於the one 4樓， 餐廳樓底高， 裝修設計也很精緻 ，坐得舒服。海南雞飯海南雞皮爽肉滑， 雞肉已經去骨, 雞肉嫩滑有彈性 。 雖然油飯份量唔算好多 ， 但油飯選用尖長泰國米，香茅味重而且帶光澤， 泰式醬 酸甜辣恰到好處，帶點薑香非常醒胃，濃黑豉油 味道濃 ，配上 新鮮嘅香油雞飯， 非常好味。泰式拼盤香葉包雞， 雞肉肉質嫩滑之餘，有班蘭葉獨特的清香味， 配上泰式 辣醬以及魚露醬 ， 味道更上一層樓。鳳尾蝦春捲一條春捲包著一隻蝦，原隻中蝦，蝦味十足， 熱辣辣又脆卜卜。泰式炸蝦餅炸蝦餅爽口彈牙， 能吃到粒粒蝦肉之餘，帶點不均勻的蝦肉，吃起來更添咬感。泰式炸魚餅泰 式魚餅！味道帶點微辣，帶着泰國料理一貫的檸檬葉味道，實在讓人吃不停。泰式豬頸肉炒河豬頸肉炒河，除了有豬頸肉以外，還有其他蔬菜如椰菜蘿蔔等等， 炒得非常惹味， 而且油份也沒有想像中的多。芒果糯米飯糯米飯有兩球，有紫糯米和白糯米， 椰漿暖暖甜甜，米飯軟硬間的拿捏十分適當，芒果甜中帶一點酸味， 非常適合做飯後甜品。

上星期五晚，行The one 時，發覺Cambo 門口好多人排隊，心想下星期平日，搵日準時收工過來開飯。 今日約了舊同學到Cambo 吃晚飯，先到先拿位。晚上6點50 分到，唔係7點幾就好多人排隊。環境不錯，坐得好舒服，朋友聚會好地方。青咖喱軟殻蟹配法包，依家做緊推廣價HKD 93 , 好抵食🤗青咖喱有香甜椰汁味及 味道濃烈，配菜都算多，炸軟殻蟹，炸得好脆，唔油膩，yummy。熱辣辣法包點青咖喱汁，一流，好味呀。青咖喱汁送飯吃，掂呀。泰式炒粉：蝦爽脆，炒蛋滑，粉好入味 ，酸甜味適中，good 😋大蝦菠蘿焗飯： 菠蘿新鮮好甜，蝦爽脆，飯好入味，飯軟硬適中，炒飯炒得好靚，粒粒黃金色，美味芒果糯米飯： 芒果香甜，糯米軟綿，配上棷汁，不錯呀！這餐晚飯好滿足呀唔怪之得，咁多人排隊😄 。下次再早收工，過來吃其他推介美食先得。

朋友係The One附近番工，間中都會去The One食飯，今日揀左食泰國野。呢間泰菜星期六、日都見有唔少人等位，所以事前訂左枱。一到步就立刻安排我地入坐，係窗邊的位置，可以望到街景。因爲天氣凍，所以都叫多一啲辣既餸，有活蝦刺生、生菜包、泰式炒通菜、冬蔭公、明爐烏頭同大蜆鍋。先黎冷盤，活蝦刺生～蝦肉好結實，有蒜香同酸酸辣辣，而且辣味剛剛好。之後係每次泰菜必點既，泰式炒通菜～因為比較喜歡食濃味既炒菜，所以點左泰式，另外有三種炒法，蒜蓉炒、咸魚炒同清炒，唔食得辣同小朋友都可以多幾個選擇。另外生菜豬肉包～豬肉粒粒分明，唔柴，除左有生菜，仲可以伴青瓜同豆角。冬蔭公～有唔少大頭蝦同蕃茄，跟明爐上，食晒前菜都仲熱辣辣。之後係明爐大蜆鍋～果然好大隻，加上香茅、芹菜、仲有粉絲，份量十足。最後，明爐烏頭鍋～冬天食非常暖胃，啖啖魚肉，再加上辣汁，唔會覺得濟。另外，呢度有不同泰式甜品，忍唔住叫左一碟芒果糯米飯。有紫糯米同糯米，兩個人食剛剛好。除左食物，呢度既員工服務不錯，外籍員工非常熱情。

睇完戲，諗食乜，食泰菜啦，因為想食椰青飯，又想食芒果糯米飯等左一陣就有位，食飯時間，坐低後，門口已經出現人龍在等位，好彩啫，哈！兩個人點左椰青飯、鹹魚炒通菜、青咖喱牛腩煲配法包。當然少不了飯後甜品椰青海鮮焗飯，一上枱就充滿椰子味，椰醬滿瀉，飯內有蝦、栗米、青豆、提子，味道偏甜鹹魚炒通菜，鹹魚味尚算濃郁青咖喱牛腩煲配法包，微辣，牛腩炆得夠淋，仲有泰式位茄子，將脆脆的法包沾上青咖哩汁，甜甜辣辣芒果糯米飯，大概有半個芒果份量，配上一球白糯米飯及一球紫糯米飯，芒果清香及甜，配上沾滿椰漿的糯米飯，正

今日和友人嚟到the one吃泰菜，cambo同一般泰菜館有點不同，感覺幾modern。門口亦有一般泰菜館的的佛像，店入面嘅裝修較新穎，亦比較一般泰館乾淨，近窗口仲有落地玻璃。Menu選擇亦很多。泰式青咖喱軟殼蟹鍋 $85呢個菜式係本店推介，比正價便宜一點，鍋下邊有火燒住，一面食都仲保持熱辣辣，另外配有法包，法包沾上青咖喱後都幾入味，青咖喱味道又甜又辣，入面仲有茄子同翠玉瓜，如果唔係飽左，仲想叫多碟薄餅黎點咖喱。而軟殼蟹炸得脆卜卜，還是法包配咖喱較好吃。活蝦刺身 $93生蝦唔算好大隻，平時每隻生蝦只放有一粒蒜頭，呢度上面灑滿大量蒜蓉同辣椒，望落已經非常惹味，生蝦入口好爽口，吃之前記得沾上底部的青檸辣汁，吃後令人回味無窮。泰式炒通菜 $56份量較少，通菜呈鮮綠色，比較幼身，炒出嚟好香，辣度都偏辣，但唔會炒到好油，而通菜入口好爽口，但感覺較咸，配飯食會比較好。去骨海南雞飯 $62海南雞飯金黃色，是黃油飯，海南雞無骨，雞肉嫩滑，原來俾咗脾位我地，附送嘅湯亦好清甜。泰式燒烏頭 $158燒魚要等大概30分鐘，條魚都幾大條，切開外層燒到脆卜卜嘅皮，就見到好肥美嘅魚肉，食落去魚肉好香滑，點埋配上嘅辣