輕時光

營業中

休息中

每逢去天后，都會光顧依間主打水果乳酪飲品既小店。店內擺滿多款水果，更有不少植物裝飾，配合其天然健康既形象。全店飲品均以新鮮水果製作，健康又好飲，賣相仲好靚tim～除了水果乳酪系列，店內仲有售賣水果茶系列及水果乾，平時係屋企或公司都可以自己沖黎飲。給予忙碌既你一點喘息空間～Take your time，店內總有一杯啱你既飲品💕❀ 芒果紅火龍優格果昔必飲漸層yogurt smoothie，顏色鮮艷奪目，好啱打卡～飲品由新鮮水果、牛奶及乳酪調製，味道天然，亦無添加色素。飲落有芒果及紅火龍既香甜味，因為係鮮榨，仲會食到粒粒果肉，整體芒果味較突出。乳酪味道濃郁，質感綿滑又唔會太稠，所以唔洗驚會好膩。酸甜既乳酪配上水果既香甜，味道超級夾～❀ 超級水果茶 (配桂花烏龍)大大杯又好足料既水果茶～茶底可以選擇桂花烏龍或茉莉綠茶，今次就揀了桂花烏龍。水果味濃郁又唔會蓋住清新既茶，兩者味道平衡得好好。杯內有多款水果，包括：蘋果、橙、紅火龍果、熱情果、菠蘿及士多啤梨，飲時咬住粒粒熱情果籽，配上陣陣茶香，酸甜清香又解渴，好啱夏天飲～

近期香港開左勁多台式飲品店，珍奶開到區區都有😂，甚至同一條街都開左幾間😅，飲到有啲悶悶地🙈就想試下新野☺️依間開喺天后嘅新派健康飲品就岩晒啦🥰今次試左依個芒果紅火龍優格果昔望落已經好吸引，好想即刻飲一啖🤤🤤飲落好滑口，味道酸酸甜甜，好清新嘅感覺☺️，而且飲完一整杯之後都吾會覺得膩，最重要係，飲完之後，完全吾會有罪惡感😇，好想一飲再飲，下一次一定要再試埋其他飲品，希望可以再次帶來驚喜👍🥳

早前與同事係天后上完堂後, 便係附近食晚飯, 行去食飯時, 經過一間買飲品的店舖, 個店名叫Take Your Time, 而且佈置幾靚, 便入去睇下. 飲品的款式也有不少. 最後我選了雜莓優格蓋茶. 而同事選了芒果紅火龍優格果昔 . 飲品的顏色相當吸引, 又夠精緻. 雜莓優格蓋茶. 市面上有好多奶蓋的飲品店出現, 而這間有所不同, 佢地係用yogurt, 而不是奶蓋, 相對健康. 第一時間先飲yogurt, 幾滑身, 我自己最鍾意飲這一層. 入口時感覺清新, 又唔會覺得甜, 味道偏向清淡, 但飲完唔會覺得口乾, 仲有淡淡的雜莓味道. 芒果紅火龍優格果昔 . 我也試了一啖, 我甚少同時間飲芒果和紅火龍, 幾特別. 又唔會太甜. 這個相對奶味重一點. 兩杯也不錯, 而且飲得健康.

話說我放工經過炮台山，見到新開左間飲品店就入去試下！出奇地啲水果特飲幾清新，同連鎖既台式飲料完全唔同我買既係芒果+近期好hit 既紅火龍果+乳酪既特飲，飲落唔太甜，加上水果新鮮，比到我一種健康同去油(?!)既感覺，幾適合我呢啲平時冇時間食水果既人。鋪頭裝修幾靚，清清地靜靜地，同鋪頭名take your time 既感覺一樣。兩種水果同乳酪溝出黎既顏色好sharp 好靚，我即刻就係佢地鋪入面影左相同打卡。老闆娘話所有產品都係佢慢慢研發，堅持自己店賣既飲品同出面既飲品店唔同。我飲過又真係同出面唔同，呢個買點吸引到我再次幫襯，同返黎寫評語介紹！