一糖 (屏山)

營業中

休息中

新開張個陣見到網上有人介紹就過黎試下，覺得甜品種類太少。隔咗年幾再黎睇下，發現多咗好多甜品，總有一款啱你心水！我地4個人叫咗焦糖Oreo窩夫、草莓芭菲、香蕉紅豆朱古力奶凍、芒果腸粉。本身以為Oreo窩夫會好似普通甜品鋪咁淨係灑啲Oreo粉同埋放塊Oreo餅，點知原來塊窩夫中間係夾咗好多Oreo碎，好有驚喜！而且窩夫外面脆得黎入面又有鬆軟，值得一試。反而草莓芭菲冇想像中咁好食，因為冇咩關於草莓嘅原素，同埋太多cream搞到好膩，不過個賣相幾靚。朱古力奶凍好滑好有奶味，同香蕉紅豆一齊都好夾。芒果腸粉嘅腸粉皮好厚，入面嘅芒果都冇走雞，每一條都有足夠嘅芒果。

我之前聽見天水圍，就會覺得很遠。自從上次去過錦上路，先知到原來由紅磡去天水圍，都只不過係約35分鐘，比起以前要坐成個鐘頭，快了很多，所以友人推介我的時候，我就安排今天下午到訪。這裡好近九鐡天水圍站D出口，行過幾間邨屋，就看見一個很大的停車場，而一糖就位於其中，屋外仲有一幅很多的壁畫，是用人手畫上去的。芒果腸粉45元，腸粉真的好爽好滑，夾埋芒果就仲正，這個腸粉在其他地方吃過，可惜都做得唔好味，估唔到在這𥚃找到，我推介這個👍👍👍白桃活乳酸梳打32元，白桃汁、乳酸、梳打水，分開三款上枱，自己調教味道，有得玩有得飲，三樣加埋真係好正。楊枝甘露沙冰42元，開始時以為沙冰為主，點知有濃郁芒果汁，仲有好多沙田柚肉，又有好多西米，我很喜歡楊枝甘露，不過外面很多地方都令我失望，今天竟然在天水圍遇上了真材實料的它，下次想吃，怕且要再來了。疏乎厘紫薯49元，面頭的蛋白焗得很脆，內裡的紫薯則好香甜，如果再想層次豐富，就再加朱古力，不過我覺得將蛋白加紫薯，已經好好味。鷄翼尖20元，份量好多，起碼有廿隻以上，味道剛剛好，連唔食雞翼尖的老公，都吃了七、八隻，証明真的不錯。魚肉燒賣7元5粒，和市區的味道差不多，不過質

今晚嘅晚餐麻麻，而且唔覺有食過嘢，所以好想食糖水甜品，好掛住幾個月前食過嘅黑芝麻心太軟。。所以揸車專登去食啦！一坐低餐牌都唔洗睇我已經先落單啦！兩個朋友叫了原桶即撞香滑豆腐花，芒果腸粉，雞翅尖。。。 等了又等。。。朋友都食哂我個心太軟都未嚟。。。終於店員行過嚟話之前焗失敗咗，要再等多陣，之後我聽到話已經失敗咗三個，店員又再走過嚟問我再等定取消，等咁耐唯有取消啦！比完錢上返車，朋友都話他們嘅糖水唔好，雞翅尖又唔掂，太失敗喇！我都好失望呀！

剛開張的時候也來幫襯過幾次，到現在見有新menu，甜品款式比之前更多，更有我喜歡的紫薯系列，所以跟男友吃完晚飯過來試試新口味！位置方便，天水圍輕鐵站一下來，向村屋方向沿路行5分鐘就到。揸車的話仲可以泊在一糖對出車位！周三晚上9點多，人不算多，直接入座不用等位。天氣熱既關係，我們先點了兩杯飲品，蜂蜜白桃梳打 及 蜂蜜荔枝梳打(HK$32)。原來由梳打水、蜂蜜、白桃/荔枝糖漿是分開上，由自己沖調，這樣也好，較容易控制甜度，不夠蜂蜜的話可以再refill。荔枝的味道濃、較為突出，而白桃則較清淡，香甜荔枝/白桃蜂蜜梳打都很消暑解渴，一口氣就啜了三分一杯！男友點了焦糖燉蛋（HK$28)，面層焦糖夠厚夠脆，內層微暖、不會太稀軟或過於實淨，口感非常creamy，甜度適中，確實有驚喜，男友說比Paul Lafayet 好吃！而我最近愛上了紫薯，所以我點了紫薯棉花糖(HK$32)。整個粉紫色配白色，賣相已覺吸引，面層是棉花糖，底層是紫薯蓉，紫薯蓉本身甜度不高，配上棉花糖吃就剛好，想甜一點可加朱古力醬。但紫薯蓉可以淋一點、糊一點會更好。剛剛點的甜品份量不大，肚子還有位置多吃一個甜品，於是就點了芒果腸粉(H

朋友得知這間隱世的甜品店，價錢不貴，甜品的水準又高，便決定來這裏一嚐。從天水圍西鐵站E2出口，走出了輕鐵站，便能看見對面馬路，插著一糖的紅色旗幟。沿著旗幟方向走，大約步行三十多步便能到達。店舖外面有很大的停車場，食客要是駕車到這裡也方便。店鋪的牆身畫滿塗鴉，好奇心之下走過去看，金魚畫得十分立體有神， 這幅塗鴉必定所花了不少時間和心機。門外有很多座位，不過天氣炎熱，我們選擇了坐在店鋪入面。店內冷氣十分足夠，更佈滿芳香的芒果味。 前幾天是芒種， 亦即吃芒果的季節， 就更加難以抗拒不吃芒果類的甜品。芒果河粉 ($40) 的份量很大碗。芒果汁十分濃郁香甜，是用新鮮芒果榨成的。當中亦有很多芒果肉， 十分香甜，很重芒果味，能吃得出很新鮮。河粉闊又長，條條分明，不會黏在一起。很重海底椰味，但不是椰絲那種甜， 而是椰子肉的椰香清爽味，很解暑。河粉口感彈牙，整個像在吃新鮮的椰子肉。 芒果腸粉 ($45)的食材基金會上與芒果河粉一樣。可是比起芒果河粉，我更加喜歡這個芒果腸粉。它的芒果量特多，芒果肉身很厚，很大片。吃這個甜品時，就好把像整個大芒果吃進肚一樣！ 而芒果的味道實在是太新鮮了， 很清甜濃郁，肉質不