Med Chef (已結業)

近日終於等到限聚同食肆放寬用餐堂食時間喇~今日就趁得閒d黎呢間餐廳試下~事關佢地既特別之處係會將CBD加左菜式度, 可能大家唔知咩係CBD，CBD 其實就係大麻二酚 , 係大麻植物 提取嘅一種活性成分 , 同大麻毒藥好唔同既 , 係唔會令人上癮 😌, 可以緩解肌肉疼痛同減少焦慮 , 達至神經 紓緩既效果 , 改善睡眠質素等等~ , 甚至可能會有效對抗痘痘嫁 , 同埋佢喺香港係合法的同埋提提大家餐廳所有食品都加入咗CBD , 如果大家唔想試嘅記得落單嘅時候，落單係自助手機落單，tick返不添加CBD就得架啦~食物質素都唔錯，星期一至四仲全日15% Off。叫左5樣嘢食，其中芒果莎莎吉列虎蝦墨西哥薄餅幾推介，D醬酸酸甜甜，有埋沙律菜，幾開胃，虎蝦炸得幾脆～吞拿魚黑水欖尼斯沙律份量都足，表面鋪滿吞拿魚。大麻二酚小食拼盤，有炸蝦，炸洋蔥，同雞翼，炸蝦唔錯，keep到蝦味，都彈牙，沒有醃製味。另外，叫完甜奶法式多士，先知道都有雪糕球😆法式多士係韌韌地嘅口感，鍾意有咬口嘅可以試下。

加入大麻二酚Cannabidiol (CBD) 的食物早已在外國興起，而近年這股風潮亦終於登陸香港，位於尖沙咀的Med Chef作為香港首間以CBD為主題的多國菜餐廳，廚師會在食物烹調過程中加入CBD成分。餐廳裝修頗有格調，配合帶點迷幻的燈光效果，氣氛悠閒。餐牌主打以CBD入饌的多國菜式，有主食、輕食、甜品及飲品，掃描QR code後就可用手機點菜，不用Download App，方便快捷。CBD是從大麻中抽取的一種主要成份，身體在服用CBD後會輕微放鬆，壓力得以暫時紓緩，不含令人興奮或上癮的物質，不含有受管制四氫大麻酚為之安全且合法。所有食品加入份量經過調校、含有CBD成份的煮食油，具藥用成效，例如鎮靜、 舒緩焦慮抑鬱情緒、幫助睡眠等，但不會聞到任何大麻味，也不會影響原本食物的味道，如不需要加入CBD，可以於下單時注明。香烤海鮮白醬啤酒薯角 $98表面舖滿澎湃焦香芝士，令薯角變得更芝味，而且一盤份量超大，足夠二至三人share。半溶芝士可以造出拉絲效果，內裡混合了不少彈牙的八爪魚切粒，薯角炸得金黃鬆脆，肉心軟綿細密得似薯蓉。芒果莎莎吉列虎蝦墨西哥薄餅 $98墨西哥薄餅餅皮烤得微焦，伴以

餐廳整體環境比較昏暗 播住一啲流行音樂坐低咗之後嘅感覺都係比較放鬆好似去咗啲靜靜地嘅酒吧咁我地兩個人食午餐先食咗個虎蝦墨西哥薄餅比平時嘅tacos大塊一倍有多中間夾住原條吉烈虎蝦 一啖咬落去 超級滿足啲汁令佢唔會好膩 幾啱做頭盤 開個胃之後上咗威靈三文魚同埋羊架配沙律三文魚嘅酥皮焗得好 切落去嘅聲音好清脆魚肉好軟林 同酥皮一齊食非常有層次羊架配蘋果肉桂藜麥沙津係呢間餐廳裏面我最鍾意嘅菜式羊架烤得啱啱好 上碟熱辣辣 超香完全忍唔到手 幾分鐘已經轟晒落肚最畫龍點睛嘅係個沙津蘋果肉桂本身已經係一個黃金組合加埋yogurt番石榴做成沙律食出前所未有嘅感覺雖然羊架本身有調味但我推介沾着沙津咁食 都非常正最後食咗個西班牙油炸鬼甜品作結油炸鬼做得正常 雪糕都唔太特別下次會試第二個甜品一定會再去食 期待食完覺得個人真係好似放鬆咗 佢有個area係賣返CBD PRODUCTS 下次考慮吓買唔買嚟試吓

近排又喺尖沙咀呢頭返工，聽同事講附近有間食CBD嘅餐廳環境唔錯，就趁今日早收工一齊去會一會佢。去前之上網查過，CBD即係大麻二酚(Cannabidiol)屬於大麻經提煉後嘅副產品。係一種無成癮性的植物天然成分，對於改善睡眠質素同埋減低身體炎症都非常有效。見佢講到咁吸引就試一試個效果係點。呢度採用QR CODE形式落單，點餐時可以揀唔要CBD，但一場黎到梗係點到食下啦。帶子蟹肉牛油果他他配薑油黑醋汁：作為前菜份量都幾多，牛油果唔會打到全爛仲有粒粒果肉口感。入面伴咗帶子粒同蟹肉碎令到味道更豐富，些許嘅薑油味僻腥之餘又提香。三文魚子為整個醬帶出咸香味，配上法包片食口感同味道都十分討好。芒果莎莎吉列虎蝦墨西哥薄餅：虎蝦炸得啱啱好食落彈牙，莎莎醬酸甜可以低油炸嘅感覺，但芒果味唔出。而墨西哥餅較軟身，可以一次過將虎蝦，沙律菜同醬汁包住再送入口，食落夠滿足。日式芥末忌廉香煎廣島蠔闊條麵：初初入口唔會覺好重芥末味但後勁會一下子沖返上黎。廣島蠔煎得表面香口內裡仲飽滿新鮮。而闊條麵煮得較為軟身可以容易嘅掛汁，雖然芥末忌廉汁較為杰身，但味道清爽食落唔覺油膩。幾好食。手打流心菲達芝士撻：最後嘅甜品等到食完先上

星期日同老公仔去尖沙咀行街街，見肚餓，便黎左尼間餐廳食入門口時，見餐廳環境整潔，合我心意，加上有紫色點綴設計，令我覺得好浪漫呀！😍點餐係自己掃QR code ,非常方便，跟住落嚟係睇餐牌，原來這間餐廳係標榜CBD入饌，哈哈！原來係近期hit 既美食🥰前菜我哋點左個開胃菜-芒果莎莎吉列虎蝦墨西歌簿餅👍🏻味道酸酸甜甜，吉列虎蝦夠大隻，蝦肉爽口,配上淡淡孜然味，非常喜愛主菜方面，我揀咗日式芥末忌廉香煎廣島蠔闊條麵，廣島蠔煎得香口，入口嫩滑和juicy ，忌廉汁香滑掛在麵條上，可口老公就揀咗蕯他羊架配楓香乳酪醬伴蘋果肉桂藜麥沙律，羊架外脆內軟，香味滿谥，肉質粉紅色，lovely ，哈哈😄我也忍不住吃了一口當然，甜品係午餐的結局篇，不能放過，這款西班牙油炸鬼炸得又香脆又熱烘烘，加埋凍凍雪糕一齊食，配上蕉糖食，口感層次分明

這間以大麻二酚CBD加入食物為主題的餐廳，但是是可以選擇不加入CBD的，因為對這方面不熟悉，所以下單所有食品飲品都不加入CBD。以QR code下單叫食物，然後就耐心等待食物送上。熱帶雨林，有些橙味，菠蘿味為主的梳打水，味道酸甜適中。士多啤梨乳酪沙冰，充滿士多啤梨味，沙冰打得幼滑，偏甜。芒果莎莎吉列虎蝦墨西哥餅，醬汁配上吉列蝦，味道很夾，不油膩，蝦肉爽。威靈頓三文魚配秘魯黃椒醬，烤焗的餅皮酥脆，也不會弄濕餅皮，三文魚味道鮮美，黃椒醬很夾，絕對是水準之作。120日熟成頂級草飼封門柳，肉味香濃有肉汁，連配菜都全吃光，只嫌份量少。最後多點了個甜品，流心菲達芝士撻，剛焗好上檯，非常熱辣辣，流心餡軟滑香濃。餐廳環境氣氛好舒適，食物方面做得出色，值得大家一試，只是絕大部份食品份量少。