Hero's Friday (已結業)

之前上網睇片見有人介紹荔枝角有間Burger店唔錯，我就一直Bookmark住，加上Like咗佢哋社交平台Page參加咗個活動贏得優惠卷🤣，依日夾啱上午放假，於是就專登去一轉香工買埋午餐先返工🙈。哇哇哇，我中午時份好少去荔枝角，無諗過四周圍都多人到一個點...！依間Hero’s Friday更加係誇張，成條街都企滿等緊嘅人，我一點鐘左右落單，足足等咗半個鐘、30個籌，食物先Ready，仲要我打後嘅人係無減少到的👏。收銀處會望到廚房入面好似有個迷你工場咁，幾個人員好忙咁不停砌麵包，有啲似煮嘢食Game咁🕹。我呢日同同事試嘅係<$88 My Mom My Hero 套餐>，親子套餐包括：芝士漢堡、豬柳蛋班堡、粗薯條、薯角、雞柳條同兩罐飲品。二人份量夠有突😋！首先，我對佢嘅豬柳蛋班堡(套餐價值$48)興趣甚大，因為我喺香港無見過以班戟🥞代替麵包做嘅漢堡包！豬柳蛋班堡造型吸引，幾挺身，班戟夠厚，口感唔會太Fluffy，不是甜嗰種。其實整體係幾夾(但同我幻想中唔同)，不過留意番，班堡比起正常漢堡嘅飽肚感更高，我食咗半個已經飽咗😂。另外，依個豬柳蛋班堡抵讚嘅地方係隻炒蛋好濕潤、好滑

今日行過荔枝角，去批發市場行下，睇下有咩平靚正衫買。咁岩肚餓，就見到間漢堡店。行埋去，舖仔細細只做外賣。就叫左個芝士漢堡餐，佢薯條係粗款，如果不喜歡可以免費轉粟米。但我勁喜歡，仲要勁好味個薯條。漢堡都好多肉汁。好味！