熨烤達人 (已結業)

每枱入座後都會免費送上3款配菜(泡菜，豆芽，醃蘿蔔)，以及爐邊蛋+芝士粟米，生菜，食完可以refill。服務非常好，除左會幫手燒，仲會教你點燒，好有耐性，自己又可以試下燒。叫左芝士炸雞($138)，自暴自棄速食麵($78)，磚頭五花肉($138)，牛排肉($88)。店員果然冇推介錯，炸雞非常吸引。除左有芝士，仲會落乳酪。先拎走個烤板，煮個pan。炸雞有8大件，外皮包滿粟米片，芝士熔左之後，就可以卷住個雞食。芝士多到好邪惡，但食完唔會覺得炸到好熱氣，亦唔膩。要趁熱食。用熨斗烤肉都係第1次，搞新意思，亦可以令d肉更受熱。侍應先用熨斗壓住五花肉烤，再厚切燒，然後切件。件件都燒到金黃色，瘦肉厚厚一層，夾住少少肥肉，一流。望落塊肉好似好少，但切完一件件，食食下就飽飽地，而且剛剛好d肉圍住個爐邊鋪得完。用生菜夾住好似冇咁邪惡，亦有fresh咁感覺。牛排肉有6件，要轉另1個鐵網燒，d肉汁多到流出黎，而且燒完唔會韌，仲"林""林"地，過下口癮。自暴自棄速食麵配有八爪魚形狀既香腸，煎蛋，加入芝士，肉粒攪拌麵條。就咁望，睇唔出落左芝士，但食落口好重芝士味，而且拉絲，微辣開胃。不過，如果同餐牌上既賣相一樣，

慶祝父親節唔一定要食中菜嘅，同爸爸食韓國嘢都得！今晚我哋就嚟咗熨烤達人開餐！原來熨烤真係用熨斗㗎食韓燒當然唔少得要食爐邊蛋呢度嘅爐邊蛋係可以免費添嘅！仲有芝士同粟米俾你自己加落去呢舊磚頭五花肉真係必點！佢一上台，我哋都俾佢個size嚇親！堅係大件！喺度諗緊點燒嘅時候，侍應已經好主動來幫我地手搞掂佢首先要用個熨斗壓住佢，等佢啲熱力可以均勻啲咁燒，而且會快啲熟！隔咗一陣，侍應就會過嚟將舊肉切開一件件。之後再用熨斗壓住黎燒，燒到外皮有少少脆。然後再切開細細件，放喺爐邊再燒多陣就食得五花肉肥瘦均勻，口感一流，點小小辣醬就更加惹味好食到停唔到口！除咗呢個招牌五花肉，我哋仲叫咗特級雪花牛。侍應會換個網先燒牛肉。牛味都幾濃，如果有碗飯就一流跟住我哋仲有一份芝士炸雞一份八件，分量十足！放喺爐上邊燒左一陣之後，啲芝士溶晒，味道好香～侍應會來幫你將啲拉絲芝士捲着啲炸雞，超級邪惡，但真係好好味！雞肉炸完都好滑，配埋芝士同蕃茄粒，口感味道都好正依家Like Facebook 仲會送飲品！夜啲食仲有折！下次可以叫埋班貓頭鷹老友黎開餐