金飯館貳·零 肉餅·焗飯專門店

營業中

休息中

金飯館既炒飯好多人推，最近係旺角都開左分店🔥旺角既分店就係主打肉餅同埋焗飯，晚餐時間黎到，keep住都好多人黎食～去到八點九點仲keep住有人入，仲有見到佢地好多外買單。食完之後就明點解咁多人食了～同傳統茶記唔同，多左啲創新元素，同埋用料好，價錢有唔算好貴～值得推薦👍 1️⃣芝士焗肉醬配蘭王蛋飯（$72）焗飯面頭橙紅色蘭王蛋真係好吸睛😍芝士肉醬係簡單既配搭，但係配上蘭王蛋成件事即刻grand左。炒飯底都好好食～  2⃣️蝦頭油炒飯（$83） 炒飯好大碟！炒得乾身唔油、粒粒分明～配料仲有蝦、蠔、帶子，係可以食下食下食曬成碟既炒飯🤭  3⃣️蔥油肉餅飯（$56） 肉餅絕對係黎到必點既item！佢地有好多款唔同既創新配搭，我就揀左基本既蔥油肉餅，一樣配有靚靚蘭王蛋😄肉餅好厚，但係煎到出黎唔會覺得乾身😳食落係有肉汁既，蔥油好香，撈飯一流。佢地既肉餅飯既飯同炒飯用既飯係唔同既，肉餅飯配既係珍珠米，食落更加濕潤，配埋蛋汁真係好正！檯面仲有秘制醬油同埋豬油，食左啲之後，再每樣加啲食，香味更加突出！  

肉餅飯是普通家常菜，但想好食的話都幾考功夫。今日在旺角一間餐廳食了一個非常滿意的肉餅飯。它勝在新鮮熱辣，即叫即煎，口感鬆軟，充滿肉汁。它的肉餅有幾種口味，我們選了蓮藕梅香咸魚肉餅。肉餅用新鮮豬肉打成，蓮藕切到細細粒，爽脆不硬。肉餅飯配一隻半熟燶邊的日本蘭王蛋，錦上添花。🏅蓮藕梅香咸魚肉餅飯（$62）🏅芝士焗肉醬配蘭王蛋飯（$72）🏅瑞士雞翼（$42）*焗飯同樣是餐廳的主打菜，我們點了芝士焗肉醬。焗飯表面鋪滿芝士和酸甜的番茄肉醬，醬汁豐富，炒飯底吸滿醬汁，軟硬適中，每一粒飯都有味道。把半熟的蘭王蛋黃切開，橙紅色的蛋液流到飯中，滋味無窮。*瑞士雞翼有5隻，隻隻飽滿紅潤，非常吸引。雞翼皮爽肉嫩，瑞士汁香甜，食到津津有味。

朋友介紹左旺角一間好好食既肉餅店叫做金飯館貳•零 肉餅•焗飯專門店， 終於有機會黎試。大約8點左右，去到門口，已經見好多人係店門外等緊，相信間店有一定實力。入到去見到牆身掛左幾件NBA球星波衫就知老闆係籃球迷。店員見我地望左menu好耐，於是向我地推介佢地招牌蔥油肉餅配蘭王蛋飯($56)。用得蘭王蛋可見佢地就算配菜都好有要求。蘭王蛋煎得好靚，一篤蛋黃，橙黃色蛋汁就流出黎。而主角肉餅比外面食到既厚好多，大約一吋厚。咬落去好juicy，同埋好實淨，入面既材料都好豐富。將蛋汁，蔥油同埋佢地餐廳秘制醬汁連飯撈埋一齊，好快就食哂成碗。.另外，佢地除左肉餅出面，焗飯都係佢地招牌菜。平時肉醬意粉食得多，今次就叫左芝士焗肉醬配蘭王蛋飯($72)。米飯粒粒金黃，而且炒到好乾身，肉醬既調味適中，已且入面肉碎好腍，用黎撈飯一流。加埋大量既芝士，邪惡得黎夠哂惹味。總結黎講，試過就會明白點解一間只係賣肉餅同焗飯既餐廳可以keep住排長龍，因為佢地做既肉餅焗飯，無論創意定食物質素都係爆哂。

這小店疫症期間在牛頭角開業，但仍然人氣高企，最近仲喺旺角開新分店，與牛頭角店不同，是這新店是主打港式煎肉餅飯，及焗飯😋 另外還有特色刈包。 蓮藕梅香咸魚肉餅即叫即煎，外層焦香脆口，肉餅鬆化，鹹香味濃，蓮藕粒帶來爽口感！ 上面加上一隻燶邊蘭王蛋，色澤鮮艷吸引，蛋汁混合飽滿的飯一齊食，配上蔥花香蒜，味道更上一層⬆️老闆首選芝士焗肉醬配蘭王蛋飯，製作需時即叫即焗，上面有一層香脆芝士，及半熟蘭王蛋，裡面嘅飯炒得香而乾身，配肉醬汁滋味滿滿另外小食也能見師傅誠意，雖然X記瑞士雞翼不難煮，但要做到雞翼入味同時嫩滑，都要把時間拿捏得到！ 至於特飲就同「浩茶」合作，有好款台式茶飲！