串酒里 (已結業)

今日去左食串燒，支持黃店！<川式燒芫茜，$22>男朋友最愛之芫茜，係原條嘅芫茜。<札幌芝麻香燒雞翼（兩隻），$32>雞翼燒得好嫩滑，不過略嫌咸左少少。<鹽燒厚切牛舌，$68>個牛舌厚左少少，有啲韌，但係個味唔錯。<秘製醬汁香燒豬頸肉，$68>望落好似好肥，但係食落唔太肥，幾好味。<香辣燒原條茄子，$49>食燒野多數都會叫呢個燒茄子，今次點左個辣味，好惹味。<芝士煙肉焗大啡菇，$39>好少見到串燒店會有得食焗大啡菇，我本身好鐘意食芝士煙肉焗大啡菇，個菇<黃金蒜蓉燒日本廣島蠔（三隻），$88>雖然落左好多蒜蓉，但係仲食到隻蠔好新鮮好肥美。<椒鹽魷魚圈，$59>岩岩炸起仲熱辣辣嘅，好香脆。<（柒）支裝手工啤酒，$78>幾特別嘅手工啤。

今日放工朋友帶咗我去橫街小巷食串燒， 雖然從佐敦港鐵站出行數分鐘走過一個街囗便到， 不過從來都冇留意 小巷裏面原來有間串燒店。隱蔽嘅小店有種日式居酒屋嘅feel， 手工啤酒外號更夠噱頭～札幌芝麻香燒雞翼$32 雞翼外皮好脆，燒到冇曬雞皮嘅脂肪，雞肉仲幾嫩滑有肉汁～👍鹽燒日本秋葵$28掃上些醬汁燒 特別惹味！😋鹽燒烤厚切牛舌 $68果然厚切， 絕對係牛舌最中心嫩滑嘅部位，好爽 唔韌～ 灑上嘅黑椒鹽更令味道提升👍😋煙肉荔枝串$48烤香嘅煙肉捲著荔枝肉， 味道好特別入囗先咸後甜～ 荔枝肉好甜 ，感覺還是配蘆筍較適合。芝士煙肉焗大啡菇$39焗完之後係菇咕一啲都冇縮水， 啖啖肉仲非常juicy！！ 配合融喺面嘅芝士和煙肉餡， 美味可口！黃金蒜蓉燒日本廣島蠔三隻$88表面滿滿的烤蒜蓉， 香氣撲鼻！ 蒜蓉唔會有嗰種辛辣濃味，相反仲有少少甜甜地，唔會蓋過生蠔本身嘅味道。 生蠔肉厚鮮甜，勁正！蒜蓉燒原條茄子$49也是舖滿蒜蓉嘅菜式- 燒茄子， 還鋪上木魚絲口感豐富。 这種食法茄仔特別香甜～😋👍汁燒豆腐串$25唔係一般嘅硬豆腐， 好似臭豆腐嗰種質地，外皮又厚又脆吸滿醬汁， 豆腐裏面仲係好嫩滑， 吃得上癮～

來到串酒里晚餐，叫了十一款串燒：1) 汁燒豆腐串： 外脆內軟，十分惹味，十分驚喜！推介！2) 札幌芝麻香燒餃子雞翼( 兩隻）： 雞翼內釀了蟹籽，有泡菜的味道。3)鹽燒安格斯牛柳粒： 牛肉味濃旭，有肉汁，推介。4) 自家製醬汁燒黑豚肉：以豬扒切件，有豬香味。5)惹味汁燒豬仔脾( 兩隻）： 驚喜地餐廳為我們送上了三隻豬仔脾，亦是十分惹味香口。6)燒玉子： 配上蜜糖，雙重甜味，玉子燒有應有的甜味。7)煙肉荔枝串： 煙肉味十分香，不會太肥膩8 ）日式汁燒雞脾菇串： 沒有菇的草青味，串燒粉惹味。9)芝士煙肉焗大啡菇： 芝士味十分濃，大啡菇水份充足，咬下去啖啖菇汁，推介！10) 蒜蓉牛油焗蔬菜： 蒜蓉和牛油平衝得十分好，西蘭花不會覺得太腍，十分爽口。11) 自家製惹味雞肉串： 用上雞扒肉切粒，比想像中大份。總括而言，串酒里的串燒燒得用心，用料頗新鮮。每串串燒旁都放上沙律菜，串燒的肉類比較多，有解滯的作用，是值得一試的串燒店。

今日31/12，2019年最後一日，我們訂了串燒店，香港人小店！環境唔算大，但都舒服，簡單設計！串燒酒類有不同，串燒款式唔算多，主要是肉類、海鮮（蠔、扇貝、蝦）、蔬菜類，飲品是啤酒、手工啤酒、其他飲品。點了推薦的1. 鹽燒厚切牛舌好厚身好爽脆的牛舌，好多汁好有口感，好美味！2. 黑胡椒香燒雞翼黑胡椒好香好惹味，雞翼唔乾多汁，雞翼好味3. 醬燒牛油新鮮粟米牛油香口醬燒唔乾身的新鮮粟米，切了4段，硬易咬4. 芝士煙肉焗大啡菇多汁熔熔的拉絲芝士味濃郁，煙肉在大啡菇中，大啡菇燒香又厚身5. 黑松露沙律醬薯條黑松露沙律醬可以要求分開的，薯條炸得靚又脆口羊架、豚肉及雞串比較硬身，燒的時間可能要改善一下了

朋友仔話有間餐廳啲啤酒🍺好特別☻帶我去見識下🤪 嗰樽已經夠吸引😍仲要係當歸味😛 好可惜今日我病咗食緊藥😷所以唔飲得魚蛋包住年糕， 煙煙靭靭安格斯牛柳粒$68 唔貴~大啡菇: 最啱share， 如果咁大舊自己一個食，俾佢ko埋🤪唔so~香羊味👍朋友本身唔食秋葵，唔鍾意佢入面滑潺潺， 但呢個冇， 所以朋友話好好味雞髀菇燒得好好味，又唔會太乾，依然好juicy👍雞翼揀咗隻辣嘅刺激下牛舌果真好味，夠厚，唔un茄子🍆係每次都會叫嘅~今次都唔例外😌

每次黎山林道都係食金鳳，呢日鬼掩眼搵極都搵唔到，俾外頭既紅色燈牌吸引，誤打誤撞下撞左入呢條巷仔。小巷充滿神秘色彩，門口放住舊式水牌，好有日本居酒屋既感覺店面不大但好有格調，呢類可以啤一啤食下伴酒菜既小店早已買少見少，實在難得。餐牌上有多款香口伴酒小吃，雞牛豬羊蔬果海鮮應有盡有燒豆腐以油炸方式烹調，口感似臭豆腐，外層香脆，但當然無臭豆腐獨有既氣味取而代之係芝麻同照燒汁既鹹香，包著仍然濕潤既嫩豆腐，口感極佳。茄如其名粒粒圓潤飽滿，一咬汁液滿溢而出，清新開胃。大啡菇表面鋪上火腿片同厚厚既芝士，啡菇水嫩多汁，菇菌獨特既風味配上火腿同芝士，層次豐富又飽肚必點豬仔髀，外皮燒至焦脆，肉質似豬手，厚實有咬口又不至於韌，面頭灑上香甜惹味既BBQ粉，香口味美雞肉串啖啖肉，無雞皮同肥膏，同樣灑上與豬仔髀一樣既調味粉，令本來淡味既雞肉生色不少。推薦黑豚肉，肥瘦適中，入口非常鮮嫩肉厚。塗上甜中帶辣既麻辣醬，令整體味道提升至另一層次。壓軸既蠔脆棒，見到店家推薦而點，估唔到令人喜出望外三條手掌長短既特長脆棒，外在春卷皮炸至金黃香脆，乾爽不油。中間夾住豐富既芝士同蠔肉，入口充滿海水鮮味同芝士既鹹香，整體非常匹配，蘸上

尖沙咀的山林道有不少美食，只是位置其實也不算很就近尖沙咀，倒是比較近佐敦，所以沒有太多的人知道那條街道其實有不少美食，很久之前已經過那兒的「串酒里」，名字取同音自「串走你」，生動又有趣。只是只有一個簡單的門牌，在旺區來說確實隱世😅裡面的環境也不大，沒有甚麼裝飾，不過天花有很多抽氣扇，抽風系統應該挺不錯。串燒種類也有不少，有雞、牛、豬等種類，價錢也不昂貴。這裡最特別的是港產粗口啤酒，香港人愛說的粗口與手工啤酒結合也算是十分有本土特色😂鰻魚是我在海鮮類當中很喜歡吃的食物，在這裡的鰻魚醬汁豐富，鰻魚也夠軟稔，而且沒有骨。只是鰻魚汁稍微鹹了一點，鰻魚的質厚度也沒有很厚，以致口感不太足夠。想不到在串燒店也能吃到黃金薯條，黃金薯條即是鹹蛋黃薯條的意思，從照片已可看到有大量的鹹蛋黃在薯條上，薯條熱辣辣的，很新鮮，連同鹹蛋黃一起吃更有滋味。只是鹹蛋黃比較碎，未必能讓全部薯條也沾上鹹蛋黃。這裡單單是元貝已經有8款朋友想吃邪惡的車打芝士燒元貝，於是便點了。表面還真是有大量的芝士，芝味非常，元貝也很大顆，還要新鮮得很。看到openrice，有很多人介紹這裡的玉子，那實在不得不點吧？玉子有3件，其實味道就是跟

人大左就連同朋友食飯都唔想迫，反而想搵個地方坐得舒舒服服吹下水食下野好過。居酒屋同串燒店永遠都係一個唔錯既選擇。今次就搵黎山林道一間有啲隱閉既串燒店試一試！係小巷既盡頭，唔算當眼但帶點神秘。不過講到尾，其實吸引我黎既原因絕對係因為枝手工啤！______________________________🔸枝裝手工啤酒 $68/枝港產粗口手工啤，共六款，獨家發售。同一班朋友唔係講粗口就係飲啤酒😆一人一枝揸住打卡岩哂！唔同配搭仲有不同既句子哈哈！今次試左香檸薄荷同蜜桃菜頭味。味道特別，同一般啤酒唔同，值得一試。🔸脆燒日本原條鰻魚 $59 雖然長度唔係sell激長，但鰻魚肉咬落去勁厚肉又肥美。鰻魚表面燒到香脆，平時唔太食鰻魚既人都覺得好好食。塗上鰻魚汁，甜甜地，直頭想要碗白飯送飯食！🔸黑胡椒香燒雞翼 (2隻) $28一上碟既時候已經聞到勁香既黑胡椒味，好惹味。食落有D似土匪雞翼。雞皮燒到好脆，但完全保留到雞皮入面既肉汁。絕對可以encore多幾隻！ 🔸黑椒牛油洋蔥焗比目魚 $89一份唔算好大塊，一個人都KO到一塊哈哈！比目魚焗得金黃色，賣相幾好。上面仲鋪滿左用牛油炒過既洋蔥，好香口。魚兩旁既魚皮

因喜愛吃串燒而來，這裡位於山林道的小巷內看到這裡的手工啤名字呆了😅（不用解釋，看相片大家便明白）執著的的我從不說粗口，但不抗拒試它們，因🔞啤酒🍻味道十分獨特👍🏻😋$68/支，啤酒出看麥子我們共點了10樣食物，最喜愛這裡的鹽燒厚切牛舌$59、黑松露蒜蓉燒扇貝（兩隻）$59、魚香燒原條茄子$45、芝士煙肉焗大啡菇$39、麻辣火雞腎$32、火辣牛丸$20而其他食物也不錯（雞泡魚乾$49、燒雞脾菇串$20、燒黑豚肉$49、雞肉串$32）😉但會推介以上幾款串燒當晚店員服務亦很有善😉大滿足的一餐

通常越好味嘅餐廳 ，位置就越隱蔽 ，呢間餐廳都唔例外 ，竟然畀小弟發掘到。 就畀小弟為大家介紹一下去呢間餐廳特色之處。首先，呢間餐廳最引以為傲嘅就係佢哋嘅手工啤酒， 鍾意飲啤酒嘅朋友呢間餐廳就十分適合你， 佢一手工啤酒入口純和有餘韻。 另外另一特色就係有粗口喺上邊， 唔知今日你「x」咗未呢?另外呢間餐廳以二串燒為主打， 本人最推薦嘅就係惹味燒汁雞泡魚乾， 又有咬口又夠煙韌，加上去汁完全同魚乾嘅味道十分之融合，唔會喧賓奪主。另外第二樣推薦就係芝士煙肉焗大啡菇， 大啡菇十分有juicy，味道當然係好食啦! 再加上芝士同煙肉 ，呢一個配搭就將大啡菇嘅特色再昇華， 本身嘅汁再加上芝士 ，味道一層一層刺激你嘅味蕾。燒物最怕係海鮮燒得太乾燒得太老， 但係呢間餐廳控制火喉嘅力度啱啱好。 燒蠔拼盤為例子， 雖然係有狗隻不同味道的蠔， 佢哋一啲都唔馬虎，蠔應有嘅肉質水分保持得啱啱,好再加上特有嘅汁,令到蠔十分之好食。若果大家頭痕搵緊邊間餐廳適合你嘅話，呢間餐廳係你嘅其中一個選擇!!!

同朋友行街講起香港手工啤酒，傾傾下就走咗去搵黎試下，呢間串酒里就有我地講緊既本地啤酒飲，原來係一間串燒餐廳，果然啤酒配串燒係一絕。今次我試既係西柚回甘味啤酒，因為我只係飲過香檸薄荷味，所以只可以比較兩者，西柚回甘個果味會比香檸薄荷特出，西柚個甘甜味唔錯，如果要係兩者中選擇我會比較鐘意西柚回甘味。落單後，串燒都陸陸續續都嚟到，火雞賢好爽口。燒滑豆腐好神奇，表面好脆入面好滑。雞髀菇煙肉捲味道幾夾，口感有層次。燒魷魚釀糯米飯，好有魔力食過不停，好香口再配一啖啤酒，無得頂。麻薯燒中間煙煙靭靭，口感一流。黃金薯條炸得好好，好易一條接一條咁食哂。芝士煙肉焗大啡菇，焗得好好，唔會好干，芝士煙肉同個菇好夾。總結，串燒種類好多，唔怕會食厭，簡簡單單又一餐。

最近朋友圈掀起左一陣熱潮，約親食飯都好似會去一啲邊飲啤酒邊食串燒嘅店。今日介紹嘅呢一間「串酒里」位於尖沙咀，粗口手工啤十分出名。當日七點幾到埗，入面都頗爆滿，幸好朋友非第一次食，所以一早預約好，於是夠鐘即時入坐！睇睇餐牌，除咗串燒當然唔少得叫啤酒，呢到嘅粗口啤有不同味道，所以最好睇清楚先好叫啊。有鑑於之前，我地今次每款都係單點一串，寧願試多幾款唔同嘅串燒。最後我地起碼都叫咗26樣，哈哈哈哈，究竟食唔食得哂咖，轉頭就自有分曉。 最先首批到嘅有芝心日本廣島蠔脆棒，味道唔錯，唔會有蠔腥味，熱辣辣十分脆口，最岩我呢啲細路仔。而火雞腎則燒得非常爽口，一啲都唔覺得難嚼。其後，鱿魚筒糯米飯值得一讚，除咗鱿魚筒燒得香之餘，包係筒內嘅糯米飯，調味夠加上海鮮嘅香味撲鼻，冬天食簡直一流！接住，黃金薯圈又係非提不可，非常大盆抵食之外，每一個薯圈都均衡地沾上咗芝士粒，充滿香濃嘅芝士口味，就算唔點茄汁都可以令你無法自拔，配啤酒或可樂係絕配啊。然而萬眾期待嘅牛舌串一到，大家都立即停低，第一時間整番幾舊，牛味確實濃，一串四舊，雖然夠大粒但個人認為口感一般，唔夠林身。反而粟米令我更喜出望外，表面有少許蜜糖，燒至少少焦，

今日又約了閨蜜飯聚, 想搵個地方坐低慢慢傾慢慢食, 串酒里就最岩了!呢度都唔算好起眼, 幸好之前黎過, 所以好易搵~店舖位於小巷裡, 有易拉架水牌, 見到招牌粗口啤就認到了~雖然位於山林道呢D出名貴價既地段, 不過我覺得收費都OK 啦, 唔算話好貴對上一次黎, 出名既手工啤酒已沽清, 皇天不負有心人, 今次再黎終於返貨了! 而且款式好似比以前多左, 有6款咁多!每款有唔同味道, 而我地就試左水果味系列既"柒" (香甜蜜糖) ,"你" (蜜桃菜頭),"西" (西柚回甘)!飲落有少許手工啤酒的苦澀味, 再帶有清甜的果香, 尤其係西柚! 個人較喜歡酸甜一點的西柚味, 可能帶酸個味比較出同特別!除左用黎送飯, 呢堆啤酒用黎影相呃LIKE 都係一流 XDDD大食既我地一開波就狂叫, 打向頭炮既係日本廣島燒蠔($49 一客2 隻), 叫左冬陰功同黃金蒜蓉2款比較喜歡蒜蓉的, 因為本人是蒜怪, 而家店家一D都唔吝嗇蒜蓉, 落左好多, 食落大滿足! 慳家既我地, 仲用食淨既蒜沾其他食物 XD 絕不浪費!燒牛舌($59)是必點的, 好厚但唔會UN,超有口感, 又JUICY! 雖然安格斯牛肉粒($59)都