9 3/4 cafe (已結業)

衣家去唔到日本帶你去香港間HP cafe先啦🕯環境: 8/10裝修擺設都唔錯有還原一d主要場景😍全角落都係打卡位，9 3/4月台，天花板仲掛住左隻催狂魔🤪👻有feel👍🏻食物: 7/101️⃣黑松露雞肉扁意粉 $88有得松露既野真係點都好食，cream sauce幾杰唔錯，意粉有咬口同掛到汁😋👍🏻2️⃣芝士煙肉焗薯條 $58粗薯條正🧀，不過略嫌冇乜芝士食到蜜糖芥末味多啲🤭🍯3️⃣香酥雞翼 $50呢個有5隻炸得幾脆口同鬆化，入面仲好juicy🤤4️⃣奶油啤酒 $48又點少得呢杯Signature drink呀，像真度100%不過佢係梳打底，a bit weird tbh🤣同環球影城個杯係2回事🤣性價比: 7.5/10 $100-200/人Harry Potter fans一定要去，麻瓜都要去見識下魔法世界嘅人食咩㗎嘛🤣😘

今次終於黎到呢間之前好出名嘅哈利波特主題cafe。咁啱個日冇咩人，可能因為我地係下午茶時段黎，所以都可以周圍影下相打個卡。係門口都有哈利波特嘅設計。一入到黎都有好多擺設，成個感覺都幾好。然後枱面盞燈同埋個水杯都係哈利波特嘅野，好特別。咁我地就叫左2個小食，分別係卷卷蝦同埋芝士煙肉焗薯條。個蝦幾有特色，係出面都好少見，佢係酥炸薯仔包住蝦，好脆口，呢個配搭整得好好味，加埋個泰式辣醬更加好味。芝士煙肉焗薯條份量都多，味道就係正常發揮，不過可以再多d醬。主食我地就叫左3個，有西班牙軟爪陸蝦，即係番茄鮮蝦扁意粉，味道都OK；仲有軟殼蟹意粉，呢個覺得比較好味，都有原隻軟殼蟹；最後有港口匙，即係意式三文魚帶子意大利飯，呢個覺得係3個入面最好味嘅，全部食落都唔會太膩。但係如果幾個人share的話份量就略嫌比較細，每人只能夠試幾啖。最後飲品叫左幸運魔藥即係Mango Yogurt同埋Oreo朱古力，前者都比較藥水味同偏甜，後者就係少少沙冰咁都好飲。但飲品類覺得偏貴，唔太值。餐牌嘅食物名都好有心思，好有哈利波特風。

同大小姐出嚟食嘢，一定要搵間有特色嘅餐廳，我就要睇埋食物啱唔啱食。9 3/4 cafe大家都覺得ok, 亦算易搵！今日唔多人，所以比較寧靜，仲可以幫大小姐影幾張靚相。～辣味蒜香三文魚意粉，最驚喜最突出，食落好惹味，蒜味濃～咸蛋黃軟殼蟹意大利飯，食落又係咸蛋黃味好濃，但唔會有咸蛋皇果種口感，唔太鐘意食咸蛋黃嘅質感都覺得呢個唔錯～黑松露帶子意粉，差D搵唔到隻帶子喺邊，穩陣，唔突出，3個之中比較失色，但係好味嘅～芝士煙肉焗薯條，夠熱又好食～美中不足係只收現金，因為我呢D係習慣咗碌卡嘅人