老鳳冰室 (已結業)

近年香港周圍都越開越多冰室，但有咁特色裝修嘅少之又少。炒蛋同多士本身已經非常有水準，炒蛋好滑身，亦都有適當調味。而多士有少少似蒜蓉包，唔似坊間其他茶餐就咁一塊烘多士。沙嗲牛肉湯麵嘅湯底亦有好香濃既忌廉湯味，加埋香濃沙嗲醬，非常咁夾，湯麵麵質偏硬，而牛肉都俾得好梳爽，有4，5塊，岩曬中意食牛肉既我。個麵一上枱已經聞到好濃濃嘅蕃茄湯味，呢個蕃茄湯底比起其他餐廳嘅都要濃郁，仲有少少蒜蓉嘅味道，配埋芝士一齊食，非常出色。

星期六過來葵芳邨買嘢，完事行完數字屋入貨，見隔離有間人氣冰室，決定試試⋯⋯一支公唔使等位，測試體溫後，店員立即打入卡位。門外很多懷舊裝飾⋯⋯細心看冰室內的裝修，下過一番心思，大字報牆壁、立體火車，還有一大把刀懸掛半空，有趣非常。由於一支公，只點了一個餐。自助餐具，還備有飲筒，減省人手外，更非常方便。疫情下，由於卡位是四人座位，我和對面的食客也有紙板隔住，雖然在有限的位置比較緊迫，但令食客分隔了，吃得放心。另外那衫夾夾單，提醒食客，結帳請到收銀，無需擔心單據左攝右攝周圍放，有趣又實用。3.6 牛乳炒蛋焗肉醬薯蓉~肉醬配薯蓉比一般常餐更見特色，由於筆者一向喜歡炒蛋配茄汁，所以很喜歡這個配搭。芝士牛肉濃茄湯通粉~杰身足料，奈何當店員端上桌時，只是微暖，相信因為繁忙時段，遲了在㕑房拿出來，芝士待涼了，杰撻撻，實在失色，相信熱騰騰的話，濃濃芝士會為這通粉加了不少分數。通粉用上扭扭通粉未夠滑身，反知牛肉入味嫰滑，相信對於喜歡芝士味道的小朋友會相當討好。到最後結賬時，回看到這個立體3D火車頭以及室內裝修，食店是花過不少心思。

今日約左朋友去葵芳行街，知道附近開左間茶記老鳳冰室，而且冰室既裝修好特別，有好多經典既街牌、舊海報、鐵信箱，就連menu既設計都好有心思。以前好興既懷舊小食包括蝦多士、雪糕紅豆冰、鐵板餐都有，亦有其他新式小食，就好似鹹蛋黃西多士同芝士保齡球，有選擇困難既我好難揀啊！我地叫左個芝士牛肉濃茄湯通粉，個餐包埋牛乳炒蛋配肉醬焗薯泥($48) ，感覺都幾抵食。通粉鋪左一層芝士，建議攪拌一下連通粉一齊食。至於蕃茄湯底，個人覺得比較稀，略嫌蕃茄味道較淡。因為個餐跟埋個炒蛋同薯泥，薯泥配埋肉醬一齊食，味道吾錯，個人幾鐘意。原先我地想試都幾多人鐘意既芝士保齡球，當時下午2點半，想叫既時候已經冇晒，如果想食既話，記得留意時間。所以我地叫左個鹹蛋黃西多士($28)，聽講切開之開後會有流心，好期待。西多士炸到金黃脆，賣相一流，侍應仲提我地要趁熱食，雖然切開之後並冇流心，不過中間既鹹蛋黃醬都好好味，真係值得一試。值得一提既仲有依杯原粒波波奶茶，黎到時候係有粒好大粒好似雪人形狀既奶茶冰，可以keep住奶茶既味道之餘仲可以攪碎d冰連奶茶一齊飲，口感都幾特別架！