The Balcony (已結業)

位於中環區商廈上，入口係巷仔內，地方較難搵！樓上位置唔多，屬小店經營！不過廚房抽風設備應該唔夠，一入去已聞到好大陣油煙味！氣氛都算好，兩個人傾下計，好岩！西餐通常都唔便，但一人餐10樣嘢食加一杯嘢飲要 $388，大家又覺得會唔會太貴？🔸煎鵝肝配日式蘿蔔及菠蘿 絕配，蘿蔔同菠蘿都可以去鵝肝既油膩感，同味道好夾！🤤🔸扒虎蝦香桃沙津👌🏻一碟沙津有兩隻虎蝦都唔錯！🔸經典龍蝦湯好苦，應該係蝦膏另成個湯都好苦！失望😩🔸意大利風乾火腿，水牛芝士配意大利黑醋汁👍🏻🔸芝士黑松露焗烤菇👍🏻🔸雪葩👌🏻🔸香煎三文魚扒配黑松露意粉三文魚扒好香好食😋，但意粉就過份乾，難以下嚥😞🔸甜品拼盤😋姜味雪糕配綠茶布丁😉🔸咖啡或茶因為兩個人食另外加左樣 🔸日式吉列肉眼扒配咖哩意大利飯 （$198）吉列肉眼扒好令人失望，肉眼扒太熟！咖哩飯仲出色過塊扒！🤦🏼‍♀️

今晚同哥哥一齊收工嚟嘆西餐，佢話呢個套餐有齊我最鍾意食嘅嘢～煎鵝肝配日式蘿蔔及菠蘿，鵝肝煎得香脆，入口即溶，配日式蘿蔔同菠蘿，非常清新～虎蝦香桃沙律，蜜桃、虎蝦、沙律菜出奇地夾喎～經典龍蝦湯... 再嚟，龍蝦... 湯... 夠濃郁～意大利風乾火腿，水牛芝士配意大利黑醋汁... 黑醋汁剛好平衡咸香～😋芝士黑松露焗烤菇... 大啡菇煎得恰到好處，煎香得來又多汁，配上焗脆芝士及黑松露，香氣滲滿口腔～餐廳好有次序，逐碟菜上枱，食完一道菜，再上另一道菜...食到呢度，突然間上個梅子粉檸檬雪皅... 正想追問主菜嘅下落，睇吓餐牌，原來雪皅真係放中間個喎，唔理啦，照食，檸檬🍋雪皅清清地... 一啖、一啖食哂之後，會會心微笑...突然間感覺到廚師嘅心思，食完一個雪皅，真係覺得清清味蕾... 再食主菜～哥哥愛食三文，選咗香煎三文魚扒配黑松露意粉，三文魚皮煎得咁香脆，當然我都係要食埋一份啦😏～我呢... 豬漢堡扒配海膽汁卡邦尼意粉，豐富肉鬆漢堡，意粉硬度適中... 食到一半飽咗～套餐仲有甜品拼盤😱以為食唔落... 凍餅同奶凍，諗住每樣試一啖，結果又食清光～😋

前幾星期都食了日本菜，今個星期轉轉新意思，食西餐！The Balcony 是一間超有HEART的西餐，一個套餐有幾個前菜，甚至甜品都有幾款；以質和量來說，這裡的價錢很親民了！*The Stylish ($388)- 煎鵝肝配日式蘿蔔及菠蘿鵝肝很「油」軟，入口即溶，成個口都是油脂味；所以配了日式蘿蔔和酸甜的菠蘿，取代多士，減少一點油膩感。- 扒虎蝦香桃沙律蝦沒有調味，所以味道都是來自甜的香桃和黑醋。- 經典龍蝦湯龍蝦湯很濃，味道偏咸一點。- 意大利風乾火腿,水牛芝士配意大利醋汁風乾火腿的咸，配上軟軟的水牛芝士和酸酸的意大利醋，出奇地夾。- 芝士黑松露焗烤菇烤菇很JUICY，芝士和黑松露都很香！- 雪葩青檸雪葩是吃主菜之前上的，用來清一清前菜的味道；雪葩有青檸皮，味道酸甜清新。- 香煎三文魚扒配黑松露意粉三文魚扒的皮煎得很脆；配了健康的菜；黑松露意粉煮得剛好，亦很香濃黑松露味。- 甜品拼盤甜品拼盤有兩款甜品；建議先吃白色的奶凍，因為味是比較淡一點，奶味重，質感軟滑；檸檬批上有一層焦糖，檸檬批餡檸檬味濃，不過真的很甜。*The Dignity ($488)- 煎鵝肝配日式蘿蔔及菠蘿同另一個餐

今日考試成功就約咗朋友食飯慶祝！大家相約係中環The Balcony食西日fusion菜。由中環恆生總行沿住租庇利街行過去，一直行到皇后大道中，就會見到有個招牌教你點去118號，上到三樓就到間餐廳。掛牆圖畫上既希臘小白屋、藍天白雲、藍色的大海，讓人望見都感到內心平靜起來。白磚牆身，配搭簡單既枱凳，感覺就係舒服。窗邊擺放住唔同既酒同埋盆栽作裝飾，坐低之後就發現出面真係有個露台可以俾人出去吹下水。睇完menu後，我地決定揀兩個set dinner黎試下︰The Stylish $388、The Dignity $488。店員好快就拎咗杯水黎，呢杯唔係普通既水，而係浸咗士多啤梨、檸檬、藍莓既detox water，好健康，而且唔會好似清水咁淡而無味，好好飲！煎鵝肝配日式蘿蔔及菠蘿︰朋友話唔係到到煎鵝肝都好味，但呢到既煎鵝肝真係煎得好出色！單看外表就見到鵝肝煎得油光均勻，放入口咀嚼，鵝肝香味滿溢，再配埋沾有黑醋汁既日式蘿蔔和清甜多汁既菠蘿，酸甜既味道中和返，唔會有油膩感！扒虎蝦香桃沙律︰兩隻扒虎蝦鋪面，蝦肉新鮮唔霉，沙律菜清新爽脆，撈埋沙律醬黎食，一D都唔苦，最驚喜係香桃，令整個沙律倍添香甜。