Kyung Yang Katsu

營業中

休息中

韓式炸豬扒今次係第一次食，好處係多咗泡菜元素、韓國特色嘅配搭以及多種嘅醬料，感覺都幾有驚喜。🥢芝士&炸蝦套餐$188香脆吉列外衣包裹住薄豬扒，而內層藏着滿滿拉絲芝士，雖然係薄豬扒，但口感都幾彈牙，配合QQ口感嘅拉絲芝士一齊食，呢個組合一流；另一主角，炸蝦外面鬆脆唔油膩，而且都非常大隻、新鮮又鮮甜，好正👍。🥢吉列豬柳&炸蝦套餐$188 豬柳鬆軟得嚟又有口感，豬味濃香，吉列皮咬落爽脆唔油膩；呢個餐亦有炸蝦，同樣可以享受到雙重滋味😋。套餐包咗煎鵪鶉蛋飯、泡菜冷麵、沙律椰菜及前菜2款👇：飯嘅鵪鶉蛋細細隻但蛋黃超濃香。泡菜冷麵清爽解膩。前菜2款有白菜及韭菜。套餐內仲有幾款不同嘅醬料可以配搭炸物以增添風味，有松露鹽、甜甜地嘅炸豬扒醬、清爽wasabi、鹹鮮蝦仔醬及香甜芥末籽醬，仲要好有心思地砌咗個笑面，真係未食先開心。

🧀芝士&炸蝦套餐 $188第一眼就睇中嘅配搭 嚟到都完全無失望！吉列豬扒中間挖咗個窿 放入滿滿嘅芝士炸到表面鬆化 肉質軟嫩唔乾柴 配搭芝士增加鹹香味仲有瘋狂拉絲效果另一重點炸蝦 兩隻大大隻肥嘟嘟嘅大蝦雖然連頭連尾上但其實一夾起蝦頭就會分離 唔使整髒手😉蝦肉超級爽口彈牙 食完絕對想encore嘅程度！🐽吉列豬扒定食 $178呢款就真係相對遜色😭豬扒外層係更加鬆脆 無奈肉質偏乾硬 朋友最後剩咗兩件～兩款套餐都包括鵪鶉蛋味素飯 冷麵 柚子汁椰菜絲沙律同埋兩款醃菜最有驚喜絕對係個冷麵 之前食過一次湯底太酸就無再嗌過呢度嘅調味啱啱好 湯底帶微微酸更易入口更開胃

到我試啦！ 之前洗哂版既韓國芝士吉列豬扒餐廳 🐷 極邪惡組合 😈 吉列豬扒& 豬柳套餐 HKD188 (no.5) 🐽一上到菜畫面好豐富！ 長型豬扒同圓形豬柳各4 塊。 炸既表現符合預期～ 炸漿厚度適中 外面鬆脆 入面軟淋唔會乾。 當然豬扒多油脂會再Juicy 啲 🧡 整體份量都唔吝嗇！ 🦐 芝士&炸蝦套餐 HKD188 (no.8) 雖然豬扒係主打 但想讚下炸蝦有驚喜！ 蝦唔係普通天婦羅個種， 係大隻、 濃味， 肉實啲個種！ 一隻炸蝦都同豬扒一樣咁粗身～ 比普通天婦羅蝦仲keep 得耐脆既口感！🧀 好吸睛既芝士豬扒， 上到黎唔算好流心， 肉質黎講都係普通豬扒會juicy D , 但幸好芝士味唔係好重 唔會好漏～ 🧂 調味料方面有成5款咁多！除左普通既日式吉列醬， 仲有wasabi , 松露鹽 ， 芥末籽醬同蝦醬。 個人都係中意日式吉列醬 或者松露鹽！ 套餐跟埋2 款前菜， 飯、 麵、 沙律任添。椰菜絲沙律🥗加左柚子汁幾開胃， 我都有添多碗😆！ 飯都有落飯素同有隻煎鵪鶉蛋🍳麵呢如果湯底係蕎麥麵汁/ 濃少少， 或者換做麵豉湯會較好，因為本身食豬扒都飽肚。 整體黎講都表現平均，雖然未