玉葉甜品

營業中

休息中

不嬲支持老店，買少見少，總怕佢地有一日會變晒回憶。。。呢間鋪係中環半山，好特別成間鋪都係鈄既滿心期待去試個聞名的芝麻糊，不過真係幾一般。。。芝麻味唔夠濃，有少少杏仁味，完全唔特別，好彩夠平：$14絕對可以話係食佢既懷舊風味，唔係食佢食物既美味。。。不過，公平啲講，我同朋友都淨係食咗芝麻糊啫，可能有其他食物好食既，但佢啲粉麵賣得唔平啊，淨牛腩仲要$100一碟，同甜品比真係貴好多。。。總結：一般啦，去影下相試下啲懷舊野ok既

今日自己一個中上環一帶古蹟遊, 去完PMQ 玩, 再諗住行去擺花街買生煎包之際,諗起都好耐無食過玉葉, 心諗都好耐「無比老闆兇過」, 於是就去左坐一陣。結果一埋去真係又比老闆「兇」。講番個地方先, 玉葉係一個大排檔, 係係條斜路上, 所有檯凳都係斜的,所以碗粉/ 甜品上黎時都係斜的。今日叫了芝麻糊, 呢到既芝麻糊係有杏仁味的,都幾濃杰, 係有少少甜ga la, 叫得芝麻糊點會唔甜, 都幾真材實料既, 食完成棚牙都烏卒卒 XDBtw, For those who are concerned, 食得玉葉就要預左老闆好惡好惡gam 兇你,但係中環仲有13、14蚊糖水, 仲食到「香港舊時的味道」, 我唔會有要求囉, 除非我係係IFC 食~

以前淨係寫過玉葉嘅甜品 未食過佢啲麵今晚想近近地食個快飯 一於嚟試吓啦呢類型嘅街邊檔係香港真係買少見少啦！今晚涼涼地 有啲風 所以都唔怕熱 （如果夏天其他日子呢都唔知點算）提提大家：呢度嘅老闆娘好有性格 好彩我今次乖乖地 無激嬲佢 冇俾佢鬧喺一個少少斜既斜路上面 放咗四五張枱牆上面呢幅壁畫 其實係佢上面間鋪頭架不過同呢度都幾夾喎⋯⋯牛腩米粉 好多牛腩 好入味 仲有好彈牙既牛筋 好夠飽！豬手麵 有四五舊豬手 好入味 夠腍其實已經食到好飽 不過都係好為食 哎多碗熱芝麻糊個人認為呢個芝麻糊略甜 整體都ok畢竟呢個價錢真係好平

如果去蘇豪食飯，你想到的一定是那些高級餐廳，在優雅氣氛，摸著酒杯底，飲紅酒,吃著安格斯牛，在燈紅酒綠的地方,感受著那個像是中產人士的氣息?然後就去飲杯咖啡，感受那個懶洋洋的味道，就能為自己與那個high class 的上流文化沾上，然後fb check in 讓人感受自己的酷，但是其實自己卻是本著千金散盡還復來的決心，所以才用五分一的人工來這些地方來突顯身價。 不過，sorry ，有時貴不一定有品味有內涵，今天我也是到蘇豪區食飯，來到了滿有風味的玉葉甜品，但我不用五十蚊埋單，而且吃得飽飽，最重要係好食有風味。這些碩果僅存的鐵皮屋是香港的舊回憶，很多八十後可能都會說"而我不知鐵皮屋是什麼"。沒有辦法，政府不發牌，這些鋪頭少一間就是一間，勝景園也有這些風味，但人真多得很，而且位置不算於蘇豪，那個感覺沒有這樣強。波記和裕興一帶雖也是鐵皮屋但它們卻沒有那份寜靜美，因此我最喜歡就是玉葉。也不說什麼他和民園的歷史，反正好吃就是了。選這裡的原因，是他們有舊式的老粉麵外，還有的是那些簡單而好吃的又平又有回憶又簡單的糖水，一次過滿足願望又不用走來走去，當然選它吧，加上大家好像都說這裡的粉麵都是比民園較好