好湯好麵

營業中

休息中

大圍站A出口一出直行，到最盡頭嗰條街油站對面就見到好湯好麵 舖頭都好容易搵到今日3:00嚟到 但係依然都坐滿客人睇嚟如果一兩點晏晝時間黎食應該要排隊食今次試咗兩個麵 本來想叫好頭好尾但係已經賣晒 所以就決定咗叫一個係棉花雞（$92） 一個係海龍皇（$130）之後仲要多咗個小食就係芝麻醬海蜇雞絲粉皮（$44）餐牌如下見到好多客人都係嗌呢兩個湯底食 都係咁樣組合 大家知道好頭好尾賣晒 都好失望咁叫棉花雞😂😂睇嚟好頭好尾幾吸引大家喔 棉花雞 🐔一嚟就試咗佢啖湯 好濃郁 好有雞味有少少感覺似中式茶樓可以叫嘅嗰種棉花雞嘅感覺 冬菇都好入味 啲雞真係食落去好順口 呢個湯底配合扁嘅陽春面 成個感覺好夾以棉花真係冇得彈 好順滑 入口即溶嘅感覺海龍皇🦐首先麵質方面 佢用咗細嘅陽春面可以吸到好多湯嘅精華 佢有兩隻海蝦 兩隻啲肉都係好紮實值得一讚嘅係佢嘅墨魚滑 即係食過咁多間墨魚滑真係得佢一間係咁好食 完全唔會Hea你 湯底入邊仲帶啲蟹肉 食落去嘅感覺真係好有層次 真係成件事冇得挑剔佢哋仲好細心附送濕紙巾比我剝完蝦殼清潔雙手 芝麻醬海蜇雞絲粉皮🥢提提大家真係要撈勻啲醬先好食呀佢哋嘅粉皮係好煙韌 好有咬口唔

🇭🇰 #大圍美食無意中 ʟᴏᴏᴘ 到大圍有間岩岩登上米之蓮必比登推介 𝟸𝟶𝟸𝟷🤩 今日有時間就去試下星期三下午茶時間門口已經排緊隊，出面望入面好似好細間，原來仲有二樓，所以等左大約𝟸𝟶分鐘就入得座，係門口等候期間順便落單，入座後等食就得🍽 餐廳整潔到有改善空間，牆身有啲污糟🙁王牌推介既「好頭好尾」已經賣哂😱佢地係中午𝟷𝟸點開門，估唔到搶手到一碗都無剩唯有下次再嚟一試😢🍜 海龍王湯 $𝟷𝟹𝟶賣相不錯，聞到湯底好濃既蝦蟹味😋雖然去唔到好鮮甜，但幾惹味海蝦夠大隻，北海道帶子就差啲啲陽春麵令我有啲失望😅口感太綿，入口好似一ᴘᴀᴛ野咁真係湯底撘救拎返唔少分♥ 𝟼/𝟷𝟶🍜 蠔豉豬豬 $𝟷𝟶𝟶今次試一款應該唔多人選擇既湯麵高湯湯底有啲似麵豉湯😂純粹本人覺得友人就話湯底夠濃郁，足料既豬骨湯底呢款偏陽春面較為爽口都係個句，湯底撘救🤭♥ 𝟼/𝟷𝟶🥗 芝麻醬海蜇雞絲粉皮 $𝟺𝟺海蜇有啲少，不過不失既一款冷盤♥ 𝟻/𝟷𝟶🥤 冷泡桃香雲南紅茶 $𝟹𝟶/枝一支足夠 𝟸-𝟹人飲用入口有一下好淡既桃香味下次都應該唔會再叫😅♥ 𝟺/𝟷𝟶總括然而，真材實料既湯底係值得再一試👍🏻整體評分 ᴏᴠᴇʀ ᴇxᴘᴇʀɪᴇɴ

又是每月一餐的時候，亦係一月之星生日飯，時日太快諗唔到去邊食，諗返上年曾話過想去呢間，友人推介一於試下，因為冇得book要walk in ，大家收工即閃先到先等，thank友人先到仲要霸埋位。小的店子，好多人幫襯。餐牌，有多款湯底選擇，咩都想試，揀左陣先諗到食咩。雪梨黑豆水，$20，養生之選，味道清甜。涼拌小木耳，$30，夠爽脆呢。芝麻醬海蜇雞絲粉皮，$44，雞絲粉皮滑溜，有海蜇、青瓜增添爽口。高湯蒜子浸時菜，$32，甘甜入味。海龍皇湯，$130。有藍蟹肉/海蝦/北海道帶子/蝦頭油/皇湯/陽春麵，十分豐富，湯底味道濃郁鮮味，又不會太油膩，果然美味，麵條爽口，海蝦好大隻，但就唔算好新鮮，水準普通，帶子亦唔算好鮮。小食正常水準，湯底好味，下次有機再試呢。

多年前於灣仔食過成百蚊一碗嘅麵，當時去食都係慕一位知名食家撰文而去。嗰次嘅體驗之後覺得上咗人生寶貴一課。時至今日大圍出現百元的龍蝦湯麵亦未有因媒體報導貿然前往光顧。直至友人親嚐之後極力推薦才考慮前往，最終集八人成行，就算真係名過於實起碼都係一次嘻哈聚餐。由傳媒及朋友表述得知此店湯麵賣點著重於湯底。除真材實料仲個個都熬足七八個鐘。多人一齊去食就有呢個好處，每人試一款己經可以試多個唔同味道嘅湯。因麵底一樣大家響品嚐自己嗰份之前就分享吓個湯底試試味；第一口試好頭好尾的牛肉湯，湯嘅超濃郁感已經肯定熬咗好多個鐘頭，而味道就好似用咗幾擔牛骨再加入牛奶咁，牛味由牛骨一點一滴嘅精華滲出之後再濃縮，滑口感與牛奶入口無大分別。跟住是棉花雞湯底，味道完全同濃郁嘅雞燉翅雞湯味一樣，漿口嘅膠著口感估計源於大量雞軟骨長時間文火煲煮，溶化出來嘅成果。到自己碗雙冬羊湯，最簡單嘅味道形容就係一個炆煮一天羊腩煲嘅湯汁味道，只要鍾愛羊騷香嘅道友一聞到肯定會食指動加口水流。最後試嘅海龍皇湯一飲就知返唔到轉頭，因為蝦嘅濃香味可以連前一啖嘅羊肉湯都會俾佢蓋過，假若餐廳只以一般蝦頭及蝦肉烹煮而並非現時標示以龍蝦熬出，可以肯定此湯都