一鍋豐 (已結業)

適逢佳節要考順!有時間又是陪老媽行行街食食飯,老媽要打邊爐, 一問朋友, 原來她們最近喜歡去旺角一間叫一鍋豐的火鍋放題,任食任飲, 有刺身和雪糕甜品, 知道老媽未試過--放題為何物?就決定這間吧!幸好一早預約了位, 一到門口已經企滿食客!但入到裡面, 可能要執枱的關係, 有很多位啊?不過,之後慢慢放客入來, 真的爆滿之餘,其實這裡面積非常大, 可容納過百人!!!任飲必有的飲品櫃, 種類算多, 有啤酒, 汽水和茶,蘆薈汁等, 非常大眾化.這裡還有刺身BAR, 和醬汁, 配料.我和老媽只可坐2人位, 但梳化位也舒服!旁邊更放了一架有幾層的木格車仔,用來放食物及其他工具, 2人枱雖少, 但設備齊全!而服務員又頗熱誠有禮, 先問我們選那個套餐及湯底,經介紹後, 我們選了鮑魚海鮮火鍋套餐和澳門豬骨湯,老人家豬骨湯有益啊!豬骨鍋來了, 豬骨很大件, 而且多肉, 還有我最喜歡的粟米!原來鮑魚海鮮套餐都頗多靚靚新鮮海鮮呀!有生蠔, 鮮鮑魚, 龍蠆片, 其他蚌殼類, 好像有幾片象拔蚌??我們還叫了海蝦,刺身,  雞翼, 雞件, 響鈴, 炸魚皮, 唐生菜, 花膠, 我們都喜歡的廣東水餃, 雲吞, 手打蝦丸

我真係覺得係香港食物係無分國界，更無分季節！因為香港人一年四季都甘鐘意打邊爐而係越來越多過江龍來港，本地火鍋店都要好好甘去固定返本身既地位，所以出左任食任飲黎吸引更多客人。今日黎到旺角創興呢棟美食大樓，見到"一鍋豐"好大個廣告，而且之前見過有報導，所以就決定試下！一黎到就要揀餐先，因為每個餐既配料紙都唔一樣。今日就揀左$238 鮑魚海鮮火鍋套餐配料各類選擇都好多，而且刺身都係任食。一次滿足中日2種料理！！！值得一提，配料應該會依照落單寫既人數出，份量岩岩好，好貼心。飲品同醬料選擇都算多，而且唔馬虎，唔會放啲平價野飲出黎。刺身分別係 三文魚，白肉豚，赤貝，希靈魚，榮螺片。值得一提既係第一次見到火鍋店刺身會有白肉豚，而且油份好夠，入口即溶。赤貝雖然唔係太大件，但都好爽口好新鮮。鮮茄蜆鍋蜆份量好多，湯底都好紅。但可惜蜆有沙，會令到成煲湯底都有沙。可能食慣左重口味，覺得茄味唔算好濃，所以比較建議可以再單點蕃茄落去煲。附餐會有一盤海鮮，一共5款。包括有海斑，鮮鮑魚，有殼蠔，珊瑚蚌，馬刀貝。睇落都唔錯，色澤幾新鮮。蠔雖然會縮水，但都係正常size，味道幾鮮，但好可惜又有沙。幸好鮑魚水準唔錯，夠彈牙

旺角真係多野食，放題食厭左今次食火鍋！7點半到一鍋豐，超級多人！好彩預先訂左位，完全唔使等就即刻入得，抵讚！雖然人多但係服務依然好好速度又快。首先叫左個最平嘅刺身火鍋套餐，盛惠$188/人，基本火鍋配料同刺身任叫。首先前菜就當然係食左一輪刺身先啦！［必點推介］三文魚、赤貝、榮螺片、八爪魚跟住一叫湯底交左食物表唔使幾分鐘野食就上曬啦！速度滿分！！今次一共食左兩輪，幾乎全部嘅野食都好高質值得推薦，特別要講講個鍋底。套餐附送嘅鍋底一共十個，選擇好多差d揀唔落手，最後清清地揀左椰子雞鍋，一開蓋好濃烈嘅椰子味就湧出黎，不錯嘅選擇！**溫馨提示：記得煲左一排要夾走鍋底雞件，避免一直雞皮一直飆油影響湯底。作為成日打邊爐嘅吃貨，食物黎齊之後當然有落鍋嘅先後次序！［必點推介］（排名有分先後次序！）蔬菜類：蘿蔔件、響鈴、芋絲、白菜仔、油麥菜、茶樹菇。肉類：黑豚腩片、手切肥牛丸類：手打墨魚丸、手打蝦丸、芝士丸、蟹子丸、龍蝦丸、黑椒牛丸、海膽丸、芝士雙響丸、墨汁墨魚丸其他：花膠、白牛栢葉、魚皮餃❌不推介豆卜，口感太膠、煮好耐都唔軟唔入味，而且豆味唔香。❌不推介羊片，羊肉嘅騷味幾重，煮完連湯底都騷左。識食兩輪之

打邊爐，我最鍾意揀任食嘅，雖然質素可能冇單點火鍋店咁好，但係我覺得任食嘅邊爐先係最開心，可以麻甩地豪食一番。呢間位於創興嘅火鍋店有三個套餐可供客人選擇，我哋就揀咗中間價位嘅鮑魚海鮮火鍋餐。 可以食刺身之餘，又有多啲配料可以點到，仲有一次性嘅新鮮海鮮送，最重要嘅係，加埋一300蚊有找，所以今次想過嚟試一試質素先，如果真係好食嘅話下次就叫個象拔蚌海鮮火鍋餐！湯底嘅選擇唔算特別多，不過貴精不貴多，我哋就揀咗鮮茄蜆鍋，番茄味嘅湯打邊爐不嬲都好正，再加埋蜆肉，應該會倍添鮮甜。由於頭先講過中間價位嘅套餐係比起最平嘅套餐多啲配料揀，所以將點餐紙都係有少少唔同㗎， 例如肉眼筋，豬天梯，鵝腸，白鱔片，牛骨髓等等就要中間價位套餐先有得食喇。任食刺身一共有六款可以選擇，雖然選擇唔算多，不過主角係火鍋，食刺身都係過口癮姐。刺身落完單之後刺身先到，我哋揀咗三文魚同埋北寄貝，估唔到啲刺身又幾新鮮喎，冇雪味冇腥味，厚薄啱啱好。混醬區鮮茄蜆鍋等咗一陣個湯底就嚟到喇，係鮮紅色嘅番茄湯呀，唔係暗紅色。試咗一啖蕃茄味濃郁，入面仲有好多蜆，足料。 一次性海鮮跟住嚟嘅就係送嘅一次性海鮮， 二人份量好大盤，有海班，鮑魚仔，蠔，珊

上兩星期， 去完創興廣場$12店，得知喺18樓有間新開的火鍋店叫「一鍋豐」。於是我特意上openrice 搜尋一番， 見到食評正面之後，今日就約了個朋友去試吓 。等候食物時，我先去自助吧調教自己喜愛的醬料。基本嘅調味醬料都有嘅，例如炸蒜、生蒜、辣椒 、蔥花，但都係略嫌醬料選擇唔夠多。 很喜歡飲胡椒豬肚湯，所以叫了一個胡椒銀杏豬肚鍋。湯底比想像中好味， 有白果的清香，香濃的胡椒， 我加入花膠變成👉胡椒銀杏花膠豬肚鍋，吸收了湯底的精華，真係令我回味無窮。嘩！ 我最喜歡的海鮮拼盤出場啦！呢個係一次性的海鮮拼盤！海鮮有海班、鮑魚仔、有殼蠔、珊瑚蚌和桂花蚌。我最喜歡就係海斑和鮑魚仔。 海斑片厚切，肥美鮮甜，魚味十足。 鮑魚仔切片，鮮甜又唔韌，鮑片爽囗，打邊爐食鮑魚真是一個不錯的選擇。手切肥牛口感不錯， 油脂分佈平均， 煮到半生熟配上自製醬汁，味道更好，肉質香嫩而多汁。黑豚腩片係驚喜之作，五花腩部份，係薄切的，好易熟，又香又有肉味，亦不肥膩。海蜆肉雖然細， 但蜆肉鮮香而爽口，鮮味十足。海蝦相當大，好新鮮，只需要煮 一分鐘，蝦肉爽口，鮮味無窮。食物種類繁多， 有冬菇、響鈴、午餐肉、各色丸類等， 仲有