影片
更多
2017-08-10
767 瀏覽
打邊爐，我最鍾意揀任食嘅，雖然質素可能冇單點火鍋店咁好，但係我覺得任食嘅邊爐先係最開心，可以麻甩地豪食一番。呢間位於創興嘅火鍋店有三個套餐可供客人選擇，我哋就揀咗中間價位嘅鮑魚海鮮火鍋餐。 可以食刺身之餘，又有多啲配料可以點到，仲有一次性嘅新鮮海鮮送，最重要嘅係，加埋一300蚊有找，所以今次想過嚟試一試質素先，如果真係好食嘅話下次就叫個象拔蚌海鮮火鍋餐！湯底嘅選擇唔算特別多，不過貴精不貴多，我哋就揀咗鮮茄蜆鍋，番茄味嘅湯打邊爐不嬲都好正，再加埋蜆肉，應該會倍添鮮甜。由於頭先講過中間價位嘅套餐係比起最平嘅套餐多啲配料揀，所以將點餐紙都係有少少唔同㗎， 例如肉眼筋，豬天梯，鵝腸，白鱔片，牛骨髓等等就要中間價位套餐先有得食喇。任食刺身一共有六款可以選擇，雖然選擇唔算多，不過主角係火鍋，食刺身都係過口癮姐。刺身落完單之後刺身先到，我哋揀咗三文魚同埋北寄貝，估唔到啲刺身又幾新鮮喎，冇雪味冇腥味，厚薄啱啱好。混醬區鮮茄蜆鍋等咗一陣個湯底就嚟到喇，係鮮紅色嘅番茄湯呀，唔係暗紅色。試咗一啖蕃茄味濃郁，入面仲有好多蜆，足料。 一次性海鮮跟住嚟嘅就係送嘅一次性海鮮， 二人份量好大盤，有海班，鮑魚仔，蠔，珊
呢間位於創興嘅火鍋店有三個套餐可供客人選擇，我哋就揀咗中間價位嘅鮑魚海鮮火鍋餐。
可以食刺身之餘，又有多啲配料可以點到，仲有一次性嘅新鮮海鮮送，最重要嘅係，加埋一300蚊有找，所以今次想過嚟試一試質素先，如果真係好食嘅話下次就叫個象拔蚌海鮮火鍋餐！
湯底嘅選擇唔算特別多，不過貴精不貴多，我哋就揀咗鮮茄蜆鍋，番茄味嘅湯打邊爐不嬲都好正，再加埋蜆肉，應該會倍添鮮甜。
由於頭先講過中間價位嘅套餐係比起最平嘅套餐多啲配料揀，所以將點餐紙都係有少少唔同㗎， 例如肉眼筋，豬天梯，鵝腸，白鱔片，牛骨髓等等就要中間價位套餐先有得食喇。
任食刺身一共有六款可以選擇，雖然選擇唔算多，不過主角係火鍋，食刺身都係過口癮姐。
刺身
刺身
22 瀏覽
0 讚好
0 留言
落完單之後刺身先到，我哋揀咗三文魚同埋北寄貝，估唔到啲刺身又幾新鮮喎，冇雪味冇腥味，厚薄啱啱好。
混醬區
鮮茄蜆鍋
鮮茄蜆鍋
23 瀏覽
0 讚好
0 留言
等咗一陣個湯底就嚟到喇，係鮮紅色嘅番茄湯呀，唔係暗紅色。
試咗一啖蕃茄味濃郁，入面仲有好多蜆，足料。
一次性海鮮
一次性海鮮
20 瀏覽
0 讚好
0 留言
跟住嚟嘅就係送嘅一次性海鮮， 二人份量好大盤，有海班，鮑魚仔，蠔，珊瑚蚌，桂花蚌。每樣海鮮都好新鮮，尤其係海斑，極力推介，啖啖肉超級滑溜。
手切肥牛
手切肥牛
16 瀏覽
0 讚好
0 留言
手切肥牛
17 瀏覽
0 讚好
0 留言
呢個手切肥牛，望到第一眼嘅時候我呆咗一下，好似同一般火鍋店嘅肥牛唔係太一樣喎，平時都係一片片排開，但佢就係一堆上枱，證明解凍解得好好，係完全冇雪先畀客人享用。雖然肥嘅位唔算太多，但勝在牛味好濃，一食就知唔係平價cheap cheap牛。
響鈴
響鈴
19 瀏覽
0 讚好
0 留言
響鈴
37 瀏覽
0 讚好
0 留言
打邊爐有兩樣嘢對於我嚟講係必要有嘅，就係肥牛同響鈴卷。雖然唔係太食得出響鈴卷係咪即叫即炸，但係佢嘅響鈴有好多層係真嘅，咬落去好有口感。
花膠
花膠
14 瀏覽
0 讚好
0 留言
花膠，女生最愛，梗係要放埋落個湯底度慢慢煲，補充一下骨膠原啦。
牛骨髓
牛骨髓
20 瀏覽
0 讚好
0 留言
牛骨髓雖然唔係咩罕見嘅食材，但確實唔係間間火鍋店都有，所以一見到就一定要點嚟食啦，好鍾意呢種滑捋捋嘅感覺，當然牛骨髓本身係冇咩味，一定要個湯底好味牛骨髓先會變得好味。
水餃
水餃
14 瀏覽
0 讚好
0 留言
水餃皮薄多餡，咬落去啖啖肉。
丸類
由於男朋友唔太鐘意食丸類，所以唔敢點太多。就點鐘我最鍾意嘅蟹子丸，同埋試一試呢個新嘢，叫芝士雙響丸，外型好得意，係一個黃色嘅嘴唇。
芝士雙響丸
芝士雙響丸
15 瀏覽
0 讚好
0 留言
不得了，呢個芝士雙響丸真係會一試愛上，雖然說係芝士，但係食落去有一陣好濃嘅粟米湯味，好特別，係一定一定一定要試。
海蝦
海蝦
21 瀏覽
0 讚好
0 留言
海蝦
24 瀏覽
0 讚好
0 留言
海蝦都係任點嘅，都幾出色。食得出唔係死蝦，肉質飽滿彈牙，同蕃茄湯好夾。
見到成枱都係火鍋配料真係特別開心，所以話打邊爐一定要揀飲食嘅，唔洗就住就住點，當然我係唔會浪費食物，全部食曬㗎。
菜心苗
菜心苗
33 瀏覽
0 讚好
0 留言
根據傳統，打邊爐最後係一定要食菜，因為湯底吸收曬之前配料嘅味道，煮出嚟嘅菜都特別入味。
芝士雙響丸
芝士雙響丸
41 瀏覽
0 讚好
0 留言
芝士雙響丸
26 瀏覽
0 讚好
0 留言
食完菜之後有忍唔住返卓多次芝士雙響丸，唔食多啲我怕我好快會掛住佢。
爭啲唔記得講，除咗火鍋配料之外，呢度仲有韓國飲品同埋啤酒任飲，雖然都係一啲常見嘅飲品，但款式都好足夠。
杯裝雪糕任食
仲有軟雪糕同埋toppings可以加，小朋友就最鍾意。
我就揀咗充滿童年回憶嘅牛奶樂。
我相信我好快就會再返嚟，因為真係講唔出呢間任食火鍋店有咩唔好嘅地方，食物確實幾出色。
張貼
