外灘拾號 (已結業)

媽媽好喜歡哩間食府，交通方便之餘又請客得體。是日父親節，提早一星期訂枱都要等到八點幾先有得食，而且門口都有好多人等位。海蜇頭~脆口又好味~必食之選鎮江肴肉味道清香，食過唔少上海食府，哩間算數一數二，而且價錢非常公道燻蛋~流心得嚟煙燻味好香。肉鮮而味夠，冰涼可口雲吞雞味道一般，可試其他湯品奶油味香，顯得律白夠甜蝦仁清甜，點唔點醋都好味東坡肉味道偏甜，肉質尚算軟但非入口即溶，有個熱碗座住，只係OK上海粗炒食厭咗可以轉食炒年糕，味道同樣精彩。食上海菜淨食前菜都可以有好多正嘢，哩間餐廳好食又坐得舒服，環境新淨又高貴，係嚟食嘅人多咗變得好熱鬧。

最近食晏食到唔知食咩, 朋友介紹下認識左外灘拾號!等左唔係好耐就有得食.我地兩個人叫左花雕醉雞,本幫脆鱔仲嗌左碗外灘蒙牛刀削麵一向對花雕頭盤好有要求, 皆因我是FANS!花雕醉雞最緊要係入味, 而外灘又做到喎!(當然冇醉到番唔到工) 味道不多不少而且抵食, 呢碟我地由頭食到尾都仲食緊!再來本幫脆鱔, 為左就我同事, 唔食鱔0既我都試左試.個色深左少少但唔腥亦唔會好咸, 仲要脆脆唔覺唔覺食左好多!P.S.佢冷盤其實唔算平但真係多同其實好抵食! 比起其他連鎖真係冇得比喎.讚!!食左碗牛刀削麵(由於太趕食就無影相), 兩個女仔午餐食其實都幾夠,我地選刀削麵因為出面好少有得食, 個湯又係濃濃牛味. 真係飽到無朋友!最後食埋高力香蕉豆沙, Perfect Lunch!香蕉唔係好濃, 反而咁就食到香蕉同豆沙味道. 好喜歡, 堅持食左兩粒!大家去呢間食LUNCH應該星期一去食, Blue Monday食完包令你變成Happy Monday! 

星期五晚同兩個同事趕工趕到8點幾，搞掂晒當然嗱嗱聲一齊食飯啦！公司附近選擇唔多，見有間新開嘅中菜門面幾靚仔，就入去試下。用得外灘嚟做名，似乎係對自己嘅上海菜有返咁上下信心，咁我就叫咗d我心目中嘅考牌菜試下佢哋水準。第一個，馬蘭頭百葉卷。呢味菜，大部分上海菜館都有，但大部分都唔好食！通常衰兩範，一：馬蘭頭太乾，二：百葉粗糙冇味。呢度嘅馬蘭頭，你從相都睇得到，濕潤嘅。但係咪濕就一定好食？又唔一定係㗎喎，有時d人落其他調味汁醬，就會蓋過咗馬蘭頭嗰朕特別嘅草青味，又或者馬蘭頭根本唔新鮮唔香，就特登加d汁呀油呀遮住佢。外灘拾號呢個，keep到朕味，抵讚。百葉爽嘅，豆味ok啦，整體都係好食嘅，贏過唔少鋪頭。第二個，醉雞。喂，唔使我講都知呢味嘢幾難整得好食啦！其實佢有醉鴿添嘅，不過鴿呢比較容易整得好食，雞會見到真章多d。老實講七十幾蚊嘅雞就唔好expect有鮮雞味，不過佢算整得滑，d骨又唔會出晒血水咁。酒香唔差，酒味入到雞肉之餘冇咩苦味，似乎喺調校個花雕方面都有花過小心思。如果用d再靚d嘅酒，真係賣貴d都唔驚冇人叫。第三個，紅燒獅子頭。佢又係有個蟹粉version嘅，我又係冇叫，我估你知點解啦。佢個