Vivienne Westwood Café (Fashion Walk)

營業中

休息中

今次嚟到銅鑼灣百德新街Vivienne Westwood Cafe試佢哋既英式下午茶，即係傳說既打卡High Tea，早到仔既我自己叫咗杯焦糖咖啡自私飲，杯咖啡焦糖味非常香，隔成個身位都聞到陣味。咁以為會好甜啦，試落甜味又啱啱好。果然收得你$70一杯咖啡，點都俾番咁上下質素你。而且杯咖啡面既圖案... ...ok you win我影相人齊主菜上盤，三層高既星球架當然係俾啲食物重要啦，如果你幫條女影相影唔到個架我諗仔仔們買定啲玻璃碎返屋企慢慢跪啦。講起影相餐廳室內環境偏暗場內燈光非常混亂，人肉腳架們去到最好同待應們搵啱個靚位先好坐底。嘢食方便我同阿妹都覺得咸點勝過甜點，最低果層咸點件件都好食，最有印象個「魚子醬帶子多士」，煎得剛剛好帶子鮮味、口感都好平衡。甜點方面中間果層果個唔起眼既「小花盤仔」非常有驚喜，個樣好似玩具小花盤仔咁，但原來成個係酒心朱古力嚟。另外高層果兩個粉紅色馬卡龍靚仔得嚟仲要係好好食。至於其他甜品我就覺得都不過不失，每一件裝飾都落足心機既，如果係西太后迷更加唔會有投訴啦。一個愉快的下午茶！

我的閨蜜生日當然要諗一個好地方同她慶祝啦， 一路都好想試Vivienne Westwood Café， 地點方便位於銅鑼灣百德新街， 食飽飽仲可以一齊去shopping。 預早在openrice訂位， 大約中午兩點鐘到達， 店內環境高雅格調， 英倫氣派， 我們選了一個有利位置方便影相留念。 兩點鐘時間最適合吃high tea， 所以就點了一set英式下午茶$688，特色鹹點～ 法式鵝肝配麵包、 鵪鶉蛋配紫薯撻、 黑魚子配吞拿魚沙律撻、 蟹肉沙律撻、 酥皮蝦、酥皮帶子。手工甜品～ 馬卡龍、朱古力慕絲、 芝士撻、 提子鬆餅配奶油忌廉及果醬、 雪糕和飲品。點完餐之後我們就瘋狂影相， 然後店員為我們送上兩杯飲品mocha和花茶， 一見到杯mocha就好開心， 靚靚的westwood標誌， 好飲又好睇。 花茶味道都唔錯，refill一次後， 味道依然濃郁。食物方面有鹹點和甜品， 各款味道都有特色， 賣相精緻。 鹹點我最喜歡法式鵝肝配麵包和酥皮帶子， 鵝肝味道很香，大大粒帶子口感鮮甜。 甜品我最喜歡朱古力慕絲和提子鬆餅， 朱古力慕絲味道不算太甜剛剛好， 提子鬆餅配奶油忌廉， 非常滋味。 最後還有兩