Vivienne Westwood Café (Fashion Walk)

營業中

休息中

真係好難食，人生未食過咁難食嘅嘢，難食到我要特登寫出嚟發洩😅雖則high tea都唔expect佢有幾好食，但係畢竟係Vivienne Westwood，同埋賣相幾好睇，所以一開始對佢係抱有信心嘅，但係食完先知原來係大伏😅。一入到去張臺下面有士多啤梨汁，但係就比左嗰張臺我地（？）成個set望落幾好睇，打卡都ok，首先講咗scone先，唔會話特別好食，一開始以為佢會比cream cheese，但係食到先知原來佢比咗類似牛油溝忌廉既一pat野去搽，食落冇話特別好食，有啲失望，但至少個scone係暖既。鵝肝好鹹，脆皮係淋既😂😂，然後最上面嗰層先係最伏。最上層白色上面有綠紅色sprinkles既野，超級甜，食落係翻糖糖精味😅，食左一啖我同男朋友都食唔落😂，然後個薑餅人，望落好qq，但係食落先知原來佢唔係薑餅！而係薑味麵包（😂？？？）仲有兩個玻璃杯類似tiramisu既野，食落有酒味，中間夾住啲濕蛋糕，但係個質感好奇怪，同埋又係超級無敵甜😂，最上層得macaroon同埋水果係唔伏，其他都中x曬伏。講真真係好多OpenRice打手，仲有杯聖誕特飲，個服務員叫我哋將杯抹茶latte倒落去，然後再攪黎

今日重訪Vivienne Westwood Cafe主要係想再食佢哋嘅High Tea，早幾年疫情時同家姐去過一次，當時已經覺得佢哋嘅食物好有水準，今日再試果然冇令人失望今日難得遇上剛推出嘅小精靈冒險之旅英式下午茶，當然唔可以錯過喇佢哋嘅鬆餅仍然係城中少有嘅美味，比好多大酒店嘅鬆餅更出色，熱辣辣嘅鬆餅加埋clotted cream 同strawberry jam 簡直好味到難以形容個人覺得佢哋嘅鹹點做得比其他甜點更出色，煙三文魚菠菜卷、煙火雞牛油果醬配脆薄片、大蝦佐香辣芒果醬同鵝肝醬多士都係超水準之作！除咗鬆餅之外，我最鍾意嘅甜點居然係薑餅人曲奇，哈哈，希望係下個月嘅聖誕節可以再訪回味一次

環境復古漂亮有幾面打卡牆其中有一面係令人置身於貴族皇室之中🤭(係突登要求想坐呢個位😂)每一款鹹甜點細細件造型好精緻🤩仲有可愛的泰迪熊陪我一齊ʜɪɢʜᴛᴇᴀ🥰🍂秋之童話英式下午茶🧸☕以傳統三層架盛載，設有10款鹹甜點及2杯飲品特色鹹點🥪煙三文魚紅菜頭忌廉芝士撻🥧：酥皮口感十分脆口，內餡是紅菜頭混入忌廉芝士打成，加上煙燻三文魚及酸梅鵝肝醬多士🫓：鵝肝醬入口即溶的幼滑質感，配搭香脆可口的多士炙燒左口魚裙邊配香脆米紙🌮：左口魚裙邊微微炙燒過，食落爽口彈牙，表面有三文魚子做點綴，米紙口感香脆但食完有啲漿住牙齒布利芝士蕃茄酥盒🫔：外層酥脆，配上布利芝士🧀的香味，加上車厘茄有微微焗過，食落酸酸甜甜幾開胃，口感層次豐富巴馬火腿卷🌮：巴馬火腿鹹香味夠突出，裡面包住沙律菜🥗平衡返，黑色粒粒是香醋好解膩，係一道刺激味蕾滿滿的鹹點精緻甜點🧁開心果意式奶凍🍮：食到淡淡開心果味，唔會太甜焗蘋果脆脆卷🍎：焗蘋果清新香甜迷你雜莓果撻🥧：有士多啤梨，紅桑子，撻口感鬆化手工馬卡龍🍬：馬卡龍分別紅色及藍色，表面印上品牌logo，紅色馬卡龍食到紅桑子味，藍色馬卡龍唔知咩味，友人食到疑似藍莓味手工英式鬆餅🥧：友人覺得鬆餅散發出

於2024年10月10日去了。一向很喜歡此品牌，我喜歡形象鮮明，玩味感重。銅鑼灣除了有實體零售店外，樓上更是他們自家品牌的咖啡廳。他們一共有四個打卡位，而最深得我心是時鐘牆，西太后說每個人都該有一個叛逆的時間，除了時鐘會倒後走，更有13個小時。我點了他們的Set Lunch，前菜選了沙律，酸酸甜甜，沙律菜及蔬果都非常新鮮。主菜選了香煎西冷配意大利戈貢佐拉藍芝士牛油，牛扒的份量很大，足足有8安士，且厚身。它更配了薯條及沙律。牛油隨差牛扒的熱力，慢慢融掉，浸入牛肉中。我點了五成熟，肉味香濃，偏帶點脂肪。薯條的份量也不少，粗長的薯條配我額外點的松露醬，無可挑剔，沙律菜也鮮甜，可解主食的肥膩感。最有驚喜是現在限定的開心果奶昔，奶昔有一隻小熊造型的巧克力抱住開心果，十分可愛。入口細幼香滑，表面的開心果碎是即場打碎放上的，開心果味道強烈。這杯飲品完全滿足了我三個喜好：綠色、開心果、小熊。

當日都係無意中經過，被Vivian招牌大大吸引而享受了一頓精美的下午茶。下午茶餐叫了一份主食，甜品及飲品。主食選擇了香煎金目鱸柳，鱸魚煎得鮮甜肉嫩，半碟有沙律醬，可以自己根據需要點醬，配上甜品的栗子蛋糕，兩日食都十分足夠。咖啡都係店舖的特色之一，大大的Vivian Logo印以朱古力粉印在咖啡面上，十分有特色。

今天來Vivienne Westwood cafe為了和好友慶生，結果食物，環境，服務，衛生都不負眾望，10年前和10年後也沒有改變，非常Yummy。我好友第1次來食Dinner，也讚好不絕，要再來Encore簡單說： 無論是drinks or main dishes or waffle都是Thanks 香港還有這間cafe。加油，努力！Always support!

約了朋友補祝生日，選了這間位位於銅鑼灣的cafe, 感受一下Vivienne Westwood的裝修與佈置。 一來到餐廳已有職員立即上前查詢訂坐資料並迅速帶坐，並提供餐牌給我們。餐牌除了皮質外套的文字餐牌外，還有兩份特別用水彩繪製的特色飲品餐牌。2人用餐，總共點了1款小食，2款主食，2款飲品及2款甜品，共HKD853.6炸薯條配黑松露醬-與外面吃到的差不多油封鴨髀星球窩夫-入口即化嘅口感，非常之柔軟而又充滿風味嘅鴨髀，帶點甜味的窩夫再加上糖漿嘅馥郁，昇華了味覺與嗅覺的享受西蘭花苗香草醬長通粉-個青醬creamy而不膩，九層塔嘅香草味非常濃郁，長通粉有點偏硬小熊玫瑰拿鐵-玫瑰與咖啡的平衡恰到好處，非常香的玫瑰味，飲到非常清香的玫瑰味小熊朱古力-偏黑朱古力口味，不會太甜紅莓希臘乳酪蛋糕-先酸後甜，淡淡的抹茶香熱情果蛋糕-非常之酸，鍾意食酸味食品的可以挑戰一下

由中學時代已好鍾意依個牌子Vivienne Westwood，以前睇Nana同日劇動畫，依個牌子都成日出現。依個牌子銀包同皮帶我都用左7年左右位於銅鑼灣Vivienne Westwood Café裝修以英倫風為主，打卡之選，拍拖完全唔失禮依個素·英式下午茶用上傳統英式下午茶三層架上，食物造得超精緻呢，岩哂相機食先😎⭐️ 由底層開始介紹，蘆筍酥皮撻及磨菇酥皮撻配搭香濃的忌廉汁🍽另外傳統提子鬆餅配奶油忌廉及果醬加上手工番薯脆片👍🏻中層有紫薯撻、青瓜粒素菜脆餅同迷你未來牛肉漢堡，食材為純素芝士同Beyond Beef 素牛肉🍖頂層有柚子藜麥沙律、水果撻🍓

餐廳環境唔錯，大量座位任君選擇，座位寬敞。兩個人食，主菜叫左：豬架丶油封鴨腿🦴窩夫；擺菜可觀、味道有rooms for improvement🤣。之後再點左英式鬆餅同埋黑糖薑latte；雖然叫咗小糖但係都好甜。總嘅嚟講環境唔錯，可以提供一個舒適嘅休息地方。

慕名而來係打卡嘅好地方少少坐得舒服，但係食物一般！性價比唔高！環境有少少特色係靚嘅！午餐叫咗一個豬架賣相非常之好有沙律同薯條，但係豬本身非常之乾同嚡！我哋兩個都比較細食，但係都完全唔飽！另外叫咗一份油封鴨腿窩夫！賣相都係非常之好，但係嗰個油封鴨腿完全係好似烚嘅一樣，只係表面用火槍燒一燒！午餐就確實有啲失望，普通一間西餐廳差唔多！我覺得應該係食下午茶甜品飲返杯咖啡或茶會比較適合！見到佢個英式鬆餅好似好吸引，所以叫咗一份英式鬆餅同埋特色咖啡玫瑰latte唔錯，同埋黑糖薑latte！ 鬆餅都鬆脆好食，只係覺得果jam及奶油可以多一點！兩杯咖啡無論相同味道都非常之好！所以我係會推薦大家嚟食下午茶閨蜜或者朋友小聚一下！

🍽️ Vivienne Westwood Café 閨蜜想嚟西太后Cafe朝聖好耐了！適逢好日子過嚟慶祝👭🏻餐廳維多利亞色風格，環境舒適寧靜，無論裝修，餐桌定餐具，都非常別緻每個都係打卡位，非常適合三五知己 🩷油封鴨髀星球窩夫🪐 $198星球窩夫喺招牌嚟 一定要試試佢啦！鴨髀煎得好香，唔乾身，有油分多汁窩夫上面鋪上糖霜，配上楓糖中和翻鴨髀嘅鹹香，攞返個平衡所以唔會覺得鴨髀好鹹，味道配合得幾好🩷玫瑰熊latte🧸 $98🩷玫瑰latte $68清幽嘅玫瑰香味，配上香濃嘅咖啡深深聞一下已經好舒服，不苦澀，配搭得好好怕羞熊仔好可愛☺️☺️☺️點影都cute影相影到杯嘢飲都涼了

搵個地方下午茶，見到呢度好似幾舒服。不嬲都要打卡店嘅食物唔會有太大期望，但係呢度都出乎意料之外，食物熱辣辣，質素都唔錯。因為我哋有訂位，所以坐到窗口位。今次目的好想飲呢一杯熊仔朱古力特飲。好滿足。亦都好邪惡。叫咗兩款食物。本來想叫signature嘅夾餅，點不知佢冇油鴨比，所以揀咗呢款豬鞍。影咗啲餐牌俾大家參考吓。講真價錢唔算好平，但係銅鑼灣鬧市嘅打卡店，服務食物都OK，感覺都合格！ 店員都很有禮貌

突發性可以褪晏下晝開工時間…即興搵到朋友響銅鑼灣Fashion Walk附近食個lunch，成機朝聖全球第二家vw cafe。環境舒適寧靜，維多利亞風格到位，餐具別緻，周圍嘅食客同我一樣，攞住手機一路影（其實由尖沙咀搬到銅鑼灣已經開業咗差唔多9年）～古典氣派嘅裝修真係每一個角落都可以打卡。頭盤南瓜湯味道還可以，入口順滑。主菜揀咗香蒜蜆意粉，略嫌淡味少少。最欣賞嘅就係甜品，做得非常出色，點咗一件Earl Grey Mousse Cake，賣相有特色，濃濃伯爵茶香馥郁醇厚，加埋朱古力碎同忌廉，簡直想食多一件…招牌焦糖咖啡上邊冇拉花，用咗咖啡粉撒了一個vw logo形狀，味道唔錯。值得推介！下次會再過嚟試吓佢嘅Afternoon Tea Set同 Waffle Pancake～

💁‍♀️💁‍♂️ 14/02/2024(Wed), Dinner🍽為食妙妙一向都喜愛Vivienne Westwood呢個品牌，佢喺銅鑼灣開嘅cafe之前亦都去過食佢哋嘅Tea Set。嚟到情人節💌呢一晚，A先生睇過佢哋嘅情人節💌套裝食物都唔錯，於是呢一晚就喺度訂枱一齊慶祝情人節💌。一如之前，cafe嘅座位安排都好闊落，我哋獲安排坐喺一張4人枱嘅位置，有足夠嘅空間去放為食妙妙嘅情人節花束💐，再上埋食物都唔會覺得迫。餐廳內有唔少打咭位，牆身上都有特別嘅裝飾可以打咭。值得一提呢一晚有位外籍嘅侍應招呼得好用心，幫我哋影相時又會提議我哋上咗食物再影個構圖會靚啲。而今晚我地order咗：🔆 VALENTINE'S DINNER | 情人節晚市套餐🔆 巴馬火腿配意大利布袋芝士🧀（2人份）一份有兩片巴馬火腿、一件布袋芝士🧀同沙律菜等等，布袋芝士用刀一切內裡的成份便像熔岩般流出，芝士的外殼唔算太厚，整體口感creamy，味道唔會好濃芝士味。伴碟有啲黑色嘅粒粒，原來係黑醋爆珠，入口咬爆之後黑醋湧出，伴住布袋芝士一齊食，玩味十足。🔆 羅宋湯配香烤多士羅宋湯嘅味道偏重蔬菜🥬嘅清香，入口微酸而肉味不太濃郁。🔆 意

之前攞咗旅發局 $100 coupon，去咗vivienne westwood度打卡。原本諗住食幾件cake嘆個茶.點知佢有min charge每位150, 咁我哋唯有食埋晚飯，開頭叫咗一個西冷牛扒8安士$298,再加個溫泉蛋卡邦尼意粉$148。個意粉ok都好creamy，味道偏淡。個扒嚟到食咗第一啖酸酸地我以為個醬係咁樣，之後再唔點醬食多舊，都係酸嘅。好似啲食物變壞咗味道，後尾我哋叫個waiter更換。等咗大概30分鐘, 佢先話冇晒，懷疑佢個雪櫃壞咗全部肉壞曬。跟住佢冇肉食底下唯有嗌咗all day breakfast。一般，唔值呢個價最最最重要係態度麻麻，比左壞肉人食都無乜歉意甜品，discount 欠奉