BOLD Coffee (已結業)

深水埗基隆街一向都有好多唔同賣布料同製衣材料嘅店舖🧶今日陪朋友嚟基隆街買佢需要用嘅布 竟然經過一間以布藝做主題嘅cafe😯行咗成朝 決定同朋友入去坐下 順便食埋個lunch 叉叉電☕️cafe門側邊仲掛住咗佢哋用布整嘅menu 覺得超特別！🤩睇得出佢哋扣題嘅用心 絕對係加分位👍🏻行到入去右手邊就即刻見到用七彩顏色布條綁成的「布條牆」好靚🥹係100分嘅打卡位✨成間cafe嘅間隔都好開揚 位置同位置之間唔會太窄 同埋都唔算太細間～行入啲仲見到用布緞帶裝飾嘅位 全間cafe嘅style都好一貫👘至於嘢食方面主要係分成 all day breakfast、包類、意粉同甜品類🍝間唔中都會有當季特別嘅menu系列 我去嗰陣就係士多啤系列嘅特飲同甜品🍓 大家可以留意下呢😆我地分別嗌咗一個英式全日早餐同蟹肉蛋白沙律多士😋英式全日早餐 $148呢個all day breakfast入面嘅配料有齊晒一個傳統ADB應該有嘅元素😌有芝士焗大啡菇、煙三文魚、炒蛋、腸、煙肉、蕃茄仔、茄汁豆、酸種多士同沙律菜🥗比較特别嘅係個mini芝士焗大啡菇 唔算話非常常見～其實真係好豐盛 食完真係飽到上心口🤰🏻蟹肉蛋白沙律多士

呼應以「布」聞名嘅深水埗，BOLD COFFEE為左保留呢項傳統，細心用上布藝貫徹成間cafe嘅主題。由裝修、佈置到餐牌，布嘅元素都隨處可見👀今次係第一次拜訪呢間cafe，入門口前已經比佢大大嘅slogan ”Be Bold Not Regular” 吸引住，用Bold嘅同音去帶出「布」嘅深水埗核心元素外，更加想帶出大膽追夢嘅道理，十分有深度🫡🪡英式全日早餐 ($148)好豐富嘅All day breakfast，全碟最出色係芝士焗啡菇，Juicy得嚟又有芝士香味，中間仲夾雜住洋蔥粒，令整體有唔同嘅口感🍄其餘仲有酸種麵包、煙三文魚、煙肉、茄汁豆、炒滑蛋同沙律菜，食材新鮮，味道唔錯👍🏻🪡士多啤梨乳酪牛角包窩夫配雪糕 ($88)韓國流行嘅牛角包窩夫終於帶到嚟香港，初嘗都幾有驚喜，保留左牛角包嘅酥脆外，中間更額外有煙韌嘅質感，口感相對豐富。配合埋新鮮士多啤梨乳酪及雪糕，冷熱交替，食起嚟有唔同層次🍓🪡 Flat White ($45)Flat White 咖啡偏Nutty，豆味香濃，加上鮮牛奶令口感更綿滑濃稠☕️而且拉花賣相十分吸引，推介👍🏻🪡Marshmallow Matcha Latte (

今日同個friend去咗深水埗，就試吓呢間用布藝做主題嘅cafe店舖用一系列嘅布藝裝飾，連Menu都係用布辦整成㗎，好有藝術氣息✨又夠特別我地揀咗兩樣人氣必食嘅👇🏻夢王.卡邦尼 $128用咗日本第一刺身級嘅靚雞蛋🥚夢王蛋我都係第一次食，超香蛋香味，蛋黃醬汁濃度啱啱好，而麵條嘅質感濕潤又幼滑，仲要用厚切煙腩肉，口感更加豐富，果然係招牌👍🏻英式全日早餐$148賣相同質素都唔錯，食得到係用心製作🫶🏻🈶️滑蛋、煙肉、豬肉腸、煙三文魚、芝士大啡菇、酸種麵包、車厘茄、沙律菜同茄汁豆Cappuccino $45Latte $45咖啡方面，佢哋係用埃塞俄比亞咖啡豆，會係果香味比較濃，香味又比較重嘅，會有蜜桃同藍莓嘅味道。拉花會因應特別嘅日子會有特別嘅圖案，而我今日就有杯海馬🤭整體都好OK，無論環境氣氛，食物質素都好滿意👍🏻呢間推介呀

係一間以布為主題的咖啡店。兩點左右到都唔算太多人等位。Coffee Shop黎講都算多種類選擇有咖啡、茶、朱古力、主食、甜品。主食:英式全日早餐($128) ，夢王 • 卡邦尼意粉($108)， 羅勒青醬啡菇扁意粉($108)英式全日早餐：都係不過不失。夢王 • 卡邦尼意粉：黎到嘅時候大家都被桔黃色蛋黃吸引住，大家都未見過咁黃又橙蛋黃。普通卡邦尼意粉加上蛋黃食落好有蛋香味但煙肉偏厚同有少少濃食落有啲影響口感。　羅勒青醬啡菇扁意粉：最欣賞就係羅勒青醬食落非常有松子香味加上有少少蒜香味，唔太接受青醬味嘅我都覺得好食！咖啡: Iced Latte*2 ($50) ,Cold Brew ($55)Cold Brew，聞落有酒香味，飲落有Fruity少少，而Iced Latte飲落有Nutty味加上有奶飲落唔會太苦，飲落去整體配合都唔錯。*整體份量以為偏少，但食完加上有叫飲品就岩岩好。朋友話見到網上拉花圖好精緻想叫杯打卡，但係點錯左😂唯有下次先叫熱咖啡睇下拉花圖案。稍微望左一下甜品好似唔錯。