川味雞烤魚大王 (大河道)

營業中

休息中

天氣突然又急降，有一段時間沒有吃烤魚，今天記得朋友介紹過這家在荃灣的川味雞烤魚大王，就和太太一起來試試。餐廳主打麻辣烤魚，亦有重慶雞煲可選擇，另外餐廳另有多種前菜小食可供選擇，亦有多款不同啤酒。藍妹 $35吃麻辣烤魚，少了不一杯啤酒，個人偏愛藍妹啤酒，入口順喉而富有麥香，同時十分解辣。茴味雞翼 $30先點一客小食，炸雞翼外層焦香酥脆而內裡嫩滑，雞肉肉質軟嫩不乾澀，最令人有驚喜是店家的調味，辛香微辣，令人吃完一口又一口，十分惹味。重慶麻辣烤魚(海鱸魚) $268侍者端上桌後會以電爐持續加熱，一股麻辣香氣撲鼻而來，點了最經典的的重慶麻辣味道，湯底麻辣鮮香，層次分明，不腥不燥，回味悠長。烤魚選擇了海鱸魚，江團魚魚肉厚實而少刺，皮滑肉嫩，肉質肥美魚味濃郁，十分適合麻辣烤魚的食法。黑毛豬肉片 $68吃完烤魚可以直接加入火鍋料，黑毛豬肉油脂分布恰如其分，厚薄適中，輕嚼一下，肉質鮮嫩，豬肉味濃郁。萵筍 $42其實很怕火鍋吃有菜葉的蔬菜，因為會把油脂及辣油完全吸收，故此以萵荀這類不吸油份的蔬菜似乎會更適合及健康，同時能吃到食材自身獨特的味道和口感，萵筍切成小片，味道清新，口感爽脆。寬薯粉 $28最後點

忽然想食烤魚，又搵唔到邊度有，經過入去試吓呢間叫咗原條魽魚+剁椒烤魚(指天椒)上枱時椒香撲鼻，原條魽魚上好霸氣成條魽魚煎香過先放上盤，表皮微脆湯底叫小辣就唔會太辣，味道一樣濃郁睇到有好多辣椒、泡椒、酸菜、蔥、芫荽、芽菜、白蘿蔔等，好多底料酸菜令湯底辛辣中略帶少少鹹酸味，又幾夾同幾開胃湯底愈煮得耐會愈入味最初唔太辣，但愈食得耐會愈辣辛辣度夠晒刺激魚皮連魚肉都好重椒味，連配料都入晒味魚肉新鮮，唔鞋口，魽魚魚質鮮嫩滑溜而且夠厚肉，好紮實，食落可以啖啖肉因為魽魚一般係大骨，無乜細骨，比較容易食成條魚唔會好易散開搵唔到魚肉好易夾到啲魚肉，而連剁椒麻辣湯底就好香口除咗雞煲烤魚同打邊爐嘢，仲可以叫少少川味小食招牌口水雞一小碟可過口癮，一般係雞胸同雞髀部位醬汁重麻味同花生味，味道係幾香而茴味雞翼就以脆炸方式炮製，表皮略脆表面食到有啲孜然味，好香口略嫌有些微乾，如果鎖多啲肉汁會更好至於涼拌萵筍絲就幾好味將萵筍切成幼絲，條條都好爽脆加上麻辣味醬汁，特別香口。整體價錢算幾合理不過人流較多，如果想避開人流最好揀6點前或9點後嘅時間

荃灣地頭蟲帶我去食好嘢，佢話食港式烤魚😂我就諗咩叫港式，我喺香港同大陸都食過烤魚啦😂😂真係未聽過咩係港式烤魚！一入座好有港式串燒店嘅感覺~~我地嗌咗涼拌青瓜同茴味雞翼，醫一醫肚等烤魚上~~碟魚上枱時我就明明地喇，佢個烤魚唔係好似一般烤魚店咁火爐上，而係啲枱本身就有個電磁爐，放個長方形鐵盤上，真係有啲港式味道！我地嗌咗海鱸魚，貪佢得條正骨，食落啖啖肉~~~配菜係咁易啱咗肥牛同雙併丸，因為食開烤魚都知佢裡面配料多，酸菜、豆芽、薯仔、旺菜......，絕對食得你飽好彩最後我地真係清得晒😘😘

Yeah 今晚dinner食魚 平時酸菜魚水煮魚就食得多 烤魚第二次食咋🤣 特登揀咗荃灣呢間有雞煲又有烤魚食嘅川味雞。烤魚大王同男朋友食🥰未夠七點去到已經八成full左 好旺場喎😯 男朋友決定話食泡椒烤魚😋 於是我哋叫咗泡椒原條魽魚 打算再加啲打邊爐嘅材料😛先叫小食食住等先 茴味雞翼😎 試吓有幾回味先😂 雞皮炸得好香口 雞肉仲好juicy 有啲孜然嘅味道 似譚仔加M記🤔 勁好食wo😋泡椒烤魚上場啦😍😍😍 遠遠已經聞到個湯底好香好麻辣 因為我第一次食泡椒烤魚 職員仲介紹泡椒湯底食嘅時候酸酸辣辣 但後勁會強啲😛 唔夠辣可以再加😎魽魚都幾大條無咩細骨 好易食 肉質好嫩滑😍 魚皮烤過好香 煙韌得來又滑😋 咁樣滾住黎食keep住熱 就可以慢慢食 滾左成晚魚肉質都唔會話好鞋😎泡椒湯底奶白色 幾清無重慶麻辣咁油 唔怕肥🤣 但都有麻嘅勁度 越食越過癮😋 食到咁上下可以打埋邊爐 落啲雪花肥牛好好食阿 肥瘦適中 淥兩淥就食得 又幾有牛味wo 再吸埋啲泡椒湯 爽🤪韭菜餃係自家製 餡料十足 勁香韭菜味😋 不過千祈唔好淥太耐 自家製皮容易穿 唔似冷藏嗰啲😛食泡椒梗係要飲啤酒啦 獅威$20一支抵飲😯 飲多幾支都唔

荃灣不嬲都出名多好野，雞煲丶邊爐丶放題應有盡有🤤，而講到食烤魚🐟，呢間川味雞真係不食不可😝😝佢喺大河道附近，喺地鐵站由天橋行過黎都唔駛5分鐘，去到接近七點，都已經接近坐滿八成人，好彩咋~~~~嚟得呢度就梗係要食佢個烤魚啦，有不同湯底同魚揀，最後就決定食麻辣魽魚(大) ，因為即烤關係，都等咗大概20分鐘先有得食👻😈一上就已經見到不少紅紅既辣椒🌶同埋見到有豆豉去增加唔少香味👃🏼👃🏼而味道方面，個辣好溫和吓，慢慢咁先有感覺，食落好舒服😌而條魚好大條吓，兩個人好夠食，啲骨好大條，唔驚會噎親，魚肉大大嚿，加埋麻辣湯底好有味道👅👅而塊皮真係要搶著咁食，上面有孜然料調味，再索埋啲湯，真係不得了🤩🤩除咗食魚之外，都叫咗碟雞翼食，$28四隻，絕對抵食之選😘😘外皮炸到香脆再加上孜然粉，真係啱哂送酒🍺🍺食，但如果嫌佢太重口味，都可以將佢浸一浸湯食，咁就多一重口味，多一種食法👨🏼‍🍳👨🏼‍🍳見佢個湯咁好味，都決定嗌番兩款配料食吓😋😋豬頸肉雖然40蚊唔駛，但都起碼有超過十塊，而且每塊都唔細，而🐷頸肉唔怕佢overcook，可以俾佢不斷索哂啲湯入去，仲可以保持佢既爽脆😘😘而烏冬都係，所以佢地真係越食就越好食，個湯

依家想食烤魚唔使再返大陸，荃灣呢間川味雞烤魚，更加係好鮮好夠味，放工諗唔到食咩就會心思思想食～麻辣烤海鱸魚$238好大原條鱸魚🐟，上面鋪滿辣椒，仲有薯仔片，芫茜，蘿蔔片，同埋香濃既重慶麻辣湯底，等湯沸騰後，魚片混合左麻辣湯底，認真滋味，辣得過癮（我地叫左中辣）茴味雞翼$28雞翼上灑左茴香粉好特別，皮又夠香脆，肉又滑嫩～自製韮菜餃$38估唔到餃子都好出色，韮菜香味同麻辣湯底好夾～個湯底咁正，我地再加左碟牛肉煮黎食，最多食完行多幾個圈減肥😂

朋友是晚再接再勵到百貨公司執平貨，可惜最後空手而回～🙈🙊當我費神在想想晚餐食什麼時，朋友卻建議食我鮮有食的烤魚。離港鐵站不遠處有間專門食烤魚的店舖，好不熱鬧！魽魚售罄，於是便點了鯇魚。魚有分特大、大及小的Size！我們只得兩個人，無疑叫小半條就足夠！辣度亦有分大、中、小及無辣。酸菜小半條烤鯇魚 - 其實都幾大條！鯇魚夠新鮮，所以沒有丁點腥味。魚肉食落鮮甜不嚡口。耐熱度也不錯，長開GAS爐烤著，魚身沒有變焦及痴底！而且伴有娃娃菜、芽菜、白蘿蔔片、蕃茄仔，感覺健康！皇帝菜 - 口感柔軟爽口！而且很少地方有供應，$26的價錢當然唔執輸叫番個清清腸胃佯作健康！自家製鮮蝦水餃 - 看似平平無奇，不過食落才知皮薄餡料多～內含蝦肉及木耳，均告爽口味美！手切特級安格斯肥牛(細) - 薄切帶點晶瑩剔透，肉質柔軟，肉味甚濃亦帶油花！食一碟實在有點不太夠喉.....茴味雞翼 - 煎得皮脆金黃，肉質嫩滑外香料味道甚濃。再滲上蔥花及香脆的芝麻，更為惹味無比！

同同事去開呢頭做野, 見間野個樣唔錯大家又鍾意食辣就入去食個tea啦。大家都唔係話超肚餓又未食過呢間野就求其點幾個小食試下啦, 分別係涼拌川辣味魚皮,茴味雞翼同涼拌豆腐。豆腐呢家野我本身就覺得冇特別唔想嗌架喇, 個同事又係都話想食就就下佢啦, 點知又真係正喎, 個豆腐索曬d辣汁, 個汁又夠惹味喎(有種獨特既香味), 同個同事好似爭食咁係咁食,呢個強力推介, 不過唔太食得辣既就免喇(可能可以嗌少辣, 我地冇試)。之後個雞翼就食唔食得辣都食得喇, 呢個老闆冇推介錯, 個茴味冇得頂, 一上枱已經大大陣香味, 雞翼仲大大隻, 算係抵食之選。最後個魚皮我同同事都冇係其他地方食過, 大家都覺得好特別, 勁爽口彈牙, 個汁就近似豆腐個個但冇咁辣, 值得一試架, 係個價錢比較貴咁啫。最衰就冇咩時間, 唔係實叫多幾款試下, 下次就黎試埋佢晚餐烤魚!!!

開宗明義，來這裡當然就是為了重慶麻辣烤魚，選了小半條鯇魚($172)，魚放在爐裡上枱，令魚一直都能保持温度，可以讓客人慢慢享用，湯少了又可以叫職員加湯。魚很入味，十分大條，十分新鮮，有很多肉，十分香濃，喜歡吃魚的話一定會很滿意。另外還點了幾款小食：麻辣牛展、及涼拌川辣味魚皮，麻辣牛展極有口感及嚼勁，入口既麻且辣；茴味雞翼皮脆肉嫩多汁，真的是讓人吮指回味；涼拌川辣味魚皮好像很少地方可吃到， 煙煙靭靭沾滿辣汁，味蕾大刺激！

12度的天氣，除川菜外，別無他求 。放工，到荃灣覓食，發現一間小店專營烤魚雞煲，當然和摰愛好好享受一個熱騰騰的晚上 位於荃灣大河道91號天保大廈地下F1號舖的店舖，經過荃灣四通八達的天橋，一落樓梯就看見。覓食難度係零 店舖有室內及室外位置，任君選擇。這麼冷的晚上，坐在室內是常識吧～不用等位就安排入內就坐。今天選擇了以下菜式：小食：茴味雞翼                                 (HK$28.00/ 4隻)招牌口水雞 (例牌)                    (HK$68.00)涼伴川辣味魚皮                        (HK$56.00)主食：重慶麻辣烤魚(魽魚) -　大          (HK$228.00)火焰芝心包　                           (HK$48.00)特級雪花肥牛                           (大~HK$68.00/細~HK$98.00)差不多七時正，肚子響了警號，先點了三個開胃小食～茴味雞翼香味撲鼻，一來便嗅到煎香雞翼的味道。半煎炸的雞翼顏色剛剛好，沒有燒焦

上星期六趁假期, 入了荃灣探朋友, 並在附近食飯. 大家也知道荃灣多野食,今次去了一間特色小店食, 就是位於大河道的川味雞烤魚大王.一見到川味, 不食得辣的我都有點擔心, 但朋友叫我放心, 這裡的辣度可以選擇,客人可以因應自己口味而選擇, 這裡最細就是BB辣.小食點了涼伴粉皮和茴味雞翼.涼伴粉皮份量都幾大碟.除了粉皮外, 仲有雲耳.平日我多數食混入芝麻醬的粉皮, 而首次食混入麻辣醬.這個醬只是微微辣, 唔食辣的朋友也食到.食多了, 就會略略感覺條舌有少少麻.粉皮軟硬度適中.茴味雞翼.上枱時熱辣辣, 我好鍾意這個帶有香草味的醬.外皮微脆, 有點惹味, 而內裡的雞肉夠嫩滑. 食咗兩隻仲好想食, 來這裡要一試.主角出場, 我地今次無點魚, 選了藥膳雞煲. 上枱時已聞到藥材的香味.第一時間就是飲湯先, 由於加入雞, 所以好鮮甜, 再加上藥材的甘香, 非常好味.有些怕聞藥材味道的朋友也可以一試,, 因為當中只有甘香, 而且近年也越來越流流食藥膳, 對身體也有益處.一口氣飲了幾碗湯, 係時候食下雞. 雞肉也算嫩滑, 而且仲多咗一份藥材的香味.差不多食完雞, 由於都有點飽, 我地只點了兩款配料打邊爐