丼瀛 (已結業)

今日同朋友咁啱去開觀塘工業大廈攞野，經過見到呢間日式餐廳，見到門牌幾得意，寫住 ”520 1314”，就入去試下。入到去裝潢簡單，但空間幾闊落，算企理乾淨。唐揚脆香雞定食野食款式有頗多選擇，最後揀左呢個lunch set。跟set 有沙律、飲品、茶碗蒸、及味噌湯，成個set 都幾豐富。唐揚脆香雞既雞肉應該係即炸，新鮮熱辣，外皮非常香脆，咬開仲會爆肉汁，食嘅時候要小心辣親個嘴🤭，認真唔錯!海之幸丼朋友食呢個lunch set 都好豐富，有三文魚、赤身、油甘魚、赤蝦、蟹肉、三文魚籽，刺身好新鮮，食落好鮮甜，份量唔少，三文魚赤身油甘魚都勁厚切，非常肥美，入口充滿油脂，連埋其他幾樣海鮮mix 埋嚟食，朋友話呢個丼好食都無得頂，攪到我下次都想試下佢既刺身添😋!餐廳嘅定價唔高，服務態度好，值得支持!

🐈✨✨✨✨✨✨✨💛🍽️ 丼瀛 JCITY @jcitykt📍觀塘駿業街56號中海日升中心1樓B號舖 #觀塘eatmeow好 #九龍eatmeow好平時都會喺駿業街搵食，今晚見到呢間丼瀛，門口隻戴罩麵包超人好可愛 !! 💛 咁啱晚飯時間又想食日本嘢就入去試吓( ´▽｀)佢地近排做緊優惠like 個ig就有優惠券可以用 👍🏻 呢頭都好多Office，好推介大家公司放lunch/放工過嚟食個飯，性價比幾高 !! 🔥👨🏻‍🍳🤳🏻原條日本空運飛機魚刺身 $188 ❤️‍🔥呢個刺身上枱好靚，成個擺設咁~魚頭連魚身卷成一個圈中間係切好咗嘅生魚片，另外用生魚片切咗一幅好似大鵬展翅咁嘅大雀，仲有用生魚片卷成嘅玫瑰花球，就咁數都見到條肉多肉🤤 我有時都幾鍾意由餐廳決定上咩魚，可以試到啲平時一定唔會嗌嘅刺身🐟呢款魚肉新鮮，佢哋嘅師傅每一片魚肉都切得幾剔透，入口有魚肉刺身肉感，唔係入口即溶嘅質地但係另一種好食😆 佢地會特別整個酸汁+蘿蔔蓉+日本蔥嘅調味醬料，點刺身清清地又開胃🤤我個人幾欣賞呢個刺身，一嚟擺盤真係好靚✨，二嚟口感味道岩我口味😋👨🏻‍🍳🤳🏻魚湯加配烏冬我地差唔多食曬啲嘢食嘅時候以為佢哋上漏咗個湯，原

丼瀛地點在觀塘工廈附近, 平時收工後周圍食店都無乜生意,係得佢仲咁旺場~所以去試下先!入到去係一種好貼地既日本餐廳,價位唔貴, 岩晒收工同朋友來食飯傾計,唔怪得有咁多捧場客!茶碗蒸 $38好滑溜~牛油果金龍卷 $68中間是炸蝦+青瓜, 上面舖了牛油果配沙律醬一件一口~什錦天婦羅 $78有3隻天婦羅蝦+4件天婦羅蔬菜上檯好熱, 即叫即炸, 唔錯唔錯燒日本花魚 $68呢個好推介燒得好香口, 魚肉厚身juicy!鵝肝和牛炒飯 $168炒得好有鑊氣, 貼近港人口味內裡有唔少和牛粒, 幾好~

臨別依依，要搵間充滿香港情嘅餐廳食飯，朋友鍾情日本菜，最後決定揀呢度。💕未食已經被環境四周攝住了眼，連豬、連儂牆盡在不言中嘅回憶，聽住喜歡嘅音樂進食，胃口大增。點了茶碗蒸、蟹肉卷、壽司杯、炸蠔、芝麻雞翼、仲有炸豆腐。6樣嘢食，兩個人份量，應該夠食，唔夠先再加。每道菜上枱，侍應都會禮貌兼用心咁介紹菜名，呢份發自內心嘅殷勤，真係會令用餐感覺更愉快！🍥茶碗蒸($38/碗)：滑捋捋，鹹淡度適中。🦪吉列廣島蠔($48)：蠔唔會太大隻，炸漿亦唔厚，每人食兩隻都唔會覺得太滯、太油膩。🍣碎三文魚松葉蟹肉卷($68)：每粒都四四方方，剛好一口食晒，口腔充滿三文魚油脂香，蟹肉嘅甜。🍗芝麻雞翼($48)：炸得金黃，但仍保持到肉汁，入口香脆美味。🥢木魚花炸豆腐($58)：侍應話可以點汁食，又或直接將醬汁淋上豆腐伴混食。前者食法仍保留到木魚香脆口感，但豆腐未必能沾上醬汁；而後者將醬汁伴混食，起初擔心會太濃味，但事實又唔會喎，只不過真係會稍微減低了脆口度。🍱最後當然要講埋超靚嘅壽司杯啦。“築地壽司杯”($188)，刺身包括三文魚、,碎葱吞拿魚蓉、帆立貝、蟹肉蟹膏、黃金魷魚、甜蝦。壽司杯極吸晴，完全配合到相機食先。

之前係牛頭角翻工嘅時候同屋企人食過一次個次仲因為睇錯咗大廈要屋企人等我差唔多45分鐘🫣今次終於識路 知道係邊度🤣🤣🤣💛丼瀛十二風味 (師父發辦) $398有四客刺身、八客壽司杯 由右上講起🤭曹以魚壽司 爽口嘅魚肉 第一次食又幾好味喎～間白魚壽司 係好嫩滑嘅口感海膽壽司 首先生得好靚 食落好甜 好creamy😋吞拿魚腩蓉 正常發揮磯煮鮑魚 有口感 無煮過龍帶子刺身 好大粒 加埋檸檬好開胃 新鮮又厚肉👍🏻牡丹蝦刺身 超鮮甜 真係好好食😋赤貝刺身 爽口彈牙 但又唔會韌魚子魷魚壽司 配飯一流 魷魚唔韌 甜鮮蟹膏蟹肉蟹子壽司 蟹盛宴 最鍾意蟹膏😋三文魚腩壽司 勁厚勁大塊 油脂比例好好👍🏻芥末八爪魚壽司 唔韌 有咬口 調味都做得好好💛菜碗蒸 $38蛋好嫩滑 可惜在量少咗 好食想食多啲🤭🤭佢仲有一粒雞胸係底 多咗一個唔同嘅口感💛酥炸池魚仔 $48唔會好厚粉 炸得剛剛好

家中老刺蝟離世,唔清楚佢到底幾歲,因為佢係人地既愛情遺棄品,醫生都估計唔到實際年齡,火化簡單進行,入爐後我大約有一個鐘時間,食個飯等一等,search左附近有哩間良心日本菜,去hea一陣啦,到門口時未到營業時間,係門口睇定想食咩,同埋睇下佢地既裝飾,好有心思,睇到帶藍蛋糕入場既切餅費果下笑左出黎,夠鐘開門,探好熱填好紙仔入座,店內音樂好好聽,好舒服,先叫杯啤酒,難得半日唔洗開工,飲返杯先啦,刺蝟仔好老,有唔捨得,但唔係會傷心到呼天搶地,佢走前幾日情況好差,醫生都做唔到d 咩,希望佢唔好咁辛苦,好啦,叫左個三文魚子,海膽,toro蓉丼,我唔食蔥,叫左走蔥,套餐黎到,有茶碗蒸,味噌湯,沙律同餐飲跟埋,味噌湯有豆腐有海草有蔥沙律係芝麻醬汁,茶碗蒸有冬菇同雞肉,蛋夠滑,亦夠味,好食!個飯黎埋,影張合照先.三文魚子,toro蓉堆滿滿,三文魚子雖然唔係大粒果隻,但都脹卜卜,粒粒飽滿,toro蓉同海膽都靚仔,撈飯真係好好食,山葵我就冇食啦XD飯量比較多,食唔曬啦.咁既價錢同份量的確好抵,男店員好興趣點解有人一早飲酒,其實都中午,唔早啦,女店員又好細心,電話響,火化完成.上去接返隻豬仔先...桃呀,多

第一次食呢間丼瀛 之前一直都係聽朋友介紹過食完既整體感覺係 平穩中有d 小驚喜啦 餐廳環境係唔錯既食物都上得快 叫完野無幾耐 就送左茶碗蒸黎 既然係送既 都唔會有太大期望 所以都係一般水準 蛋味濃郁既 唯一問題係唔夠熱 然後就係佢既主菜 丼瀛12 味佢樣樣野都唔差 元貝 鮑魚 蝦都係新鮮有鮮味佢既芥末八爪魚簡直係岀色 辣得黎都仲食到八爪魚本身既味唯一一個要批評既 係海膽！ 唔知係我地果日唔好彩定點 食落好苦 一d 都唔新鮮 然後就係最令我地覺得最驚喜既兩樣野 炸雞翼 同 海膽熔岩雞翼炸得好脆 味都調得好香口 有椒味得黎雞味都仲係到 而海膽溶岩 我地自己就估岀面果層應該係墨魚丸 佢同入面d 海膽係配搭得好好 兩者拎到既平衡都相當微妙～～總括而言 經過果頭 諗唔到食咩 不妨入去試下！