和処 酒肴 (已結業)

今年生日老友問我想食乜, 我考慮左一陣, 結果都係同對上幾年一樣: 日本菜。今日放工老友揸車接我去到尖沙咀呢間位置都幾隱蔽嘅日本餐廳, 餐廳位於漆咸圍呢條小巷, 設有標位泊車。餐廳門面設計非常有型格, 營業時大門都是關閉的, 店內座位唔多, 我地未到7點到餐廳都差不多全場滿座。晚市提供兩款分別係$880同$1250嘅Omakase餐選擇, 係香港可以$1000有找食到Omakase確係唔易, 唔怪得咁早已經滿座。我地揀左$880嘅Omakase潮, 入面包括左前菜, 刺身, 手握壽司, 茶碗蒸, 主食, 湯同甜品, 非常豐富, 我地坐係Bar枱前可以邊食邊欣賞師傅製作, 日籍師傅除左精通英語之外, 仲識少少廣東話, 溝通絕對不成問題。😙Omakase 潮(USHIO)前菜雖然Menu上寫前菜只有3款, 不過實際卻係非常豐盛而且擺碟好精美。有幾款都好少係日式餐廳品嚐得到,  當中我最喜歡係自家製嘅黑松露蛋餅同魚餅, 海菠蘿亦都非常爽口惹味。除此之外, 前菜仲有白子, 口感綿滑, 配上薑蓉, 蘿蔔蓉食, 非常美味。😋刺身刺身分別有金目鯛,  𩶘魚同左口魚, 呢3款刺身因為都係日本直送比較矜

今日同朋友試一試一日本人主理既omakase餐廳。餐廳共提供三個餐，我哋揀咗中間價位嘅「潮」。首先會有一系列嘅前菜。有金山寺味噌青瓜、大蔥豬肉丸、箱押壽司、鰿魚、玉子、豆腐波菜、枝豆。我個人幾鍾意鰿魚，用麻油撈過再加上芝麻粒，香氣十足～仲有個黑松露玉子，有陣陣黑松露同蛋香。另外都喜歡爽脆嘅青瓜配上微甜、充滿豆、米香氣既味噌，清爽又開胃～之後係三款刺身，分別有左口魚、鰤魚同鱲魚。日本蠔～有成隻手掌咁大隻🤩隻蠔味鮮而甜,肉質油潤，而且有海水鮮味。蠔身面上有三文魚籽，更加提昇生蠔口感。兩款熱食廚師介紹既梭子魚口感同配搭都幾特別，用上鴨蛋蛋黃作點綴，梭子魚入面包住南高梅同蝦，口感豐富。牛油烤雞雞肉烤得皮脆肉嫩，而且無論主角雞肉同配角洋蔥同金菇都充滿牛油香。連盛戴食物既器皿都別有用心，葫蘆瓜樣既器皿分三層盛戴，上層放木魚湯汁、中間蔥及芝麻，最底層係茶碗蒸。估唔到個茶碗蒸可以咁出色，非常滑！入口似豆腐花，加上不同配料，例如帶子、蝦、豬肉，味道鮮甜。一輪既熱食後送上壽司八貫黑曹以黑松露油甘魚黑松露十分香但又唔會遮蓋油甘魚既油香。金目魚幾肥美～肉質細緻柔嫩小鰭魚有清新醋味配南高梅帆立背 好鮮甜～吞拿魚

連續第6日食日本餐，其實食到今日都已經有少少厭，不過約咗就點都要嚟啦，而且乜食日本餐真係會厭㗎咩？訂位就當然要坐壽司吧檯，最期待就係見到自己個名嘅摺紙！呢度嘅店員非常鍾意摺紙，仲好有心咁用每位客人嘅名摺紙出嚟，超超超窩心！餓媽卡些 ($450)前菜拼盤隻碟好似一隻大船，有兩塊紅葉，裝飾得幾細緻蛋卷：入面包住昆布，不過啲昆布好幼細，基本上都係當佢係普通蛋卷咁食山葵八爪魚：撈埋希靈魚及魷魚乾，第一吓有啲潺，但唔係好核突嘅口感，反而係滑溜嗰種，山葵味濃不過唔嗆雜魚卷：好有趣，係好多魚肉打成卷狀，即係魚蛋啦，不過係魚味好濃郁嘅魚蛋，上面嘅係紫蘇葉炸蓮藕：好似薯片嘅口感，炸得恰到好處，唔會有難堪嘅油膩味道青瓜：唔講真係以為係糯米飯釀青瓜？其實一粒粒嘅係金山麵豉，發酵嘅豆香味濃但一啲都唔鹹茶碗蒸超滑溜，入面仲有好少會喺茶碗蒸入面出現嘅白子！自從上次唔記得喺邊度食完之後，對佢嘅不安一掃而空，再加上蟹肉，咁材料豐富嘅蒸蛋，俾多個我可以嗎？燒物白色嘅係燒左口魚，平時食開燒左口魚邊，今次食左口魚肉，肉質好結實，好有咬口感；上面嗰條徘徊在似薑又蔥之間嘅係薑芽，酸酸哋，不過記住只可以食白色部份；旁邊嘅醃蘿蔔上

以往嚐過的厨師發辦，都是出自本土師傅之手。今次特意想找一間由日本師傅親自操刀的食店品嚐厨師發辦，看看感覺有甚麽分別。在九龍區有供應厨師發辦的食店不算很多。用Rider radar搜尋期間發現了一間新開張的食店，跟J找了一個Happy Friday night前來一探。食店位於尖沙咀區，但交通不算便捷，從地鐵站前來也差不多要十分鐘的步程。食店以供應厨師發辦菜式為主。店內環境不大，壽司吧枱大概有九個座位，連同兩張用餐桌，一晚最多只可以招待十五位客人左右。要應付十五位客人好像只是一個很小的數目，但是全店其實連同樓面只由三個人運作。樓面女服務員除了傳菜，還要負責清理客人進食過後的餐具，及後連洗碗也要兼顧。至於另一位年青師傅仔，便負責前菜及厨房準備食物的項目。除了在預備前菜時有機會跟大家見面之外，其餘大部份時間都是躲在厨房忙去。最後還有日籍食店老闆。既是老闆，也是厨師發辦負責人。要兼顧壽司吧枱的項目之外還要經常在吧枱厨房兩邊進進出出，一眼關七。除此之外，老闆還是一位唎酒師。食店另有一間清酒吧房，大概可以容納四至五位客人，不過因為冷櫃壞了而沒有開放。肯恩很難想像若果食店用膳區與清酒房全開滿座的話，

雞年的第一個工作天,相對輕鬆地完成了當日工作而且準時放工,突然有種心血來潮的感覺, 想去尖沙咀或銅鑼灣區來個獨享的精品晚宴,食好飲好一些;馬上在品酒群組內請教,即時有師兄說昨晚去了尖沙咀了一間日菜餐廳,嚐到的食物既精緻又十分美味,還可飲到品種多樣的清酒;收到了餐廳名字,就用Openrice大神查看了一下,當下一刻尚未看到評價,估計餐廳應該是新開的,作為勇者號的我就更加有興趣了!對比過資料之後,選擇了搭地鐵到佐敦,再步行至餐廳所在的漆咸圍,腳程也只是十分鐘左右就來到了餐廳;門面的裝潢風格簡約低調中帶點和式的高雅,顏色配搭得宜,加上望上去多少有點神秘感,更加有期待!剛進去,就有位漂亮的女侍應生來招呼,並自我介紹了她是餐廳的唎酒師;她說餐廳其實有兩部份:大堂主要是壽司吧,若想一睹日籍老闆兼廚師的料理製作過程就選大堂;另一邊廂是Sake bar,主要是以品嚐由日本直送至此餐廳的清酒或燒酎或啤酒等的酒類,而且可伴以餐廳的料理去細味!既然有唎酒師在場,當然選Sake Bar,順便可請教一下關於清酒的知識!在Sake Bar坐下後,望著吧檯對正的兩個大冷藏酒櫃,內裡有頗多款式的清酒,而旁邊的酒架就擺