鮨千月 (已結業)

老公生日，緊係去食自己鐘意嘅嘢😂日本菜可以定義為比較得體嘅選擇，所以今次生日搵咗幾間Omakase。左度又度，最後揀咗衣間位於天后嘅日本菜，貪佢有個維港睇吓😂上到去，一副日本武士盔甲款接，地方唔算大，格調上有別於平時嘅Omakase，由於有個小露台，所以自然光充足，如果想要拍拖靜靜暗暗地果d 格調就唔太適合，但我同老公反而鐘意佢夠光猛，感覺上比較casual。廚師唔係日本人主理，有d 人可能會著重衣個同日本廚師交流嘅部份，但我地又鐘意香港人打理，流暢嘅溝通，品嚐得更細緻。Lunch Omakase 有2個價錢，一個「森羅」$580，而我地揀咗有生蠔嘅「萬象」$880。包括沙律、茶碗蒸、日本生蠔、刺身4種、壽司9貫、湯同埋甜品。沙律有西瓜，我竟然有少少驚喜😆1.北海道厚殼蠔 + 青檸 +即磨岩鹽 我個人超鐘意食生蠔，大小通吃，除咗喺大阪食過咁大隻之外，好耐冇食過巨形生蠔，厚肉，爽甜，少少海水味，真係好正👍🏻2.蝶魚薄切，帶子，北寄背，大拖羅 食蝶魚時建議加一兩朵伴碟紫蘇，入口一陣淡淡花香香氣，好清新。大拖羅完全冇失望，入口即融。3.深海池魚壽司4.伊佐目壽司5.赤目壽司以上2款魚，我有少

期待咗好耐嚟食，因為呢度可以望到維港景色，但可惜今日落超級超級大雨，勉強睇到尖沙咀嘅景色，如果係平時嚟一定好靚森羅 ($480)有沙律、茶碗蒸、刺身4種、壽司4件、刺身飯、味噌湯及甜品，$480有omakase有呢啲食其實真係超值，外面最基本都$600起跳間八薄切第一塊乜都唔點，先試吓魚嘅味道，的確白身魚都係要咬耐啲先出魚味，千祈唔好一吓咬完就吞呀！第二塊配上加咗蘿蔔茸嘅酸汁，魚嘅鮮味會更突出。第三塊就加埋紫蘇花碎食，又另一種風味。三塊各有不同食法吞拿魚、油甘魚、帆立貝吞拿魚及油甘魚切得好厚身，油甘魚味道唔濃所以先食，但食落有甘甜味道；吞拿魚唔係脂肪最勁嘅部分，不過就係咁所以就食到吞拿魚嘅味道；帆立貝加咗綠茶鹽，令鮮味更加提升唔知點解壽司嗰張相有問題，一片漆黑，好老土......伊佐木魚肉偏雪白，脂肪重所以好甘香石鯛魚正正就係夏天當造，食落油脂比頭先嘅伊佐木更加豐富甜蝦魚子醬加咗魚子醬嘅甜蝦即刻不再平凡，肉質滑溜帶一點鹹香北海道海膽最期待嘅海膽，睇住師父喺一盤海膽加入飯面，就係為咗呢一刻！刺身飯最尾再有一碗刺身飯，好飽喇！仲有紅豆雪糕或抹茶雪糕揀，呢個omakase餐真係超值咯！

佛誕前夕黎到天后鮨千月嘆返個午市廚師發辦。呢間位於26樓，居高臨下，望到海景添架，亦都有日本風情。我叫左午市餐牌既森羅，廚師會問你有咩唔食。首先係沙律，沙律菜好爽脆而且新鮮，個汁酸酸地好開胃。跟住係茶碗蒸，蒸蛋十分滑，亦都有好多料，好食。左至右: 薄切間白魚、吞拿魚刺身、油甘魚刺身、帶子刺身。薄切間白魚第一次食，要蘸柚子酸汁食，用左花瓣配襯，好精緻。刺身全部都好厚切肥美，尤其係帶子刺身超級美味，勁鮮甜。接下來係壽司。立魚壽司配紫蘇葉，你食完一件先會上第二件俾你。甜蝦壽司配魚子醬，好新鮮。燒左口魚邊壽司用火槍燒過後，油脂感出晒黎，好正。北海道海膽壽司又係超級鮮甜，好似係日本食到甘。黎到刺身飯，角切刺身堆到好高，刺身絕對多過飯，好味。味噌湯出晒煙，唔會好鹹，唔錯。最後食埋黑芝麻雪糕，好香濃幼滑，唔係細細球架，十分滿足。

天氣熱心情也鬱悶起來 放半日假抖抖氣沒有東西比美食更治癒 那就花錢買快樂去了天后 吃朋友推介的海景OMAKASE環境一流落地玻璃全海景 陽光流瀉舒適乾淨企理的吧檯 伴隨著溫暖招呼與熱茶沒有選擇困難點了餐 每一道都精緻美味廚師發辦最珍貴是 那份驚喜與當時得令 正正都對我胃口 加上出色的環境和服務不打擾卻偷偷關注我進度的師傅與waiter非常滿足幸福渡過了悠閒下午 極力推介-⧫⧫ Omakase - 森羅SHINRA ⧫⧫ $480-⧫沙律⧫新鮮沙律菜加上昆布與蒟蒻絲 口感爽脆配搭酸甜帶辣的沙律汁 開胃清新的開始-⧫茶碗蒸⧫滑溜的蒸蛋裏 藏著蝦肉雞肉冬菇銀杏等入口軟嫩又足料 簡單的料理裏也見心思-⧫薄切⧫間八魚薄切 刀工突顯魚的輕盈細嫩口感沾上帶柚子香的酸汁同食 更添清爽開胃配襯食用花賣相精巧誘人 色香味都齊備-⧫刺身⧫三款刺身很精美 師傅貼心提示食用次序帶子非常大粒厚肉 入口滿足軟嫩又鮮甜油甘魚bb比一般更細緻柔軟肥美卻不膩赤身濃郁有咬口 是愈嚼愈有油香的類型-⧫壽司四貫⧫·真鯛·作為開首的真鯛魚 是味道較清淡的魚種以萬能蔥及梅醬點綴 清香中帶鮮軟細膩·甜蝦·兩隻甜蝦個頭不小 粉嫩晶瑩外

前排放annual leave無地方去，就向朋友提議去間環景好d嘅地方，舒舒服服食個lunch～天后最近多了好多日本餐廳，呢間更加可以見到維港景色🤩lunch有好多定食，想吃得精緻點，所以就點了個「森羅」廚師發辦～的確可以慢慢享受師傅非常認真的在你面前準備食材，每件刺身/壽司，都包著了一份心思。先來的是沙律🥗，裡面有好多海帶和少少酸的醬汁，好開胃然後再來一碗非常香滑的茶碗蒸，入面配料十足，有蝦、菇、魚子和雞肉，配搭得很有心思間白魚刺身的味道頗特別，切得好薄切治癒，而花瓣是可以連魚一起吃，配上旁邊特別調製的酸汁，質感好滑好鮮甜，幾refreshing！刺身三種有帶子、油甘魚及toro（要順序吃），帶子加上檸檬汁後幾鮮甜，師傅在油甘魚上加了蔥和豉油，而且幾厚切，食落去好滑。toro亦是厚切的，鮮味最濃。接下來便是🍣時間～他們的壽司全加了wasabi和豉油，不夠味才再點也ok～4款壽司分別有深海池魚、左蝶魚、吞拿魚及海膽壽司。深海池魚加了柚子味，更帶出鮮甜味。左蝶魚則是切了紋的，口感煙竪，幾特別。吞拿魚壽司則加了梅漬，肉質入口即溶，幾香甜。最最最欣賞是海膽壽司，落了鹽，texture亦好好，

又到左期待已久既高級日本料理啦！好興奮呀！今次地點係位於天后既鮨千月，平日午餐時間黎，都好滿座！午市餐牌有omakase同9款定食。定食有熟食有魚生，附送沙律，茶碗蒸，味噌湯同甜品。第一次黎，揀左個入門既特上壽司6貫試試先，＄280另收加一。沙律 （跟餐）先上沙律。配料有昆布，沙律菜，菜苗。加上果醋，清新健康。茶碗蒸（跟餐）茶碗蒸有蟹肉，雞肉同白果。溫度剛剛好，唔會燙口。蒸蛋非常滑，調味適中很出色。然後就到主角壽司啦！同一般高級鮨店一樣，所有壽司飯已預先混合左醬油，調好味道。𩶘魚𩶘魚魚肉新鮮彈牙，黏性都好好，魚味濃。加左d柚子皮，柚子皮味道非常好。底層有一d葱花調味。池魚池魚比𩶘魚更彈牙同魚味更濃。上面既小花點綴居多，無特別味道。深海池魚深海池魚比上面兩種魚淋，味道同池魚不相伯仲，面頭有葱花調味。牡丹蝦牡丹蝦既蝦肉爽滑鮮甜。上面加上火炙蝦膏，放入口既時候好似聞到BBQ 蝦既味道。拖羅拖羅油香滿溢，入口即溶，吞拿魚味濃，確係上級拖羅。海膽海膽肥美新鮮，同樣入口即溶，確係頂級雲丹！值得一提既係酸薑片，鮮磨日本芥末同漬物都好出色。味噌湯（跟餐）味噌湯有紅蘿蔔大根簿片，亦有昆布，腐皮同啡菇。雪

最近天后附近開了好多新building，而且有好多精緻餐廳，前陣子趁著放annual去了位於金輪大廈這間的日式餐廳（被網上看到的維園海景吸引而來的）而且不能去日本 唯有留港食好一點的日本菜～午市有set lunch，價錢由200-400 不等，但質素絕對值回票價。餐廳晚上更是做廚師發辦的，可惜最近禁晚市堂食。前菜是沙律+茶碗蒸，茶碗蒸好精緻，而且好多配料，有菇、蝦肉、雞肉，texture好滑，果然前菜都好出色。喜歡吃刺身的我點了極上刺身（6種），款款都好鮮甜，早知道的話要點9種！特別推介🌟海膽味道非常鮮甜，而且texture是厚實的，非常滋味😋這款立魚捲芽蔥也頗特別的，芽蔥更能帶出立魚的鮮味。toro非常厚切，入口即溶。另外還非常欣賞他們的帶子，除面頭用了綠茶鹽調味外，還點了青檸，更能凸顯帶子的freshness，配搭果然非常有心思！朋友想吃點熱的，就點了天婦羅拼盤，也非常精緻。天婦羅炸得剛剛好，脆得來完全沒有油膩感覺，而且用料講究。🍤炸蝦用上新鮮厚實質感的鮮蝦，蕃薯也非常甜。最特別的是這個立魚紫酥葉卷，真的不是經常看到的，魚好嫩滑，而且紫蘇葉夾了在內，口感更好。最後還有非常香濃的綠茶

位於金輪天地26樓既鮨千月，開張只有一個月，已經不少人前往，環境唔錯，設有陽台可以出外影相，欣賞維港景觀🥰－－－－－－沙律沙律菜好新鮮，用左酸酸甜甜既醬汁去調味🤤感覺有點似泰式辣醬，份量剛好，食完開胃茶碗蒸茶碗蒸內有蟹肉同蝦粒，不過份量比較少，質感好稀，好快變水狀，而且高湯味唔濃，有待改善🙈極上刺身6種 $340刺身有甜蝦、海膽、油甘魚、大吞拿等等，所有刺身都非常新鮮，特別是海膽及大吞拿😋海膽入口鮮甜帶少少回甘，而大吞拿油脂分布極好，用筷子夾起就可以見到佢既油脂係好充足，入口即溶，非常難忘天婦羅拼盤 $220可能即叫即炸關係，都等候左一段時間先上菜，蝦炸粉好薄，肉質彈牙👍🏻但食到一半有點皮肉分離，炸皮完全可以脫離隻蝦，番薯幾清甜，不過偏爽身，再腍一點會更好麵豉湯麵豉湯非常足料，有海帶、菇、蘿蔔等，而味道都非常正宗，食完刺身配埋麵豉湯可以中和刺身既油分.甜品抹菜紅豆奶凍，非常迷你，不過味道幾好☺️抹茶夠濃但唔會有苦澀，加埋微甜原粒紅豆蓉，非常夾，但質感如果再稠杰就完美

又到假日，搵緊食咩好嘅時候，見到依間位於天后新開嘅日本料理。午市套餐多選擇，而且仲附有白飯、沙律、茶碗蒸、麵豉湯同甜品。餐廳環境開揚寬落，而且仲有個特大海境，影相打卡、或者係望住嚟食嘢令人心境開朗。蕃茄沙律：好新鮮，配上酸酸甜甜嘅沙律醬汁、先為我打開胃口。茶碗蒸：外觀精美，面頭有三文魚籽同香葉作點綴。蛋好滑溜，調味亦適中。極上刺身六種：由師傅發辦嘅六款極上刺身。每一款都新鮮鮮味。刺身仲好厚切添。我特別喜歡拖羅同海膽。海膽大約係原隻嘅份量，入口甘香鮮味。拖羅介乎大拖中拖之間，入口即溶，吞拿魚嘅油香同魚香瞬即滲出。天婦羅拼盤：今日嘅天婦羅拼盤有大蝦、白魚、大菇、番薯、南瓜、尖椒同茄子。天婦羅炸漿薄得嚟香脆，而炸物仍然保持鮮嫩。抹茶奶凍：抹茶味道相當之特出，再加上一點嘅紅豆，非常之好味，過後令人十分回味。