鮨千月 (已結業)

佛誕前夕黎到天后鮨千月嘆返個午市廚師發辦。呢間位於26樓，居高臨下，望到海景添架，亦都有日本風情。我叫左午市餐牌既森羅，廚師會問你有咩唔食。首先係沙律，沙律菜好爽脆而且新鮮，個汁酸酸地好開胃。跟住係茶碗蒸，蒸蛋十分滑，亦都有好多料，好食。左至右: 薄切間白魚、吞拿魚刺身、油甘魚刺身、帶子刺身。薄切間白魚第一次食，要蘸柚子酸汁食，用左花瓣配襯，好精緻。刺身全部都好厚切肥美，尤其係帶子刺身超級美味，勁鮮甜。接下來係壽司。立魚壽司配紫蘇葉，你食完一件先會上第二件俾你。甜蝦壽司配魚子醬，好新鮮。燒左口魚邊壽司用火槍燒過後，油脂感出晒黎，好正。北海道海膽壽司又係超級鮮甜，好似係日本食到甘。黎到刺身飯，角切刺身堆到好高，刺身絕對多過飯，好味。味噌湯出晒煙，唔會好鹹，唔錯。最後食埋黑芝麻雪糕，好香濃幼滑，唔係細細球架，十分滿足。