諾亞半熟蛋糕專門店 (已結業)

母親節, 搵個紅色蛋糕送俾媽咪, 今次揀左諾亞個” 草莓溶心芝士蛋糕”有佢最愛的士多啤梨, 又係cheese cake, 又有諾亞皇牌”流心”效果!Topping係士多啤梨(開邊)及士多啤梨Jelly, 士多啤梨及Jelly都係酸酸甜甜的, 好開胃.Topping下面係”流心” 士多啤梨芝士. 最底下係硬身士多啤梨芝士餅.芝士餅十分滑, 淡淡士多啤梨味, 未解凍曬, 可以當雪糕甘食.只係微甜, 芝士味唔會太rich, 唔會好漏!士多啤梨同芝士真係好MATCH!!

係九龍城買野經過諾亞見到個草莓半熟芝士蛋糕十分吸引，而且鋪滿晒士多啤梨就買左個試下。草莓半熟芝士蛋糕($169)蛋糕表面鋪滿晒大大粒既士多啤梨，仲有一層士多啤梨味既半透明汁，好似者王厘咁食落酸酸甜甜十分美味，中間一層的蛋糕保持諾亞既高水準，十分軟滑又同士多啤梨味十分夾，芝士加上酸甜既士多啤梨還有軟滑既蛋糕，將蛋糕同埋士多啤梨配合得十分出色。雖然呢個蛋糕定價較其他高，但用料豐富絕對值得一試。

諾亞由最初賣半熟蛋糕, 變成依家有另一主線芝士蛋糕. 一向對日本淡味芝士蛋糕都有好感, 但依家潮流唔興, 冇乜日式芝士蛋糕賣, 知道諾亞有近似款式, 諗著睇吓.去到分店, 見到芝士蛋糕都有好幾種, 有芒果, 草莓, 香芋, 又有小黃鴨同熊仔造型. 見到草莓芝士蛋糕顏色鮮艷, 比較新鮮吸引, 就買一個兩口子試食.因為買完仲有一段時間先會食, 店鋪會提供乾冰，約可保存兩小時.同店見另有燈膽玻璃樽型飲品, 有蜂蜜紅豆水賣, 見價錢唔貴個玻璃樽外型又咁靚, 可以留番嚟插花, 買多樽紅豆水試吓.番到屋企已經超過兩小時, 乾冰已經溶哂, 但個蛋糕底依然好凍. 蛋糕切開時覺得比較軟身, 好難切得整齊. 上層放滿新鮮草莓同草莓味果凍, 中層係草莓忌廉芝士, 下層係朱古力蛋糕. 蛋糕食味比較接近日式芝士蛋糕, 芝士比較淡同軟滑, 同平時食開紐約芝士蛋糕濃味完全唔同, 輕盈可口, 加上新鮮草莓, 酸甜適中.跟著飲埋蜂蜜紅豆水. 紅豆水係近期好hit健康飲品, 據聞可以去水腫. 飲落有淡淡紅豆味, 加上蜂蜜甜甜地好入口.