滿粥 (已結業)

今日五點多，比隻晨雀嘈醒，又訓唔返，起身出門口去買早餐食先太早起身，個人無咩胃口，最好就係食粥啦，又可以清腸胃又暖身🙂😋菜乾豬骨粥，其實唔係間間粥店都有菜乾粥買，見到有就叫來試下，粥底唔錯，豬骨醃得好夠味，菜乾份量都幾多👍🥹叉燒腸，叉燒布拉腸好好食，皮厚薄適中，口感柔嫩有彈，不略嫌叉燒太少😂⋯⋯即叫即拉ge 腸粉真係特別好食😋，雖然外賣返屋企，過咗一段時間，但都仲好新鮮👍😎豬紅粥，老公話好好食😋⋯⋯我唔食豬紅，所以無試！🫰鹹肉糭，有啲過喊，蒸得唔夠火喉，中間心食到有小小生米，不過肥豬肉幾正，入口即溶😝⋯⋯正!

噚日(5-1-2020 Sun)同老公落荃灣整嘢,整完食早餐,我想食油炸鬼,老公話嚟呢間,ok.我要$23.00嘅菜乾豬骨粥,$8.00嘅油炸鬼,老公要$35.00嘅窩蛋鮮牛肉粥.1. 油炸鬼大大條切段上,顏色好深,應該炸過火,食落好脆但好鹹,如果呢啲改善返會好啲.2. 菜乾豬骨粥我只用油炸鬼蘸嚟食,啲粥已經有菜乾味,食真啲,菜乾味唔算好濃啱啱好,豬骨有兩件,正常冇問題.3. 窩蛋鮮牛肉粥老公將隻窩蛋撈返上嚟,然後篤爛食,成碗就變成黃色嘅粥,我試啲,蛋同鮮牛肉都滑.環境:坐返上次嗰張枱,但今次個位好熱.(上次食評: https://www.openrice.com/zh/hongkong/review/%E9%A3%9F%E5%BE%97%E9%AC%86%E5%8B%95-e3462502)其他:呢喥逢星期三早上9:30起,免費派180碗粥俾長者.