康年餐廳

營業中

休息中

細細個爸爸成日帶我黎食，通常爸爸會飲奶茶，我就會食蛋撻或者奶黃墨西哥❤️今日黎開里頭，帶埋係菠蘿包迷嘅朋友~點左瑞士雞翼撈天使麵餐、叉燒雞脾飯餐、鮮油多同菠蘿包(食量驚人)先上菠蘿包，皮脆內軟，係上佳嘅菠蘿包，當然都係奶皇墨西哥為最佳🤤之後就黎鮮油多，多士採用薄多士，脆度足又唔會乾慷慨地俾左兩片鮮油，讚鮮油多要趁熱食，牛油融哂就唔好食了呷番啖茶記必點凍檸茶，認真嘅，去左咁多國家，香港茶記嘅凍檸茶係世界第一好飲🤤好快雞翼天使麵就上枱里啲茶記食物果然不能扮健康，之前試過撈丁正，撈天使麵真係不行😂但瑞士雞翼依然好入味，甜甜咸咸的朋友嘅叉燒雞脾飯，叉燒超級軟淋，又唔太肥，驚喜🤩雞脾我就冇試啦，但朋友話竟然唔油，佢都覺得好神奇，好掂個飯~食完買番幾個包孝敬爸爸媽媽

七月十一日 (星期日)到了旺角,老公仔已經叫眶餓了,真大食=.="他提議到金華吃菠蘿包,可惜見到太多人了,而且出得比較慢我就提議到康華買包吃之前番工前都會專情來買的今日過來吃比較新鮮買了個墨西哥奶皇包和菠蘿包墨西哥奶皇包:內裡的奶皇很香很奶,包也鬆軟菠蘿包也不比金華差!外表很香脆新鮮的味道果然不同,大家不妨一試康年呢!

由於下午實在食得太清淡，所以晚飯想食返d濃味d既野，跟住經過呢度記得大家寫佢既野都唔差，所以就入左黎食啦。入到去都有7成人，行到好累，好彩搵到張卡位坐下休息下。見到都有好多一家大細同埋朋友黎呢度食飯，睇黎都唔差呀。不過佢既menu上面既野食真係好熟口熟面，同某某餐廳既野勁似! 最後我地兩個人叫左個菠蘿包 (純粹試下)，紅酒牛尾煲(with飯&湯)再加一個豬軟骨撈公仔麵。先講菠蘿包，呢個我覺得都ok，唔算太差，因為佢好熱辣辣，個包好軟熟，但我覺得佢面頭個層太薄啦，係夠脆，但食得唔夠過癮，哈哈，而且佢個味道無金華咁濃，所以我都係覺得金華好食dd。之後紅酒牛尾煲...呢個好味喎!!!ｇｄ!!! 佢勁入味，同埋有好多配料，d紅蘿蔔索哂d汁，超好味呀。個汁要黎配飯剛剛好。d牛尾唔夠淋，但都ok架啦，因為真係好入味，變左好好食。 佢仲有個例湯送架，個例湯感覺都ok，唔似味精湯。仲有呀，佢個飯份量超大，我地都食唔哂要拎走。最後亦都係最唔好食既就係豬軟骨撈公仔麵，因為其實佢幾辣，變左我除左食到辣味就咩味都食唔到。佢個公仔麵又係d 唔好既公仔麵，一d口感都無，食落口好淋而且完全無味.......所以唔好