泰聚 (已搬遷) 新店位置

今晚去咗間平時成日經過，但每次都唔記得咗去嘅地方。因為佢個位真係幾隔zip...不過又因為隔zip，所以先至環境僻靜，唔會好多人，基本上唔訂枱walkin都會有位。一個好傳統特色的泰菜餐廳，帶住兩個小朋友，逼於無奈都係食D好typical嘅菜式。不過又確實有D驚喜，雖然係耳熟能詳的 菠蘿炒飯、炒金邊粉、串燒同埋小食拼盤。但係全部味道都不普通，好食過自己原先想像。炒飯唔會因為吸哂D菠蘿汁攪到好濕，D飯粒仍然係好爽，仲有蝦真係好大隻，撈埋面上肉鬆同腰果一齊食，真係特別正。金邊粉好幼好滑，小朋友勁鍾意食，食到完全成餐都冇講過嘢同分心，好專心咁一直食到最後。小食拼盤好正唔係春卷，反而係平時最唔想食嘅煎魚肉同蝦餅(因為一食就會飽哂)D肉好明顯真係人手打過, 如果唔係冇可能咁彈，件件都好似有空氣喺裡面咁好脹好彈，食完一啖即刻想食第二啖。串燒都係超驚喜之作，因為不論牛豬雞，串串肉質都唔老，好有咬口，唔會燒到又燶又乾。最正係個串燒醬，有花生香﹐辣度適中。嘢食真係好OK，反而係飲品我覺得一般。紅豆冰只係feel到椰汁味，紅豆唔多，我個人鍾意大乍樂嗰種紅豆爛蓉蓉，唔鍾意一粒一粒感覺好生。菠蘿冰仲菠蘿味汔水

天氣悶熱，胃口持續欠佳，老公就話不如食泰國野啦，酸酸辣辣，醒神又開胃呀嘛！喺太子地鐵站行過嚟大約5分鐘，地點幾方便，不過可能佢唔喺大街嘅關係，晚市時分人流都唔算好多，可以安安靜靜嘆個晚餐。由於而家喺新張期間，泰式生蝦特價，我哋當然唔會錯過啦。$88一碟有八隻新鮮爽口嘅生蝦，非常抵食如果想進一步刺激味蕾，點埋個酸辣醬就非常好味！呢度嘅飲品幾扺，一杯青檸梳打，上枱已經有大半杯，再加成罐梳打水自己加，消暑解渴一流！椰青都係冰凍嘅，裝滿好清甜嘅椰青水，真係好飲過我日日飲嘅樽裝椰子水好多啊跟住就上咗個菠蘿炒飯。個炒飯好足料，有蝦肉、有雞肉、仲有菠蘿一齊炒，酸酸甜甜，真係幾開胃跟住食肉獸叫咗半隻燒雞，雞肉唔算好嫰滑，不過味道幾惹味，而且啖啖肉！最後當然唔少得食返啲泰式甜品，乜都想試吓，乾脆叫個拼盤！中間嗰件泰式糯米糍同椰汁斑蘭千層糕最好食，口感qq ，唔會太甜，啱晒我口味一開始仲以為自己無胃口，最終都係食到好飽好滿足