Cambo ขุนทอง (The ONE)

營業中

休息中

#好友午餐尖沙咀 @hktheone 與我的女神一齊去咗食呢間泰國餐廳🤟🏻海鮮素食者的我，經過商量完😆叫左個泰國菜必食的大蝦菠蘿🍍炒飯😋味道幾好，色香味俱全👍🏻再加個清爽蒜蓉炒椰菜，仲有咖喱炒大蝦🍤😝女神叫左杯椰汁冰👍🏻大滿足💕

都唔知有幾耐無寫食評，見係openrice訂完位所以又寫下先朋友生日加上好耐無食泰國野，經常睇戲都會經過呢間餐廳又成日見到好多人食所以就好想試下啦!早早就book左位但見有限時所以想等齊人入，但餐廳就話仲有booking黎緊要我地入左去先。。。。呢度好似有少少夾硬黎咁不過好在果日人唔算多人都可以坐耐少少，哈哈**切餅唔收費但無雪櫃(會另外幫你keep起蛋糕)

Wow~~每次經過the one, 呢間餐廳都好多人等位～好似好正咁，就來試下蝦餅係我最愛之1！呢到炸到超脆！（所以要一定要趁熱食！）醬汁同出面一般的唔同，一般多數都係泰式辣醬咁，呢款就冇咁「結」，也是酸酸甜甜的～泰式炒粉，呢個炒得幾好，味道夠香濃，而且唔會好多油，加上旁邊的青檸，酸酸甜甜加埋花生碎，口感層次又再提升了～重點推介來了！🤩🤩🤩呢個真係不～得～了～真係超超超超級正！呢個係青咖哩軟殼蟹！首先係青咖哩一來到已經陣陣香氣飛埋黎，入面仲有茄子等等的配菜，而且係好「淋」夠入味得黎，又唔會冇左本身茄子的味，咖哩好濃郁，有陣陣椰子香～真係不得了～～～～～～軟殼蟹炸得超脆！加埋青咖哩真係冇得彈！外脆內軟仲要有咖哩的小小辣同滑滑地咖哩汁，回味番都覺得變態仲要有埋薯仔！大大粒薯仔都可以炸到外脆內軟仲要唔會好油！沾埋咖哩汁又係不得了之作仲要有埋法包比你沾埋d咖哩汁一齊食⋯哇！真係⋯omg....呢個真係激推！（見番到流口水⋯🤤🤤🤤🤤）呢到的菠蘿炒飯有配到原隻蝦蝦！最好的係已經剝左殼服務好好呢～餐廳店員服務都好友善，直得一讚！

今日同媽咪泥黎間泰國餐廳食飯，比預期期望有些少失望。波蘿炒飯不過不失.泰式拼盆（細）反而唔好味，共有4款：1. 炸蝦球太硬（唔知係咪冰鮮再就咁拎去炸，口感比新鮮即既差）2. 炸雞雞肉太過（hi) 3. 炸蝦春卷尚可接受 4. 煎魚定唔知蟹餅 整完出黎好似食緊膠咁， 好難咬開。 太硬。 之後再嗌左蒜蓉炒通菜，本身諗住會冇事啦 難食極有限。點知到係嘛嘛地，油味過重。 總括而言，黎餐算貴得黎又唔太好食，好失望。媽媽到話唔好食

同朋友相約去中村藤吉食抹茶，可惜新店要五月底先開。適逢週日落大雨，就近去the one食lunch算朋友見到門口個大餐牌好似好吸引，就決定試試呢間泰國菜。sunday都有lunch set，價錢適中，有湯有飲品。不過服務真係好麻麻，staff唔多，而且好冷漠。

菠蘿炒飯賣相雖然還可以，但是並不夠熱，相信是因為“大鑊飯”炒出來，炒了一段時間而涼了。湯一般，疑似放了味精。雞肉較老，欠雞味，油飯一般。另值得一提是，雖然THE ONE 近半年才開張，但此店的牆身不少地方而劃花，令人以為置身於街邊小店。

朋友Y終於找到一份稱心如意的工作。身為好朋友，我和朋友L當然要賀一賀佢。我們仨就來到THE ONE的金寶泰國菜館食晚餐。我們先來個泰式鮮蝦刺身。嘩，啲蝦真係好好食，好爽口，新鮮又彈牙。加上蒜頭和紅辣椒，非常醒胃。到寫呢一刻，諗起佢，我仲流緊口水。不過，那些辣椒真係幾辣，如果唔食得辣，就一定要撥走。然後是泰式豬頸肉。豬頸肉非常惹味 啲皮脆脆地，烤得入味得來啲肉又唔韌。再來就是朋友Y鍾意的鳳抓沙律。朋友Y一看相當高興因為有很多鳳抓。啲鳳抓非常爽口。不過就一般的白雲鳳抓，而且都幾辣。唔食得辣的要小心。終於都有熱辣辣的嘢食 扎肉蒸粉包。啲餡的味道唔錯，啲皮唔係好厚 不過，就油左啲。之後就是青咖哩海鮮鍋。啲青咖哩超好味 咖哩香得黎又唔係好辣，絕對可以用黎撈飯食。天婦羅料 - 蝦、蕃薯和蘿蔔，有啲淋，唔夠脆。軟殼蟹配咖哩都OK，不過，墨魚就感覺怪怪的，又不是特別好食。其他一般。再來是菠蘿炒飯。一般酒樓水準的菠蘿炒飯，不過不失，志在飽肚。食物是非常不錯的。但樓面好細，位同位之間的空間少到一個100磅的女子都要打側身行先過到。感覺好似夾硬「唧」啲位比佢地開舖。發展商真係「善用空間」...