Urban Bakery

營業中

休息中

每次經過Urban Bakery都會聞到好香好香嘅麵包味，不過我自己就唔係特別鐘意食包，居然某日男朋友買左兩個番黎，叫我當早餐食所以要講明先，我呢兩個包係隔左夜食嘅，我會用呢個立場去寫兩句。成個包除左隔左夜，我仲冇番熱係正直食嘅 (懶)~首先我食左杏仁法國牛角酥~其實而家要食個牛角包都唔平，呢個$17黎講我覺得唔算特別貴。隔左夜食都唔錯喎，牛油味仲係好香，當然我都知如果我輕輕整熱番會更好食嘅，不過食落都仲叫keep到鬆軟，未至於變到硬哂。呢款包加入左少量杏行片，口感唔錯，而且上面有砂糖，甜甜地，幾好食。如果新鮮食的話，相信會好食啲~同日下午我再食埋個菠蘿牛，本來預計菠蘿牛隔左夜會淋…不過菠蘿皮又keep到仲有少少脆~不過相對杏仁法國牛角酥都係會硬左少少~其實覺得呢兩個牛角包都算唔錯，下次再經過會試下出爐食，可能會好食啲。