日本野 (已結業)

疫情關係睇怕今年都去唔到日本，唯有去食日本野呃下自己當去左。餐廳環境唔錯和式格調簡潔乾淨，價錢經濟，美食多元化，各種日式料理、刺身、熱石燒、鍋物統統有，食下丼飯都唔錯的。厚燒鰻魚玉子 +$38厚厚的玉子口感軟彈，包住邪惡嘅芝士和肥美嘅鰻魚非常足料，仲有粒粒蟹籽口感豐富。配以黑松露沙律醬極為美味，有埋咸鮮味嘅木魚花，咸甜交集相當美味。遇上咁好味的玉子燒，實在好幸福。此乃必食之選值得推介。和風柚子雞翼 +$58雞翼炸得香脆肉嫩，淋左柚子醬酸酸甜甜清新開胃不油膩。浦燒鰻魚定食 $118原條鰻魚望見滿足，魚肉肥美肉質軟腍無碎骨，飯粒粒分明，自行淋上鰻魚醬汁美味非常。咖哩吉列豬扒丼 $98吉列豬扒炸得金黃外脆內嫩，咖哩汁不多，難滿足好醬汁的我。焦糖燉蛋 $58面層焦糖香脆，燉蛋口感細密幼滑，充滿蛋香，水準不俗。菠蘿雪葩 $78賣相唔錯，味道清甜可口，啖啖菠蘿果香。夏天食涼透心，爽呀！蟹籽沙律和麵豉湯 (跟餐)青瓜爽脆乾身，沙律份量唔多可一啖ＫＯ。麵豉湯不算濃味道還可以。飲品 (跟餐)凍檸荼凍檸水正正常常，甜度適中。

日本野-旺角既日本野我諗十個有九個香港人都鍾意食日本野，而我亦都唔例外，所以今日突登黎「日本野」食返餐日本野。望完一輪個餐牌後，我同朋友決定一人叫一個定食之後開心share。🐻石燒吉列霜降牛小排定食 $178今晚我比較想食香口野，所以就叫咗個石燒吉列霜降牛小排定食，定食包咗沙律、飯、溫泉蛋同餐飲。至於主角吉列霜降牛小排，油脂分佈尚算平均。先黎用肥脂肪熱一熱個石爐，之後再微煎三十秒左右，最後再點上燒汁，脆脆既外層，包住充滿肉汁既牛小排，忍唔住一塊接一塊。🐻和牛壽喜燒定食$188和牛壽喜燒差唔多每次去食日本野都會叫既鍋物，除咗和牛外，仲有金菇、豆腐同津白等配料，壽喜燒湯底味道較濃又甜甜地，好適合加入烏冬一齊食。🐻燒茄子 $18性價比勁高既原條燒茄子，茄子本身冇落任何調味，原汁原味去燒，除咗多汁外亦都好甜，只需要簡單點豉油就已經好好味。🐻菠蘿雪葩 $78夏天天氣熱，飯後甜品食返個菠蘿雪葩就岩晒，用上原個菠蘿雪藏，中間放入菠蘿雪葩，上枱時仲用冰鎮同少許水果伴碟，入口涼透心之餘仲有陣陣菠蘿香味，絕對係飯後甜品首選。

今日陪朋友去旺角睇完波鞋，就喺附近 搵嘢食! 想食啲新鮮清淡唔油膩嘅嘢，朋友就帶咗我嚟食日本嘢！餐廳個名真係叫 日本嘢，非常有趣，和風日系木製檯凳裝飾，好有居酒屋feel。 食物有刺身、壽司、丼飯、壽喜燒，款式都幾齊全。溫泉蛋和風燒牛肉丼飯燒牛肉有火炙燒焦香，牛味濃鬱，肉質鮮嫩煙韌，配上溫泉蛋，流心蛋汁溢出沾滿珍珠米粒，口感滿足！和牛壽喜燒配烏冬和牛 份量十足，脂肪較少，鮮甜嫩滑，軟熟煙韌。 壽喜燒湯底清 甜，加上豆腐 雜菜和日本生雞蛋，增加順滑豐富口感！脆味雞軟骨即叫即 即做 熱辣辣香脆可口 乾身唔油膩，灑上鮮檸檬汁突出脆香感覺！菠蘿雪葩用原隻菠蘿挖空果肉，再釀入菠蘿味雪葩，冰凍怡人透心涼，菠蘿味香甜，還帶有陣陣果肉清香！

好姊妹生日, 係我既悉心安排下, 揀左旺角銀城廣場樓上舖一間食日本菜餐廳---日本野。店內簡潔整齊, 提供多款刺身、壽司、自選丼飯, 晚上亦推出dinner set, 每set跟湯/沙律+飲品。【石燒吉列霜降牛小排】HK$178係其他餐廳食過唔少次石燒吉列牛, 但今次真係食過咁多次最好食既一間!霜降牛小排外圍邊位為鬆脆吉列炸皮, 牛小排色澤嫩紅, 油脂比例均勻, 係石板上稍為每邊燒至半熟, 充滿肉香又不會過於油膩, 質地林而不起渣。非常推介!【脆味雞軟骨】HK$48雞軟骨爽脆, 表面乾身香口, 有些少鹽吊味, 點埋沙律醬食, 味道更加提升【豚肉大阪燒】HK$88厚厚大阪燒, 豚肉比例較少, 大量椰菜絲加上沙律醬、燒汁壓成餅狀。豐富層次, 椰菜清甜。【5品刺身】HK$188包括有三文魚、油甘魚、八爪魚、甜蝦、北寄貝魚類刺身均為厚切, 滿足口感。三文魚帶魚鮮味; 油甘魚甘香鮮味; 八爪魚+北寄貝好爽; 甜蝦鮮甜唔腥。【帆立貝壽司】HK$48【蟹棒壽司】HK$18【火炙芝士蟹棒】HK$22帆立貝肥美鮮甜, 整整把壽司飯覆蓋; 甜甜蟹棒上既芝士經火灸後未至於溶為一體, 令壽司多一份芝士鹹香。【

之前食過主打西餐嘅Mini Friday都唔錯，原來最近佢開左條副線做日本菜，因為性價比幾高，所以都幾多人幫趁，見都有一排冇食日本嘢，就一於黎試下哩間日本野。日本野同Mini Friday嘅旺角店都喺同一層同一入口，只係鋪位分左左右兩邊，左邊係日本野，右邊係Mini Friday。日本野有散叫亦有套餐，想經濟啲可以叫丼飯或定食套餐，不過散叫就會多啲選擇，沙律、小食、大阪燒、串燒、刺身、壽司、石燒牛同甜品都有。冷泡水果茶($88/渣)飲品$58，我地兩個人就叫左一渣。水果茶酸甜度啱啱好，茶味夠但唔會太澀，都幾好飲。炭燒牛舌串($38)牛舌一客有兩串，雖然唔算厚身，但食落都彈口，鹹鹹香香幾惹味。壽司全部一份兩件，我點左三款唔同壽司。三文魚籽壽司($32)—三文魚籽每一粒都好圓，鹹鮮味十足，紫菜乾爽冇受潮變腍。海膽壽司($88)—每一件壽司都有幾多海膽，雖然夥粒唔算明顯，但食落都鮮味。火灸芝士三文魚($28)—三文魚好大塊，完全覆蓋下面嘅壽司飯，如果芝士可以燒到半融更加好。石燒霜降牛小排($148)牛小排可以散叫，亦可以加$18轉套餐加配昆布湯同白飯。牛小排雪花紋好靚，份量同賣相同餐牌內相片